جاڭا حابارلار

 شەكارا قورعاۋشى ەرلى- زايىپتىلاردىڭ وتانعا شەكسىز سۇيسپەنشىلىگى

    كەلۋ قاينارى: شينجياڭ حالىق راديو ىستانسياسى    2018-11-05 11:21:30  

التاي راديو ستانسياسىنىڭ ءتىلشىسى ۋاڭ جيڭرۋ مەن شىڭگىل راديو ستانسياسىنىڭ ءتىلشىسى ي پيڭنىڭ حابارى:
جۇڭگو مەن موڭعۇليانىڭ شەكاراسىنا ورنالاسقان شىڭگىل اۋدانى شاعانعول اۋىلى ساربۇلاق قىستاعىنىڭ جاراتىلىستىق ورتاسى جىل بويى وتە ناشار بولادى، 40 نەشە جىلدان بەرى، مالشى قۇسمان نۇسىپجان ۇلى مەن ايەلى شەكارانى قورعاۋدىڭ الدىڭعى شەبىندە بولدى، ولار قاجىرلى دا قاراپايىم، قالتقىسىز ۇلەس قوسۋ رۋحىمەن، وتانعا دەگەن شەكسىز سۇيسپەنشىلىگى مەن ادالدىعىن ايگىلەدى. 
    ساربۇلاق قىستاعىنىڭ شىعىسى موڭعۇليامەن شەكارالاسادى، وسىندا تۇرمىس كەشىرگەندەر، جازدا ينەنىڭ جاسۋىنداي بولىمسىز بۇلاق سۋىن ىشسە، قىستا قار سۋىمەن اۋىز سۋ جانە مال سۋاتى ماسەلەسىن شەشەدى، قىستا قاردىڭ قالىڭدىعىنان جول توسىلىپ قالىپ، قىستاق ديحاندارىنىڭ ناۋقاس كورسەتۋىنە، بالالاردىڭ مەكتەپكە بارۋىنا، سىرتقا شىعۋىنا قولايسىزدىقتار تۋىلادى. 1976-جىلى 23 جاستاعى قۇسمان نۇسىپحان ۇلى اكەسىنە مۇراگەر بولىپ، جۇڭگو مەن موڭعۇليانىڭ شەكاراسىنداعى بەلگى قويىلعان شەكارا سىزىعىن قورعاۋدى باستايدى، سودان بەرى مىنە 42 جىل بولدى. قۇسىمان نۇسىپجان ۇلى شەكارانى شارلاعاندا، جۇبايى بۇلبۇلحان ساعىمبەك قىزى ۇيدە جالعىز ءوزى ەكى جاس بالاسىن باعىپ، ءۇي شاراۋسىمەن اينالىسادى. ول: «بالالارعا ءوزىم قارايمىن،  جۇبايىم شەكارانى شارالاپ جۇرگەندە بىرەر جاعدايعا جولىقسا قايتەم دەپ تە الاڭدايمىن، ءار كۇنى جولعا شىققاندا وعان ەرەكشە اباي بولۋدى قايتا-قايتا تاپسىرامىن، ءارى ءبىر كۇندىك ازىعىن، نان- ءشايىن دايىنداپ بەرەمىن»،-دەدى.
    ءبىر جىلى قىستا، قۇسمان نۇسىپجان ۇلى شەكارانى شارالاپ جۇرگەندە، توسىننان قارلى بوران سوعىپ كەتىپ، دالادا قالىپ ونىڭ ەكى اياعى   ۇسىنىپ كەتىپ، ەشتەڭەنى دە سەزبەي قالادى، جولدا ءبىر تانىس كاريا جولىعىپ، قۇسىمان نۇسىپجان ۇلىن ۇيىنە الىپ بارادى. شۇعىل جاعدايدا، بۇلبۇلحان ساعىمبەك قىزى دەرەۋ ءبىر قويدى سويىپ، قازاق ۇلتىنىڭ ءداستۇرلى ۇسىكتى ەمدەۋ ادىسىمەن، قويدىڭ جىنى مەن  تەرىسىنە جۇبايىنىڭ ۇسىنىپ تاتارىپ كەتكەن اياعىن وراپ ءجۇرىپ، ونىڭ ەكى اياعىن امان الىپ قالادى. وسى ءبىر ءولىم مەن ءومىر سىناعى دا ەلى- زايىپتىلاردىڭ شەكارانى قورعاۋ سەنىمىن بوساڭسىتا العان جوق. دەنساۋلىعى قالپىنا كەلگەننەن كەيىن، قۇسمان نۇسىپجان ۇلى شەكارانى قورعاۋعا تاعى  اتتانادى. ول: «شەكارانى شارلاۋ بارىسىندا ءتۇرلى ويلاماعان جاعدايعا جولىعاسىڭ، ۇسىنىپ قالۋ، ىستىق ءوتىپ كەتۋ، قاسقىرعا جولىعۋ سياقتى جاعدايلار ۇنەمى بولىپ تۇرادى، كەيدە شىنىندا وتە جاپالى سەزىلەدى، ءبىراق مەن باس تارتسام، شەكارانى كىم قورعايدى دەپ ويلايمىن، وسى شەكارانى ويداعىداي قورعاۋ مەنىڭ مىندەتىم»،-دەدى.
   جاقىندا، بيىلعى جۇمىسىن تىندىرىمدى ورىنداعان قۇسمان نۇسىپجان ۇلى شاعىن قىستاق ورىن تەپكەن وتىرىقتاندىرۋ تۇيىنىنە كوشىپ باردى، جۇبايى ەكەۋى ەندىگى مىندەتتى ۇلكەن ۇلى قورعانبەك قۇسمان ۇلىنا تاپسىردى. قورعانبەك قۇسمان ۇلى: «بالا كەزىمنەن اكەمە ەرىپ، شەكارانى شارلاۋدا بىرگە بولدىم، قازىر مەن دە شەكارا قورعاۋشىمىن، وسى قىزمەتتى قىزۋ سۇيەمىن، ۇيدەگىلەردىڭ قولداۋىندا، وتان شەكاراسىن ويداعىداي قورعاپ، تىنىشتىقتى ساقتاۋعا ءوز ۇلەسىمدى قوسا الاتىنىما سەنىمىم كامىل»،-دەدى.


بەرىپ كەت ورامالىڭدى

دوستار

الىستاعى اق ەركە