جاڭا حابارلار

جۇرەكتەردى توعىستىرىپ، كۇشتى شوعىرلاندىرىپ، جاراسىمدى مەكەنىمىزدى بىرگە قۇرايىق

    كەلۋ قاينارى: شينجياڭ حالىق راديو ىستانسياسى    2018-11-05 11:27:23  

 شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، اۆتونوميالى رايوندىق پارتكوم شينجياڭداعى ءار ۇلت كادرلارى مەن بۇقاراعا جەتەكشىلىك ەتىپ، پارتيا ورتالىق كوميەتىنىڭ شينجياڭدى جونگە سالۋ جالپى جوباسىن جاپپاي دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن باتىل تياناقتاندىرىپ، لاڭكەستىككە قارسى  تۇرىپ، ورنىقتىلىقتى قورعاۋ كۇرەسىندە كەلەلى كەزەڭدىك تابىستارعا قول جەتكىزىپ، ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن بارىنشا ارتتىردى، ءسويتىپ، تىنىش، بەرەكەلى كوركەم شينجياڭ ەلىمىزدىڭ ءىشى - سىرتىنداعى ساياحاتشىلاردىڭ جاقسى باعاسىنا يە بولدى. ستانسيامىزدىڭ ءتىلشىسى حاميتتىڭ حابارى:
   تاياۋدا، ءۇرىمجى ساۋدا سارايىندا كيىم- كەشەك ساۋداسىمەن شۇعىلداناتىن لي حانىم دۇكەنىنە كەلىپ قيعىلىق سالعان ءبىر قاريدارعا كەز بولادى، شۇعىل جاعدايدا، لي حانىم سول قاباتتاعى ساقشىعا مالىمدەۋ كىنوپكاسىن باسادى. ءبىر مينۋتقا جەتپەيتىن ۋاقىتتا، ساۋدا سارايىنىڭ حالىققا قولايلى ساقشى ورنىنداعى ساقشىلار  مەن بازاردىڭ اماندىق قورعاۋشىلارىنان ۇيىمداسقان ورنىقتىلىقتى قورعاۋ قوسىنى دۇكەنگە جەتىپ كەلىپ، قايشىلىقتى دەر كەزىندە شەشەدى. لي حانىم بىلاي دەدى: «قيعىلىق سالۋشى كەلىپ سوقتىعىپ، قاريدارلارىمدى دا قۋىپ جىبەردى، «110» ساقشىعا مالىمدەۋ كنوپكاسىن باسىپ، ساقشىلار كەلگەننەن كەيىن بۇل ءىس ويداعىداي شەشىلدى».
     لي حانىمنىڭ ساۋدا سارايىندا كيىم- كەشەك ساۋداسىن ىستەگەنىنە 10 نەشە جىل بولعان، ول تىلشىگە، وسى مەزگىلدە وزىنە ەڭ تەرەڭ اسەر قالدىرعانى سوڭعى ەكى جىلداعى بازار ءتارتىبى مەن قوعام اماندىعىن ساقتاۋ ورتاسىنىڭ كورنەكتى جاقسارعانى ەكەنىن ايتا كەلىپ بىلاي دەدى: « قازىر قوعام اماندىعى وتە جاقسى، قازىر قىمبات بۇيىمدارىمىزدى قاي جەرگە قويساق تا الاڭدامايتىن بولدىق، ساۋدا ىستەسەك تە، سىرتتا جۇرسەك تە كوڭىلىمىز توق، الاڭسىزبىز. »
  ءۇرىمجى قالاسىنداعى ماڭىزدى ساۋدا ورىندارىنىڭ ءبىرى بولعان ساۋدا سارايىنىڭ ماڭىندا جيىنى 10 بازار بار، بۇل اراعا ءار كۇنى كەلەتىن قاريدارلاردىڭ مولشەرى ورتا ەسەپپەن 30 مىڭ ادامعا جەتەدى. كۇندەلىكتى قوعام اماندىعىن ساقتاۋ- مەڭگەرۋ قىزمەتىن ويداعىداي ىستەۋ ءۇشىن، ساۋدا سارايىنىڭ حالىققا قولايلى ساقشى ىستەرى ورنى الەۋمەتىك اۋماقتىڭ حالىق ساقشىلارى، الەۋمەتتىك اۋماقتىڭ قوعام اماندىعىن جان- جاقتىلى وڭاۋعا ارناۋلى جاۋاپتى كادرلارى، بازار اماندىعىن ساقتاۋشى سياقتىلاردى تۇگەلدەي قاراستىلىعىنداعى رايوننىڭ قوعام اماندىعىن ساقتاۋ قىزمەتىنە قاتىناسۋعا باستاماشىلدىقپەن ۇيىمداستىرىپ، بىرلەسىپ جاعداي ۇعىسىپ، بىرلەسىپ ارەكەتكە كەلۋ ارقىلى  قاراستىلىعىنداعى رايوننىڭ حاۋىپسىزدىك جاعىندا قاعىس جەر، قالتارىس ورىن، بوستىق قالماۋىنا كەپىلدىك ەتتى. ساۋدا سارايىنىڭ سايباع رايونى 002 ءنومىرلى حالىققا قولايلى ساقشى ىستەرى ورنىنىڭ  باستىعى دۇڭ چۇن بىلاي دەدى: «قازىر بازاردا جاعدايدى بىرلەسىپ ۇعىسىپ، بىرلەسىپ ارەكەتكە كەلۋ جۇمىسى جاپپاي ورىستەتىلىپ، ساقشىنى كورە الۋ مولشەرىن جاپپاي جوعارىلاتتىق، ءسويتىپ ،ساۋدا سارايىنىڭ ماڭىنداعى ساۋدا وڭىرلەرىندە دەلو تۋىلۋ مولشەرىن وتكەن جىلدارداعىدان %40 تومەندەتتىك».  
    ۇرىمجىدەگى حالىققا قولايلى ساقشى  ىستەرى ورىندارى قالا وبرازىن ايگىلەيتىن ماڭىزدى تانىسقىعا اينالدى. بيىل 8-ايدا، جاڭالانعان شينجياڭ حالىقارالىق ۇلكەن بازارى كورىنس رايونىنداعى حالىققا قولايلى ساقشى ىستەرى ورنى ماڭىنداعىلارعا قىزعىندىلىقپەن قىزمەت ەتۋ جانە تەز اڭىس قايتارۋ قابىلەتىنىڭ ارقاسىندا، جان-جاقتان كەلگەن ساياحاتشىلار مەن ءۇرىمجى قالا تۇرعىندارىنا تىنىش تا جانعا جايلى ساياحاتتاپ سەيىلدەۋ ورتاسىن جاراتتى.
 
  ــــ   «سالەمەتسىز بە! فوتو اپاراتىڭىزدى تاپسىرىپ الدىڭىز با؟
  ـــــ  ءيا، الدىم، جاڭ ساقشى باستىعى وزىڭىزگە كوپ راحىمەت.
  ـــــ   فوتو اپاراتىڭىز بۇزىلماعان شىعار، ىشىندەگى بولشەكتەرى تولىقپا ەكەن،  جوعالماعان شىعار؟
  ــــــ  ءبارى  تولىق، وتە جاقسى قوراپتالىپتى.»
    قولتەلەفوننىڭ كەسكىن اپاراتىمەن شينجياڭ حالىقارالىق ۇلكەن بازارى تيانشان رايونى 103 حالىققا قولايلى ساقشى ىستەرى ورنىنىڭ باستىعى جاڭ جىنحاي حىناندىق ساياحاتشى ءپان حانىمەن حابارلاستى.  جۋىردا ءپان حانىم  شينجياڭ حالقارالىق ۇلكەن بازارىنا ساياحاتتاي كەلىپ، سول كۇنى تۇستەن كەيىن اۋەجايعا بارعاندا ابايسىزدا فوتواپاراتىن جوعالتىپ العانىن ءبىراق بىلەدى، ءپان حانىم بۇل جاعدايدى ساقشىعا مالىمدەگەننەن كەيىن، جاڭ جىنحاي ءپان حانىمنىڭ قامداعان ءجىپ ۇشىنا نەگىزدەلىپ، سول ماڭداعى ءبىر اسحانادان ءپان حانىمنىڭ ۇمىتىپ تاستاپ كەتكەن فوتو اپاراتىن تاۋىپ الادى، ءارى ەرتەسى كۇنى  پوچتا ارقىلى ونى ءپان حانىمعا جىبەرىپ بەرەدى.  ءپان حانىم  قۋانا: « ۇشاقتىڭ ۇشۋ ۋاقىتى تاياپ قالعاندىقتان، فوتو اپاراتىمدى قايتا بارىپ الۋعا ۇلگىرمەدىم، جاڭ ساقشى باستىعىنىڭ اكەلىپ بەرۋىنە دە ۋاقىت جار بەرمەيتىن بولعان سوڭ، وعان پوچتادان سالىپ جىبەرۋدى ايتقان ەدىم، ول دا مەنىڭ تالابىما بىردەن قوسىلدى، ەرەكشە تەبىرەندىم. شينجياڭدىق ساقشىلاردىڭ وتە قىزعىندى، جاۋاپكەرلىگىنىڭ وتە كۇشتى، ساقشىلاردىڭ ءىستى تىزگىن ۇشىمەن بىتىرەتىندىگىن سەزىندىم، شينجياڭ ماعان تەرەڭ اسەر قالتىردى»،-دەدى.
     شينجياڭ حالىقارالىق ۇلكەن بازارداعى حالىققا قولايلى ساقشى ىستەرى ورنىنا بارعاندا شۇعىل قۇتقارۋ ءدارى ساندىعى، جاڭبىرلىق، قولتەلەفوندى زارياتتاۋ ورنى سياقتى حالىققا قولايلى قىزمەت وتەۋ جابدىقتارىنىڭ تولىق ەكەنىن كورەسىز. جاڭ جىنحاي تانسىتىرا كەلىپ بىلاي دەدى: «ساقشى سىتەرى ورنى ساياحاتشىلار مەن قالا تۇرعىدارىنا 50 نەشە ءتۇرلى تەگىن قىزمەت وتەيدى. حالىققا قولايلى ساقشى ىستەرى ورنى  شينجياڭنىڭ تاماشا تانىسقىسى، شار تاراپتان كەلگەن ساياحاتشىلارعا قۇلىقتى قىزمەت وتەپ، كوپشىلىكتىڭ كوڭىلدى سەرۋەندەپ، الاڭسىز ءارى شات-شادىمان ساياحاتتاۋىنا مۇمكىندىك جاسايدى، قىزمەتىمىز ارقىلى كوپشىلىككە تىنىشتىقتى، كوركەمدىكتى سەزىندىرىپ، بارلىق ادامدى شينجياڭدى سۇيۋگە شابىتتاندىرامىز. »
   بەينەءۇرىمجى ساۋدا بازارى، شينجياڭ حالىقارالىق ۇلكەن بازارى سياقتى تيانشاننىڭ تۇستىگى مەن تەرىستىگىنەن جاراسىمدى تىنىشتىقتىڭ بەينەسى مەنمۇندالايدى. ءبىر قىدىرۋ ۇتىمدى شارالاردىڭ ارقاسىندا، شينجياڭداعى ءار ۇلت بۇقاراسىنىڭ حاۋىپسىزدىك سەزىمى كورنەكتى كۇشەيدى. چۇڭچيڭدىق ساياحاتشى لي حانىم بىلاي دەدى: «شينجياڭدى كورگەندە وتانىمىزدىڭ بايتاق دالاسىن كورگەندەي بولدىق، وسى رەت كەلگەنىمدە شينجياڭنىڭ اماندىق قورعاۋى ەرەكشە جاقسى ەكەنىن بايقاپ، تىپتەن الاڭسىز بولدىم، قايتىپ بارعاننان كەيىن كوپتەگەن دوس-جاراندارىمدى شينجياڭعا كەلۋگە ناسيحاتتايمىن، شينجياڭنىڭ اماندىق قورعاۋ قىزمەتى وتە جاقسى ەكەن، قاتتى رازى بولدىق. »
 


بەرىپ كەت ورامالىڭدى

دوستار

الىستاعى اق ەركە