جاڭا حابارلار

اعالى- ىنىلەردەي تەرەڭ سۇيىسپەنشىلىك ورناتتى

    كەلۋ قاينارى: شينجياڭ حالىق راديو ىستانسياسى    2018-11-05 11:20:59  

  اۋات اۋدانى تامتوعىراق قالاشىعى تۇقباسى قىستاعىنىڭ تۇرعىنى ابەيدوللا اۋىتتىڭ تۇرعان جەرى ــ چۇڭچيڭ قالاسى دازۋ رايونى، جۋشي قالاشىعى شياۋتان قىستاعىنىڭ تۇرعىنى تاڭ پەيچياڭنىڭ تۇرعان جەرىنەن نەداۋىر شالعاي بولعانىمەن، ەكەۋى اعالى- ىنىلەردەي تەرەڭ سۇيىسپەنشىلىك ورناتتى، ەندەشە، ولاردىڭ اراسىندا نەندەي اڭگىمە بار؟ ەندى اۋات اۋداندىق راديو ستانسياسىنىڭ ءتىلشىسى ۋاڭ جينشيا مەن گاۋھار ءاسەننىڭ وسى جونىندەگى حابارىن تىڭداڭىزدار:
   تاياۋدا، ابەيدوللا اۋىت چۇڭچيڭداعى تاڭ پەيچياڭمەن تەلەفون كەسكىنى ارقىلى سويلەستى،  تۇقباسى قىستاعىنىڭ قازىرگى تاماشا دامۋ جاعدايىن ەستىپ تاڭ پەيچياڭ قاتتى قۋاندى.  1997- جىلى، تاڭ پەيچياڭ اۋىلى چۇڭچيڭنان تۇقباسى قىستاعىنا كەلەدى. ءتىل بىلمەگەندىگى  سەبەبىنەن تاڭ پەيچياڭ ءبىراز قينالادى، سول ۋاقىتتا، قىستاقتا بۇعالتىرلىق ىستەيتىن ابەيدوللا اۋىت وعان ىرىقتىلىقپەن كومەكتەسەدى، تاڭ پەيچياڭ سول اراعا ۇيىرلەسىپ كەتەدى. ابەيدوللا اۋىت بىلاي دەدى: تاڭ پەيچياڭ قىستاقتا تۇرعان كەزىندە تۇرعىندارعا داقىلدى عىلمي جولمەن ەگۋ ءادىسىن بايسالدىلىقپەن ۇيرەتىپ، وتباسىندا قيىنشىلىعى بار تۇرعىندارعا كەپىل بولىپ، نەسيەگە تۇقىم، تىڭايقىش ساتىپ الىپ بەردى.
     تاڭ پەيچياڭنىڭ تۇرعىندار ءۇشىن سىتەگەن ىسىنە ابەيدوللا اۋىت قاتتى رازى بولادى. ءار جولى ۇيىندە پالاۋ باسىپ، ەت اسقان سايىن ابەيدوللا اۋىت تاڭ پەيچياڭدى قوناق بولۋعا ۇسىنىس ەتەدى. تاڭ پەيچياڭ بىلاي دەدى: ەگىن سالعاندا اۆتوكولىك، اربا، تىراكتۇرىن ماعان بەرە تۇردى، مەن تاعى ولاردىڭ ۇيىنەن تاماق ىشەتىنمىن، ءبىر ءۇيلى جانداي وتە جاقسى ارالاسىپ كەتتىك.
     2010- جىلى كۇزگى جين-تەرىننەن كەيىن، تاڭ پەيچياڭ جاسى ەگدەلەگىن شەشەسىن قاراۋ ءۇشىن شينجياڭنان چۇڭچيڭعا قايتادى. ابەيدوللا اۋىت تاڭ پەيچياڭدى قيماستىقپەن پويەز ۆاگزالىنا اپارىپ قويادى. 8 جىلدان بەرى، اعالى-ءىنىلى ەكەۋى ۋاقىتتارى بولا قالسا سەلەمدەسىپ، جاقسى تىلەكتەرىن جەتكىزىپ  تۇرادى. 2016- جىلى 8-ايدا، تاڭ پەيچياڭ اقىرى ۋاقىت شىعارىپ 2-مەكەنىندەگى  ءىنىسى ابەيدوللا اۋىتقا امانداسا كەلەدى. تاڭ پەيچياڭ بىلاي دەدى: دوسىمدى كورمەگەلى ۇزاق جىل بولدى، بىرگە شاراپ  ىشتىك، بال شىرىنى مەن  لاعمان دايىنداپتى. كەتەرىمدە ول تاعى سالماعى 20 كيلوگرام شىعاتىن قاربىزدان ۇشەۋىن  كوتەرىپ اۆتوكولىككە سالىستى، ول ايتىپ ايتپاي وتە اقپايىل جان. 
   كوپ وتپەي، تاڭ پەيچياڭنىڭ 80 نەشە جاستاعى شەشەسى قايتىس بولادى، ابەيدوللا اۋىت مۇنى ەستىپ قاتتى قايعىرادى. اۋات اۋداندىق مادەنيەت، راديو، كينو-تەلەۆيزيا مەكەمەسىنەن تۇقباسى قىستاعىنا تۇسكەن « حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتىنىڭ باستىعى جين شۇي بىلاي دەدى:  تاياۋدا، ابەيدوللانىڭ كوڭىلسىز  جۇرگەنىن بايقادىق، كوپشىلىك  ونىڭ چۇڭچيڭداعى ءىنىسىنىڭ شەشەسى قايتىس بولعانىنان حاباردار بولدى ، ول ىنىسىنە  قايتىپ كوڭىل ايتارىن بىلمەي قينالىپ ءجۇر ەكەن، كوپشىلىك ابەيدوللا مەن تاڭ پەيچياڭنىڭ اعالى-ءىنىلىدەي تەرەڭ سۇيىسپەنشىلىگىن كورىپ قاتتى اسەرلەندى.
 
 
 
 


بەرىپ كەت ورامالىڭدى

دوستار

الىستاعى اق ەركە