جاڭا حابارلار

كەريا اۋداندىق قازىنا مەكەمەسىنىڭ كادرى لياڭ يىڭ ىلگەرىندى- كەيىندى  روزىحان ماتتوحتى شەشەيمەن جانە مامەت عۇجابۇللا اتتى بالامەن تۋىستىق قاتىناس ورناتىپ، ۇنەمى بارىس-كەلىس جاساپ،  شىن پەيىلمەن مەيىر جەتكىزىپ، قارتتىڭ اۋزىنان تاستامايتىن « وپالى قىزعا»، بالانىڭ جۇرەگىندەگى « اياۋلى اناعا» اينالدى

    كەلۋ قاينارى: شينجياڭ حالىق راديو ىستانسياسى    2018-11-06 13:23:20  

 

ستانسيامىزدىڭ پراكتيكانت ءتىلشىسى لي ۋيدىڭ حابارى :ۇلتتار ىنتىماعىنىڭ بەرەكەلى شاڭىراعىندا» قيمىلى ورىستەتىلگەننەن بەرى، كەريا اۋداندىق قازىنا مەكەمەسىنىڭ كادرى لياڭ يىڭ ىلگەرىندى- كەيىندى  روزىحان ماتتوحتى شەشەيمەن جانە مامەت عۇجابۇللا اتتى بالامەن تۋىستىق قاتىناس ورناتىپ، ۇنەمى بارىس-كەلىس جاساپ،  شىن پەيىلمەن مەيىر جەتكىزىپ، قارتتىڭ اۋزىنان تاستامايتىن « وپالى قىزعا»، بالانىڭ جۇرەگىندەگى « اياۋلى اناعا» اينالدى.   
      تاياۋدا، كەريا اۋداندىق قازىنا مەكەمەسىنىڭ كادرى لياڭ يىڭ  جاڭادان ساتىپ العان ىدىس- اياق، شاۋگىم، ازىقتىق ماي سياقتى زاتتاردى الىپ كەريا اۋدانى سيەك  اۋىلى قىتچي قىستاعىنداعى تۋىسى روزىحان ماتتوحتىنىڭ ۇيىنە بارىپ، ونىڭ جاڭا قونىسقا كوشىپ، جاڭادان سالىنعان حالىقتى اۋقاتتاندىرۋ بەيقۇت ۇيىنە كىرگەنىن قۇتتىقتادى، ال روزىحان ماتتوحتى دا دايىنداعان ساڭزى، مەيىز، جەر جاڭعاعى سياقتى ەرەكشە   تاعامدارىمەن لياڭ يىڭدى كۇتتى. روزىحان ماتتوحتى: « پارتيا مەن ۇكىمەت بەيقۇت ءۇي سالىپ بەردى، ەرەسەن ءجايلى، مەنىڭ قىزىم لياڭ يىڭ ۇنەمى ۇيىمە كەلىپ  مەنەن حال سۇراپ تۇرادى، ءوزىمدى ەرەكشە باقىتتى سەزىنەمىن»،- دەدى.    
    روزىحان ماتتوحتى تىلشىگە، دەنساۋلىعىنىڭ بۇرىننان جاقسى ەمەستىگىن، پەرزەنتسىز ەكەنىن، تۇرمىستا ەرەكشە قينالىپ كەلگەنىن ايتتى. ونىمەن سەرىكتەسكەن تۋىسى لياڭ يىڭ جاعدايدى بىلگەننەن كەيىن، ونىڭ ەڭ تومەنگى تۇرمىستى قامتاماسىزداندىرۋ قاراجاتىنا ءوتىنىش ەتۋىنە كومەكتەسەدى، شيپاحانامەن حابارلاسىپ ەمدەلۋ ماسەلەسىن شەشەدى، قايتا- قايتا پىكىرلەسۋ، ارالاۋ بارىسىندا، روزىحان ماتتوحتى لياڭ يىڭدى ءوزىنىڭ قىزى رەتىندە قاراپ، لياڭ يىڭنىڭ باراتىنىنان حابار تاپسا بولعانى،  قىستاقتىڭ اۋىزىندا ونى توسىپ تۇرادى. لياڭ يىڭ اۆتوكولىكتەن تۇسكەن زامان، ىستىق ىقىلاسپەن ونى قۇشاقتاپ، وعان ارنايى پىسىرعان قازدىڭ جۇمىرتقاسىن الىپ بەرەدى. لياڭ يىڭ: «بەينە ءوز ۇيىمە قايتقاندايمىن، شەشەم  الدىمنان شىعىپ مەنى كۇتەدى، ول كىسىنىڭ  ۇيىنە بارعاندا ءوز ۇيىمە بارعانداي بولامىن، ارامىزداعى سۇيىسپەنشىلىك وسىلايشا بىرتىندەپ قويۋلاي ءتۇستى»،- دەدى.
     روزىحان ماتتوحتىدان سىرت، لياڭ يىڭ كەريا اۋدانى سيەك اۋىلى كوكمەت قىستاعىنىڭ تۇرعىنى عۇجابۇللا روزىمەن تۋىستاسادى. عۇجابۇللا مەن ونىڭ جۇبايى  سىرتتا ۇزاق ۋاقىت جۇمىس ىستەپ، بالاسى مامەت عۇجابۇللا ولاردى ۇنەمى كورە الماعاندىقتان، مىنەزى تۇيىق بولىپ قالادى. مامەت عۇجابۇللانىڭ كوڭىلىن اۋلاۋءۇشىن، لياڭ يىڭ ۇنەمى ءوزىنىڭ ۇلى ۋاڭ جياحاۋدى ونىمەن ويناۋعا اپارىپ تۇرادى. ءبىر جولى ەكى بالا ويناپ وتىرعاندا، مامەت عۇجابۇللا ابايسىزدان جىعىلىپ قالادى دا، لياڭ يىڭ ونى كوتەرىپ الادى، سول كەزدە ول لياڭ يىڭنىڭ قۇلاعىنىڭ تۇبىندە شەشە دەپ شاقىرسام بولاما دەگەندى سىبىرلاي سۇرايدى. لياڭ يىڭ بىلاي دەدى: « وعان جان ۇيانىڭ مەيىرىن سەزىندىرىپ، انالىق سۇيىسپەنشىلىك جەتكىزۋ قولىمنان كەلەدى» . 
    وسىلايشا لياڭ يىڭنىڭ تاعى ءبىر ۇلى بولدى. بيىل 9- ايدا، بالاعا قارايلاسۋعا قولايلى بولۋ ءۇشىن،  لياڭ يىڭ مامەت عۇجابۇللانى ءوزىنىڭ ۇلى ۋاڭ جياحاۋ وقيتىن باستاۋىش مەكتەپتىڭ ءبىرىنشى جىلدىعىندا وقىتادى. قازىر مامەت عۇجابۇللانىڭ مىنەزى اشىق- جارقىن بولۋدان سىرت،  مەملەكەتتە ورتاق قولدانىلاتىن ءتىل جازۋ دەڭگەيى بارىنشا جوعارىلادى. مامەت عۇجابۇللا: «شياۋ لياڭ شەشەم ادەتتە ءبىزدى سىرتقا اپارىپ ويناتادى، ءارى ءبىزدى وقۋىمىزعا جەتەكتەيدى، مەن شياۋلياڭ شەشەمدى ەرەسەن جاقسى كورەم، ماعان ەرەكشە جاقسى مامىلە جاسايدى»،- دەدى.
    لياڭ يىڭ تىلىشگە، سەرىكتەسۋ ارقىلى «شەشە» مەن «ۇلدى »تۋىس ەتكەننەن كەيىن، تۇرمىس مازمۇنىنىڭ بۇرىنعىدان دا مولايعانىن ايتتى. ول: « قانداي قاتىناستا بولساق تا، ءبىز ۇنەمى بارىس- كەلىس جاساپ، ارالاسىپ، ىستىق ىقىلاسپەن شىنايى سەزىمگە يە بولىپ، ۇلتتار ىنتىماعىنىڭ تۇقىمىن بالالاردىڭ جۇرەگىنە سەبۋىمىز، ءارى ىستەگەن ىستەرىمىزدىڭ شەشەك اتىپ جەمىس بەرۋىنە مۇمكىندىك جاساۋىمىز كەرەك»،- دەدى.

 


بەرىپ كەت ورامالىڭدى

دوستار

الىستاعى اق ەركە