جاڭا حابارلار

 قىستاقتا تۇرعان قىزمەت اتىرەتىنىڭ مۇشەلەرى «ىنتىماق اعاشىن بىرگە ەگىپ، نيەتتەستىك ورمانىن بىرگە ءوسىرۋ» تاقىرىپتىق قيمىل  ورىستەتتى     

    كەلۋ قاينارى: شينجياڭ حالىق راديو ىستانسياسى    2018-11-03 09:48:49  

 قازىر، وڭتۇستىك شينجياڭنىڭ كۇزدەگى اعاش ەگەتىن تاماشا كەزى. بىرنەشە كۇننەن بەرى، اۋات اۋداندىق ءتارتىپ تەكسەرۋ كوميتەتى باقىلاۋ - تەكسەرۋ كوميتەتىنىڭ كادرلارى، قىستاقتا تۇرعان قىزمەت اتىرەتىنىڭ مۇشەلەرى «ىنتىماق اعاشىن بىرگە ەگىپ، نيەتتەستىك ورمانىن بىرگە ءوسىرۋ» تاقىرىپتىق قيمىل  ورىستەتىپ، ايباق  اۋىلى تومەنگى ايكول قىستاعىنداعى تۋىستارىمەن بىرگە اعاش ەگىپ، ورمان ءوسىرىپ، كوركەم مەكەندى بىرگە قۇردى.  اعاش ەگىلگەن جەردە، اۋات اۋداندىق ءتارتىپ تەكسەرۋ كوميتەتى باقىلاۋ - تەكسەرۋ كوميتەتىنىڭ كادرلارى، قىستاقتا تۇرعان قىزمەت اتىرەتىنىڭ مۇشەلەرى تۋىستارىمەن بىرگە «ۇلتتار ىنتىماعى بەرەكەلى شاڭىراعىندا» اتىنداعى  اعاش ەگۋ شاعىن گرۋپپالارىنا ءبولىنىپ، كوپشىلىك ءوزارا سەلبەسىپ، بىرلىكتە ەڭبەك ەتكەن دابىرالى جاعدايدى قالىپتاستىردى.
    اۋات اۋداندىق ءتارتىپ تەكسەرۋ كوميتەتى باقىلاۋ - تەكسەرۋ كوميتەتىنىڭ كادرى ۋاڭ حىڭ قىستاق تۇرعىنى پاتىگۇل ابىلامەن تۋىسقاندىق قاتىناس ورناتقاننان بەرى، ەكى وتباسى  ۇنەمى بارىس - كەلىس جاساپ، ءبىر - بىرىنە كوڭىل ءبولىپ كەلەدى. وسى رەتكى اعاش ەگىپ، ورمان ءوسىرۋ قيمىلىندا، ولار ۇلتتار ىنتىماعىنىڭ سيموۆلى بولعان 30 ءتۇپ تەرەكتى بىرگە ەكتى. ۋاڭ حىڭ بىلاي دەدى: «ءبىز ›ىنتىماق اعاشى‹ رەتىندە بىرلىكتە 30 ءتۇپ اعاش ەكتىك، قاتتى قۋانىپ تۇرمىن. كەيىن وراي بولسا، وسى جەرگە تاعى كەلىپ، ەككەن قالامشالاردى كورىپ تۇرامىن، بالامدى دا ەرتىپ كەلىپ، ۇلتتار ىنتىماعىنا كۋا بولامىن».
      پاتىگۇل ابىلا:« قۋانىشىمدا شەك جوق، بۇدان كەيىن مەن ۇنەمى كەلىپ اعاشتاردى سۋارىپ تۇرامىن، سەبەبى بۇل اعاشتار ۇلتتار ىنتىماعىن بەينەلەيدى»، ـــ دەدى.
    بىرەۋى شۇقاناق قازسا، بىرەۋى اعاش ەگىپ، بىرەۋى سۋارسا، بىرەۋى توپىراقتان قىر سالىپ دەگەندەي كادرلار مەن تۋىستارىنىڭ وسىلايشا ءوزارا سەلبەسىپ ىستەۋىندە، اق تەرەكتەر قاعىر دالاعا قاز قاتار ەگىلدى.  «ىنتىماق اعاشىن بىرگە ەگىپ، نيەتتەستىك ورمانىن بىرگە ءوسىرۋ» قيمىلى ورىستەتىلگەننەن بەرى،  اۋات اۋداندىق ءتارتىپ تەكسەرۋ كوميتەتىنىڭ باقىلاۋ - تەكسەرۋ كوميتەتىندەگى 10 نەشە كادر 100 دەن ارتىق قىستاق تۇرعىنىمەن بىرلىككە 26 مۋ جەرگە اعاش ەكتى، قيمىل ورتانى جاسىلداندىرىپ قالماستان، ءارى تۋىستار ارا سۇيىسپەنشىلىكتى دە تەرەڭدەتتى، اۋات اۋداندىق ءتارتىپ تەكسەرۋ كوميتەتى باقىلاۋ - تەكسەرۋ كوميتەتىنىڭ كادرى چىن پىڭ بىلاي دەدى: « وسى رەتكى قيمىل ءارى   ›ۇلتتار ىنتىماعىنىڭ بەرەكەلى شاڭىراعىندا‹ قيمىلىنىڭ ماڭىزدى مازمۇنى بولدى، كادرلار تۋىستىق قاتىناس ورناتقان وتباسىلارمەن بىرگە قيمىلعا بەلسەنە قاتىناسىپ، زور قىزعىندىلىق بايقاتتى، سوندىقتان، ءبىز وسى جەرگە ەگىلگەن اعاشتى ›نيەتتەستىك ورمانى‹ دەپ اتادىق، ونىڭ كوركەم، جاراسىمدى مەكەندى قۇرۋىمىزدىڭ ءسانىن اسىرا تۇسەتىندىگىنە سەنىمىمىز كامىل». 
     
 


بەرىپ كەت ورامالىڭدى

دوستار

الىستاعى اق ەركە