جاڭا حابارلار

فۋ شينيان بويجەتكەن   كۇرەس جاساۋ ارقىلى تۇرمىستىڭ   بال-شارباتىن تاتتى

    كەلۋ قاينارى: شينجياڭ حالىق راديو ىستانسياسى    2018-11-06 12:19:50  

 قۇمىل راديو ستانسياسىنىڭ ءتىلشىسى ديڭ ليڭليڭ مەن دۇڭ جيفاڭنىڭ  حابارى:كوپتەگەن ادام  اراق اشىتۋشىلاردىڭ باسىم كوبى ەرلەر  دەپ قارايدى، الايدا قۇمىلدىق بويجەتكەن فۋ شينيان اراق اشىتۋ قىزمەتىن ۇناتىپ قالادى، ول اراق اشىتۋ تەحنيكاسىن قۇلشىنا ۇيرەنىپ، سىرانى قۇنىتتاپ اشىتاتىن سەرىكتەستىك قۇرىپ، كۇرەس جاساۋ ارقىلى تۇرمىستىڭ   بال- شارباتىن تاتتى.     « قازىر مۇنىڭ قانت قۇرامى 2.123 گرادۋس، 2.3 گرادۋس،  سىرانىڭ قانت قۇرامى 2.3 گرادۋس مولشەرىندە بولسا، سپيرت قۇرامى 4.78 گرادۋس مولشەرىنە جەتەدى...». تاڭەرتەڭ ساعات 10 دا، فۋ شينيان ءوزىنىڭ سىرا اشىتۋ ۇيىنە بارىپ، سىرانىڭ قانت قۇرامىن ولشەدى، وسى ارقىلى ول سىرانىڭ ءدامى مەن ساپاسىن انىق ءبىلىپ،  ۋاعىندا رەتتەپ الاتىن بولدى.
     بيىل 35 جاستاعى فۋ شينياننىڭ داشۋەدە وقىعانى زاڭ كاسىبى، 2011- جىلى، سىرقاتتانعان اكەسىنە قارايلاسۋ ءۇشىن، چىڭدۋداعى قىزمەتىنەن باس تارتىپ، قۇمىلعا قايتىپ كەلەدى. 2016- جىلى، ءبىر رەتكى كەزدەيسوق ورايدا، فۋ شينيان  دوسىنا سەرىك بولىپ، چىڭدۋعا بارىپ، قۇنىتتاپ اشتىلعان سىرا نىسانىن كوزدەن كەشىرەدى، ول اسا ۇقىپتىلىقپەن اشىتىلعان سىرانىڭ ءدامىن تاتىپ كورگەننەن كەيىن، وسى سىرانىڭ ءدامى ونى دەرەۋ باۋرايدى. فۋ شينيان: «كۇندەلىكتى تۇرمىستا قۇمىراداعى سىرانى ءىشىپ كورگەنبىز، قۇنىتتاپ اشىتۋ  شاعىن كولەمدە ىستەلەدى، ءونىم مولشەرى تومەن بولادى، الايدا پايدالانىلاتىن ماتەريالدارى توتەنشە جاقسى. سونىمەن مۇنداي شاعىن كولەمدەگى نارسەنى قۇمىلعا اپارۋعا بولاتىندىعىن بايقادىم»،- دەدى.
    2017- جىلى 8- ايدا، فۋ شينيان چىڭدۋداعى سىرا زاۆوتىنا بارىپ، ۇيرەنىپ،  اراق اشىتۋ  جولىنا تۇسەدى. ءبىر كۇبى سىرانى اشىتۋعا 50 كيلوگرامداي شيكىزات جۇمسالىپ، ءوزىنىڭ وسى شيكىزاتتاردى تاسي الۋى ءۇشىن، فۋ شينيان  دەنە شىنىقتىرۋ ورنىنا بارىپ، ۇزبەي دەنە شىنىقتىرادى. دەنە قۋات جاعىنداعى قيىنشىلىقتاردى جەڭگەنىمەن، ماشينامەن مەڭگەرۋدى ۇيرەنۋ قيىنعا سوعادى. اراق اشىتاتىن تەحنيكتەر مەڭگەرۋ قاعيداسىن ۇيرەتكەندە، فۋ شينيان  ەستەلىك داپتەرىن الىپ، شەتىنەن ەستەلىككە الىپ، ماشينانىڭ ۇستىندەگى ءبىرىنشى ءنومىرلى ايىرعىشتىڭ، ەكىنشى ءنومىرلى ايىرعىشتىڭ ورنىنا  بەلگى قويىپ وتىردى. سونىمەن بىرگە ول وقىتۋشىنىڭ ۇيرەتكەن مازمۇنىن كەسكىنگە الىپ، قولى بوساي قالعاندا، الىپ شىعىپ وقىپ ۇيرەندى.
     2018- جىلى 6- ايدا، فۋ شينيان 300 مىڭ يۋان قارجى قوسىپ، قۇمىل قالاسىندا سىرا اشىتۋ ءۇيىن سالادى، تۇڭعىش رەت دەربەس سىرا اشىتقان فۋ شينيان كوپ اعاتتىق جىبەرەدى. فۋ شينيان: «ءاسىلى سىرانى تاڭەرتەڭ ساعات 9 دان باستاپ اشىتسا، قالىپتى جۇمىس ءتارتىبى كەشكى ساعات 9 دا اياقتايدى. مەن العاشىندا سۋدى قاتە قوسىپپىن، ارالاستىرۋ ءتاسىلى دە قاتە ەكەن، سونىمەن بىرگە ۋاقىتى دا تولماپتى، ءۇش كۇبى سىرانى اشىتىپ بولعاندا، تاڭعى ساعات ءۇش، ءتورت بولىپ كەتەتىن»،- دەدى.
    فۋ شينيان تالاي رەتكى ساتسىزدىككە مويىمادى، ءار كۇنى كەشتە قىزمەت اياقتاعاننان كەيىن، توراپقا شىعىپ ماتەريالداردى تەكسەرىپ، اراق اشىتۋشىمەن كەسكىن ارقىلى پىكىر اۋىستىرىپ، ەستەلىك جازىپ، تۇندە  ۇيىقتاردا جۇمىس ءتارتىبىن قايتا- قايتا وي ەلەگىنەن وتكىزەدى. سونىمەن اقىرى فۋ شينياننىڭ قۇلشىنۋىندا، ونىڭ قۇنىتتاپ اشىتقان سىراسى قۇمىل قالاسىنىڭ بازارىنا شىعارىلادى. فۋ شينيان: «كۇدىكتەنگەندەر كوبەيگەن سايىن ونان ارى تىرىستىم. 6- ايدان قازىرگە دەيىن، ەكى دۇكەن قوسىلدى. مەن قازىر كورلا، اقسۋ سياقتى جەرلەردىڭ بازارىن تەكسەرىپ جاتىرمىن، بازار بولاشاعى نەداۋىر جاقسى، مۇنداي جاقسى نارسەنى بۇكىل رايونىمىزعا جالپىلاستىرماقشىمىن»،- دەدى.


بەرىپ كەت ورامالىڭدى

دوستار

الىستاعى اق ەركە