جاڭا حابارلار

بيىل قىستا تۇتاس شينجياڭنىڭ جەر - جەرى  196 ءتۇرلى ساياحات قيمىلىن وتكىزەدى

    كەلۋ قاينارى: شينجياڭ حالىق راديو ىستانسياسى    2018-11-06 12:24:38  

ستانسيامىزدىڭ ءتىلشىسى ايبىنعازى راحمان ۇلىنىڭ حابارى:11-ايدىڭ 5-كۇنى تۇستەن بۇرىن، اۆتونوميالى رايون قىسقى ساياحات ونىمدەرىن تانىستىرۋ ءماجىلىسىن اشىپ، ىلە وبلىسى، ءۇرىمجى قالاسى، تۇرپان قالاسى، ءۇرىمجى تەمىر جول حالىقارالىق ساياحات باسقارماسى، اۋەجاي توبى سياقتى 12 ورىن قىسقى ساپالى ساياحات قيمىلدارىن، سارا ساياحات لەنياسى مەن ءتيىمدى سيلاۋ ساياساتتارىن تانىستىردى.
     بيىل ، رايونىمىزدىڭ  ايماق- وبلىس- قالالارى قار-مۇز، مادەنيەت، زات ساتىپ الۋ ، ۇلتتىق سالت- سانا، سپورت سياقتى ءتۇرلى قىسقى ساياحات قيمىلىنان 196 قيمىلدى بەلسەنە ۇيىمداستىرىپ، 102 تيىمدىلىك جاساۋ سيلاۋ شاراسىن اتقارادى. سانجى وبلىسى ءۇرىمجى- سانجى ءوڭىرىنىڭ قىسقى كوڭىل اشۋىنداعى، ساياحاتتاۋ جانە دەمالۋىنداعى تۇڭعىش تالعامى بولعان جەرلەردى نىسانا ەتىپ، « سۋىق پەن ىستىقتى بىرگە سەزىنۋ»، «100 كورىنىس رايونىنىڭ، كورىنىس ءتۇيىنىنىڭ ەسىك بەلەتىن كەشىرىم ەتۋ»، «ۇلتتار ىنتىماعىنىڭ بەرەكەلى شاڭىراعىندا بايلانىسىمەن باتىس وڭىرگە كوپ رەت بارىپ، تۋىسقا يگىلىك جەتكىزۋ» سياقتى قىسقى ەرەكشە تۇرلەردى شىعاردى. سانجى وبلىستىق ساياحات مەكەمەسى پارتگرۋپپاسىنىڭ شۋجيى حى ۋىن: «ءبىز دە ءبىرقىدىرۋ ءتيىمدى ساياساتتاردى اتقاردىق، كورىنىس رايونىنىڭ بەلەتى كەشىرىم ەتىلەدى، ۇشاق جالعا بەرىلەدى، ارناۋلى كەزەكشى پويەز قاتىنايدى، بيىل وسىنشاما كوپ ساياساتتار اتقارىلادى. بيىلعى قىسقى جانە كوكتەمگى ساياحاتتا قابىلداناتىن ساياحاتشىنىڭ سانى 3 ميلليون 800 مىڭ ادام رەتتەن اسۋىندا ماسەلە جوق، وتكەن جىلدىڭ وسى مەزگىلىنەن %38 تىڭ ۇستىنە ارتادى»،- دەدى.
     اقسۋ ايماعىنىڭ قىسقى ساياحات مەرەكەلىك قۇتتىقتاۋ قيمىلىنىڭ جالپى سانى 24 كە جەتتى، بۇل باستىسى اۋىل شارۋاشىلىق داقىلدارىن تەرۋ، قار- مۇز ساياحاتى، اۆتوكولىكپەن دالالىق ساياحاتتاۋ، شاعاندى قارسى الۋ باستى تاقىرىبى سياقتى قيمىلداردى قامتيدى، قيمىل كەزىندە، ساياحاتشىلار  تۇتىنۋدا ءتيىمدى باعادان يگىلىكتەنۋ، تاماشالايتىن كورىنىس رايوندارىنىڭ بەلەتىن كەشىرىم ەتۋ سياقتى تيىمدىلىكتەردەن يگىلىكتەنەدى، سونىمەن بىرگە، اقسۋ ايماعىندا ساياحاتتاعى جاتار ورىن، اس سۋ باعاسى تۇرلىشە سالىستىرمادا تومەندەيدى. اقسۋ ايماقتىق ساياحات مەكەمەسىنىڭ ورىنباسار باستىعى حان يۇي بىلاي دەدى: بيىل قىستا اقسۋلىقتار اقسۋعا ساياحاتتاۋدى جانە شينجياڭداعى ساياحاتشىلارعا باعىتتالعان تاريحي مادەنيەت ساياحاتىن جارىققا شىعارۋدى، شينجياڭنان باسقا جەرلەردەن كەلەتىن ساياحاتشىلارعا ، قىستا وڭتۇستىك شينجياڭدا دەمالىپ ەمدەلۋ، تىنىعۋ ساياحاتىن قالىپتاستىرۋدى ءتۇيىندى  ويلاستىردىق،  قاراجات جاعىندا ۇشاقتى جالعا الۋ، ارناۋلى جاتىن ورىن قوسىمشا قاراجاتى ساياساتىنان سىرت، تاعى دەمالىپ ەمدەلەتىن ساياحاتشىلاردىڭ ەرەكشەلىگىن كوزدەپ، دەمالىپ ەمدەلۋ، تىنىعۋ بازاسىن ارناۋلى سالىپ،  تارىم ءان-ءبي ۇيىرمەسىنىڭ ءبىر رەتكى ويىنىن تەگىن كورسەتەمىز.
   ۇعىسۋعا قاراعاندا، اۆتونوميالى رايوندىق ساياحات ىستەرىن دامىتۋ كوميتەتى بيىل "2+1+N" ۇلگىسىندەگى ساياحاتتى دامىتۋ جۇيەسىن جەدەل قۇرۋدى العا قويعان. اۆتونوميالى رايوندىق ساياحات ىستەرىن دامىتۋ كوميتەتى پارتگرۋپپاسىنىڭ شۋجيى حوۋ حانمين بىلاي دەدى: مۇنداعى 2 دەپ وتىرعانىمىز التاي جانە ءۇرىمجى-سانجى سىندى ەكى قالا بىرلەسىپ اتتانىسقا كەلىپ، قار-مۇز ساياحاتىن شوعىرلى جارىققا شىعارىپ،  كوپشىلىككە وزگەشە ساياحاتتى سەزىندىرۋگە قاراتىلعان. ءبىر دەپ وتىرعانىمىز وڭتۇستىك شينجياڭدا ۇلتتىق سالت-سانا جانە جەكە كولىگىمەن ساياحاتتاۋ  لەنياسى نەگىز ەتىلگەن ساياحاتقا قاراتىلعان، ال  +N دەپ وتىرعانىمىز تۇتاس شينجياڭنىڭ جەر-جەرىنىڭ اتتانىسقا كەلۋىنە قاراتىلعان،  11- ايدان   3- ايعا دەيىن 196 ءتۇرلى تارتىمدى قيمىل ۇيىمداستىرىپ، جابال  اتتانىسقا كەلۋ ارقىلى  جالپىلىق ساياحاتتى ، ەرەكشە ساياحاتتى جانە قىسقى ساياحاتتى ويداعىداي وتكىزەمىز، بيىل قىستا 10 ميلليوننان ارتىق ساياحاتشى قابىلداۋدان ءۇمىت زور.
 
 


بەرىپ كەت ورامالىڭدى

دوستار

الىستاعى اق ەركە