جاڭا حابارلار

  چىن بوسى ماناس اۋدانى ءلانجوۋۋان قالاشىعى باجياحۋ قىستاعىنىڭ ديحانى. الما ەگۋدى بەرىلە زەرتتەپ،  قۋاڭ دالاعا باقىت اعاشىن ەكتى

    كەلۋ قاينارى: شينجياڭ حالىق راديو ىستانسياسى    2018-11-03 21:14:43  

ماناس راديو ستانسياسىنىڭ ءتىلشىسى شۇي ۋانلي مەن ەرىكتى ءتىلشى ما حۇيياننىڭ حابارى :
 بيىل 70 جاستاعى چىن بوسى ماناس اۋدانى ءلانجوۋۋان قالاشىعى باجياحۋ قىستاعىنىڭ ديحانى. 30 جىلدان بەرى، ول الما ەگۋدى بەرىلە زەرتتەپ،  قۋاڭ دالاعا باقىت اعاشىن ەكتى. 
      كۇزگى اعاش بۇتاۋدا جەمىس اعاشىنىڭ سول جاعىنداعى بۇتاعىن بۇتايمىز،  ۇيىتكەنى، بۇل كۇن نۇرىن توسىپ قالادى.   ءار رەت كۇزدىڭ سوڭعى قىستىڭ باسى بولا بەرە،  چىن بوسى ءوزىنىڭ جەمىس باعىندا قىستاقتاعىلارعا جەمىس اعاشىن بۇتاۋ تەحنيكاسىنىڭ باستى تۇيىندەرىن تۇسىندىرۋمەن بولادى. تۇرعىن حان لايتاۋ اعاش بۇتاۋ تەحنيكاسىن ۇيرەنىپ عانا قالماستان، تاعى چىن بوسى ۇيىمداستىرعان جەمىس اعاشىن شىرپۋ، بۇتاۋ جۇمىسشىلارى قوسىنىنا كىرىپ، سىرتقا شىعىپ جۇمىس ىستەپ كىرىسىن ارتتىرعانىن ايتا كەلىپ: ولارعا ىلەسىپ، باسقالاردىڭ جەمىس اعاشىن بۇتاپ، كۇنىنە 200 يۋان اقشا تابامىن،-دەدى.    1989- جىلى، چىن بوسى باجياحۋ قىستاعىنداعى 15 مۋلىق قاعىر جەردى كوتەرمەگە الىپ،  300 ءتۇپ جەمىس اعاشى قالامشاسىن ەگەدى. الايدا، اعاش ەگۋ تەحنيكاسىنان حابارسىز بولعاندىقتان،  15 مۋلىق جەمىس اعاشىنىڭ شىعىنى اۋىر بولادى.   چىن بوسى  جان-جاققا جۇگىرىپ ەگۋ تەحنيكاسىن كىشپەيىلدىكپەن ۇيرەنىپ، جەمىس اعاشىن ەگۋگە قاتىستى ءتۇرلى كىتاپتاردى بەرىلە وقيدى. اقىرى جەمىس اعاشىنىڭ  ونبەۋىنىڭ سەبەبىن تابادى. چىن بوسى بىلاي دەدى: ىشكى ولكەدەن ەنگىزگەن قالامشا سۋدان تارىعىپتى، كىتاپتان وسى جونىندەگى ساۋاتتاردى وقىدىم، تۋعان اۋىلىما تەلەفون سوقتىم،  ىشكى ولكەدەن ەنگىزگەن قالامشانى تاۋلىك بويى سۋعا شىلاپ توعىتىپ قويىپ، ونان كەيىن ەككەندە قاتارعا قوسىلۋى جوعارلايدى ەكەن.   مۇنىڭ تەتىگىن يگەرگەن چىن بوسىنىڭ جەمىس باعى تىڭنان تىرشىلىك تىنىسىنا تولدى. وسىدان كەيىنگى بىرنەشە جىلدا، ونىڭ ەككەن المالارى ءدامدى بولىپ جوعارى باعادا ساتىلىپ، ماڭىنداعىلار ونى « لاۋچىن الماسى» دەپ اتاستى. 1995- جىلى، چىن بوسى كۇيتۇنداعى ءبىر جەمىس باعىنان جاڭا سورتتى المانىڭ بىرنەشە  بۇتاعىن اكەلەدى، چىن بوسى وسى  جەمىس اعاشى بۇتاعىن باعىنداعى جەمىس اعاشىمەن بۋدانداستىرىپ تابىسقا جەتەدى.  ول بىلاي دەدى:  جەمىس باعىنداعى تاس الما اعاشىنا شين-شۋاي، شينگۋان سورتتارىن توتە بۋدانداستىردىم، وسىدان كەيىن، ›لاۋچىن الماسى‹ ماركاسى  جارىققا شىقتى.     

  وسى بىرنەشە تال جەمىس اعاشى بۇتاعىنىڭ ارقاسىندا، چىن بوسىنىڭ الما سورتىن ۇزدىكسىز ساپالاندىرۋ سەنىمى بەكەمدەلدى. 8 جىل قايتا-قايتا بۋدانداستىرۋ سىناعىن جۇرگىزۋدىڭ ناتيجەسىندە، اقىرى، چىن بوسى جاڭا سورتتى ءدامدى «شۇي-مي-تاۋ» الماسىن جەتىلدىردى. ۇلكەن، سۋ قۇرامى مول ءارىءدامى ءتىل ۇيىرەتىن مۇنداي الما بازارعا شىعارىلىسىمەن، ىشكى ولكەدەگى ساۋداگەرلەر تۇگەلىمەن تالاسا-تارماسا ساتىپ الدى. بۇگىنگى كۇندە، جاسى جەتپىستەگى چىن بوسى  ءالى دە وسى كاسىپ جولىندا ۇمتىلا العا ىلگەرلەۋدە. ول  بىلاي دەدى: پارتيانىڭ ءتيىمدى ساياساتىندا، قۇلشىنا كۇرەسۋىمنىڭ ارقاسىندا، بۇگىنگى باقىتتى تۇرمىسقا كەنەلىپ،  جەمىس-جيدەك ەگۋدە تابىسقا جەتىپ وتىرمىن، لاۋچىن الماسىنان ساپالى سورت جەتىلدىرىپ، تۇتاس شينجياڭعا، ەلىمىزگە بەت الدىرامىن.
 
 
 
 
 


بەرىپ كەت ورامالىڭدى

دوستار

الىستاعى اق ەركە