جاڭا حابارلار

شي جينپيڭ ب م ۇ - نىڭ الەمدىك جاساندى سەرىك باعدار نۇسقاۋشى جۇيەسى حالىقارالىق كوميتەتىنىڭ 13 - كەزەكتى جينالىسىنا قۇتتىقتاۋ حات جولدادى

    كەلۋ قاينارى: شينجياڭ گازەتى    2018-11-07 20:02:46  
 شينحۋا اگەنتتىگىنىڭ 11 - ايدىڭ 5 - كۇنى بەيجيڭنەن بەرگەن حابارى. 11 - ايدىڭ 5 - كۇنى ب م ۇ - نىڭ الەمدىك جاساندى سەرىك باعدار نۇسقاۋشى جۇيەسى حالىقارالىق كوميتەتىنىڭ 13 - كەزەكتى جينالىسى شانشيدىڭ شي - ان قالاسىندا اشىلدى. مەملەكەت ءتوراعاسى شي جينپيڭ ماجىلىسكە قۇتتىقتاۋ حاتىن جولدادى.
  شي جينپيڭ بىلاي دەپ اتاپ كورسەتتى: جاساندى سەرىك باعدار نۇسقاۋشى جۇيەسى ماڭىزدى كەڭىستىك نەگىزدىك قۇرىلعى، ادامزات قوعامىنىڭ ءوندىرىس جانە تۇرمىسىنا بارلىق جاعدايدا بىردەي دالمە - ءدال كەڭىستىك ينفورماتسياسىمەن قامداۋ قىزمەتىن كورسەتىپ، ەكونوميكانىڭ، قوعامنىڭ دامۋىن ماڭىزدى ينفورماتسيامەن قامتاماسىز ەتەدى. بيىل ب م ۇ - نىڭ سىرتقى كەڭىستىك ءماجىلىسى اشىلعاندىعىنىڭ 50 جىلدىعى، ءارقايسى مەملەكەت جاساندى سەرىك باعدار نۇسقاۋشى جۇيەسى سالاسىنىڭ حالىقارالىق سەلبەستىگى مەن سايكەسۋىن كۇشەيتىپ، جاساندى سەرىك باعدار نۇسقاۋشىسىنىڭ بۇكىل الەمدە پايدالانىلۋىن جەبەپ، جاساندى سەرىك باعدار نۇسقاۋشىسىنىڭ ادامزاتقا باقىت جاراتۋى ءۇشىن اناعۇرلىم زور رول اتقارۋىن ىلگەرىلەتۋ كەرەك.
  شي جينپيڭ مىنالاردى باسا دارىپتەدى: جۇڭگو جاساندى سەرىك باعدار نۇسقاۋ جۇيەسى قۇرىلىسىنىڭ دامۋىنا وسكەلەڭ ءمان بەرىپ، حالىقارالىق سەلبەستىكتى بەلسەنە ورىستەتەدى. بەيدوۋ جۇيەسى جۇڭگونىڭ رەفورما جاساپ، ەسىك اشقان 40 جىلدان بەرگى قول جەتكىزگەن ماڭىزدى تابىستارىنىڭ بىرىنە اينالدى. بيىل جىل سوڭىنا دەيىن، بەيدوۋ جۇيەسى «ءبىر بەلدەۋ، ءبىر جول» بويىنداعى ەلدەرمەن وڭىرلەرگە باعىتتاي قىزمەت وتەۋ ارناسىن اشادى، 2020 - جىلى قىزمەت وتەۋ كولەمى بۇكىل الەمدى قامتيدى، 2035 - جىلدان بۇرىن اناعۇرلىم كەڭ كولەمدە، اناعۇرلىم توعىسقان، اناعۇرلىم زەردەلى جالپىلىق كەڭىستىك جۇيەسىن قۇرادى جانە كەمەلدەندىرەدى. جۇڭگو ءار ەلمەن بىرگە بەيدوۋ جۇيەسى قۇرىلىسىنىڭ دامۋ جەتىستىگىنەن تەڭ يگىلىكتەنىپ، الەمدىك جاساندى سەرىك باعدار نۇسقاۋ كاسىبىنىڭ قارىشتاپ دامۋىن بىرگە جەبەۋدى قالايدى. جينالىسقا قاتىناسقان ۋاكىلدەردەن اۋىس - كۇيىستى تەرەڭدەتىپ، كوپ بولىپ اقىل قورىتىپ، الەمدىك جاساندى سەرىك باعدار نۇسقاۋ جۇيەسىنىڭ الەمگە اناعۇرلىم ويداعىداي قىزمەت وتەۋ، ادامزاتقا باقىت جاراتۋ ءۇشىن اقىل - پاراساتى مەن كۇش - قۋاتىن ارناۋىن ءۇمىت ەتەمىن.

بەرىپ كەت ورامالىڭدى

دوستار

الىستاعى اق ەركە