جاڭا حابارلار

شي جينپيڭ تۇڭعىش كەزەكتى جۇڭگو حالىقارالىق يمپورت كورمەسىنىڭ اشىلۋ سالتىنا قاتىناستى ءارى ارقاۋ ءسوز سويلەدى

    كەلۋ قاينارى: شينجياڭ گازەتى    2018-11-07 20:11:15  

جاڭاشىل، سيىسىمدى، اشىق دۇنيە ءجۇزى ەكونوميكاسىن بىرگە قۇرۋدى باسا دارىپتەپ، جۇڭگونىڭ ەسىكتى ايقارا اشۋ جاڭا شارالارىن جاريالادى

11 - ايدىڭ 5 - كۇنى تۇڭعىش كەزەكتى جۇڭگو حالىقارالىق يمپورت كورمەسى شاڭحايدا اشىلدى. مەملەكەت ءتوراعاسى شي جينپيڭ اشىلۋ سالتىنا قاتىناستى ءارى «جاڭاشىل، سيىسىمدى، اشىق دۇنيە ءجۇزى ەكونوميكاسىن بىرگە قۇرايىق» دەگەن تاقىرىپتا ارقاۋ ءسوز سويلەدى.
سۋرەتتى شينحۋا اگەنتتىگىنىڭ ءتىلشىسى ياۋ داۋي تۇسىرگەن

 جۇڭگو شاڭحاي ەركىن ساۋدا سىناق رايونىنىڭ جاڭا اۋماعىن قۇرىپ، شاڭحاي اكتسيا ايىرباس ورنىندا عىلىم - تەحنيكالىق جاڭالىق اشۋ ۇلگى نۇسقاسى قۇرىلاتىندىعىن ءارى تىركەۋگە الۋ ءتۇزىمىنىڭ تۇيىندەر دە سىناق ەتىلەتىندىگىن، چاڭجياڭ اتىراۋى ءوڭىرىنىڭ ءبىر تۇلعالانا دامۋىنا قولداۋ كورسەتىلەتىندىگىن ءارى مەملەكەتتىك ستراتەگياعا كوتەرىلەتىندىگىن جاريالادى

  شينحۋا اگەنتتىگىنىڭ 11 - ايدىڭ 5 - كۇنى شاڭحايدان بەرگەن حابارى (تىلشىلەر جياڭ ۋي، باي جيە، ليۋ حۇڭشيا).تۇڭعىش كەزەكتى جۇڭگو حالىقارالىق يمپورت كورمەسى 11 - ايدىڭ 5 - كۇنى شاڭحايدا اشىلدى. مەملەكەت ءتوراعاسى شي جينپيڭ اشىلۋ سالتىنا قاتىناستى ءارى «جاڭاشىل، سيىسىمدى، اشىق دۇنيە ءجۇزى ەكونوميكاسىن بىرگە قۇرايىق» دەگەن تاقىرىپتا ارقاۋ ءسوز سويلەپ، بىلاي دەپ باسا دارىپتەدى: تاريحقا قايىرىلا قاراساق، ەسىك اشۋ، سەلبەسۋ − حالىقارالىق ەكونوميكا - ساۋدانىڭ ومىرشەڭدىك كۇشىن ارتتىرۋدىڭ ماڭىزدى قوزعاۋشى كۇشى؛ بۇگىندى تياناق ەتكەندە، ەسىك اشۋ، سەلبەسۋ − دۇنيە ءجۇزى ەكونوميكاسىنىڭ ورنىقتى تۇردە سەرپىلۋىن ىلگەرىلەتۋدىڭ رەال تالابى؛ بولاشاققا نازار اۋدارساق، ەسىك اشۋ، سەلبەسۋ − ادامزات قوعامىنىڭ ۇزدىكسىز العا باسۋىن ىلگەرىلەتۋدىڭ داۋىرلىك تالابى. ءار ەل ەسىك اشۋدى، سەلبەسۋدى بەلسەنە ىلگەرىلەتىپ، بىرگە دامۋدى جۇزەگە اسىرىپ، ادامزات قوعامىنىڭ اناعۇرلىم كوركەم بولاشاعىن بىرگە اشۋى كەرەك. جۇڭگونىڭ اناعۇرلىم جوعارى دەڭگەيدەگى ەسىك اشۋدى ىلگەرىلەتۋ قادامى توقتامايدى، اشىق دۇنيە ءجۇزى ەكونوميكاسىن قۇرۋدى ىلگەرىلەتۋ قادامى توقتامايدى، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ قادامى توقتامايدى.
  11 - ايدىڭ باسىنداعى شاڭحايدا قوڭىر سالقىن جەل ەسىپ، كۇز بەينەسى مەن مۇندالايدى. شاڭحاي مەملەكەتتىك ءماجىلىس - كورمە ورتالىعىنداعى اشىلۋ سالتىنىڭ نەگىزگى جينالىس الاڭىندا، ءار ەلدەن كەلگەن قوناقتار ءبىر جەرگە باس قوستى. تۇستەن بۇرىن ساعات 9دان 45 مينۋت مولشەرىندە، شي جينپيڭ چەحيانىڭ زۇڭتۇڭى زەمان، دومينيكانىڭ زۇڭتۇڭى مەدينا، سالۆادوردىڭ زۇڭتۇڭى سانچەس، كەنيانىڭ زۇڭتۇڭى كەنياتا، ليتۆانىڭ زۇڭتۇڭى گريباۋسكايتە، حورۆاتيانىڭ زۇڭليى پلەنكوۆيچ، ەگيپەتتىڭ زۇڭليى مادبوۋلي، گرۋزيانىڭ زۇڭليى باحتازە، ۆەنگريانىڭ زۇڭليى وربان، لاوستىڭ زۇڭليى تۇڭلۇن، مالتانىڭ زۇڭليى مۋسكات، پاكيستاننىڭ زۇڭليى يمران حان، رەسەيدىڭ زۇڭليى مەدۆەدەۆ، ۆيەتنامنىڭ زۇڭليى رۋان چۇنفۋ، ۇلى بريتانيانىڭ يورك گەرتسوگى اندرۋ حانزادا، حالىقارالىق اقشا قور ۇيىمىنىڭ باس تورەشىسى لاگاردە، دۇنيە ءجۇزى بانكەسىنىڭ باستىعى جين يۇڭ، الەمدىك ساۋدا ۇيىمىنىڭ باسالقاسى ازەۆەدو قاتارلى سىرت جاقتىڭ باسشىلارىمەن بىرگە جينالىس الاڭىنا كىردى.
  قىزۋ قول شاپالاق ءۇنى ىشىندە، شي جينپيڭ ارقاۋ ءسوز سويلەدى. شي جينپيڭ بىلاي دەپ اتاپ كورسەتتى: جۇڭگو حالىقارالىق يمپورت كورمەسى − قازىرگە دەيىن دۇنيە جۇزىندەگى يمپورتتى نەگىزگى تاقىرىپ ەتكەن تۇڭعىش مەملەكەتتىك دەڭگەيدەگى كورمە، حالىقارالىق ساۋدانىڭ دامۋ تاريحىنداعى ۇلى باستاما. بۇل جۇڭگونىڭ كوپ جاقتى ساۋدا ءتۇزىلىسىن قولداۋداعى، ەركىن ساۋدانىڭ دامۋىن ىلگەرىلەتۋدەگى دايەكتى تۇرعىسىن ايگىلەدى، بۇل − جۇڭگونىڭ اشىق دۇنيە ءجۇزى ەكونوميكاسىن قۇرۋدى ىلگەرىلەتۋدەگى، ەكونوميكانىڭ جاھاندانۋىن جەبەۋدەگى ناقتى ارەكەتى.
  شي جينپيڭ بىلاي دەپ باسا دارىپتەدى: بۇگىنگى دۇنيە ءجۇزى جاڭا كەزەكتى زور دامۋدى، زور وزگەرىستى، زور رەتتەلۋدى باستان كەشىرۋدە. ەكونوميكانىڭ جاھاندانۋى كەرى بۇرۋعا كەلمەيتىن تاريحي اۋقىم. دۇنيە ءجۇزىنىڭ ەكونوميكالىق جاعدايىنداعى تەرەڭ وزگەرىستەرگە سايكەس، ءار ەل اناعۇرلىم زور ەرلىك - جىگەرمەن، ەسىك اشۋدى، سەلبەسۋدى بەلسەنە ىلگەرىلەتىپ، بىرگە دامۋدى جۇزەگە اسىرۋى كەرەك.
  − ءار ەل ەسىك اشىپ توعىسۋعا تاباندى بولىپ، ءوزارا ءتيىمدى سەلبەستىك كەڭىستىگىن كەڭەيتۋى كەرەك. ءار ەل ەسىك اشۋدىڭ ساياساتتىق بەتالىسىنان جازباي، اشىق دۇنيە ءجۇزى ەكونوميكاسىن بىرگە قۇرۋى؛ ماكرولىق شارۋاشىلىق ساياساتىن سايكەستىرۋدى كۇشەيتىپ، دۇنيە ءجۇزى ەكونوميكاسىنىڭ ارتۋىن تىزە قوسا ىلگەرىلەتۋى؛ ادىلەتتى، ۇيلەسىمدى، جاريا حالىقارالىق ەكونوميكا - ساۋدا ەرەجەسى جۇيەسىن قۇرۋدى ىلگەرىلەتىپ، الەم ەكونوميكاسىنىڭ اناعۇرلىم اشىقتىعىن، قارىم - قاتىناسىن، توعىسۋىن جەبەۋى كەرەك.
  − ءار ەل جاڭالىق اشۋ ارقىلى جەتەكشىلىك ەتۋگە تاباندى بولىپ، جاڭا، كونە دەمەۋشى قۋاتتاردىڭ الماسۋىن جەدەلدەتۋى كەرەك. ءار ەل عىلىم - تەحنيكادا جاڭالىق اشۋدى بىرگە ىلگەرىلەتىپ، جاڭا ارتۋ تۇيىندەرىن جەتىلدىرىپ، جاڭالىق اشۋ جەتىستىكتەرىنەن بىرگە يگىلىكتەنۋى؛ جاڭا كەزەكتەگى عىلىم - تەحنيكا توڭكەرىسى مەن شارۋاشىلىق وزگەرىسى اكەلگەن ورايدى يگەرىپ، جاڭا تەحنيكانى، جاڭا كاسىپتى، جاڭا كاسىپ كۇيىن، جاڭا ۇلگىنى بىرگە جارىققا شىعارۋى كەرەك.
  − ءار ەل سيىسىمدى، جالپىعا ءتيىمدى بولۋدان جازباي، بىرگە دامۋدى ىلگەرىلەتۋى كەرەك. ءار ەل توماعا - تۇيىقتىق ەمەس، ەسىك اشۋعا، تىرەسۋ ەمەس، سەلبەسۋگە، جەكە يەمدەنىپ الۋ ەمەس، بىرگە يگىلىكتەنۋگە تاباندى بولۋى؛ 2030 - جىلعا دەيىنگى باياندى دامۋ كەڭەستىك ءتارتىبىن تياناقتاندىرىپ، الەمدىك دامۋداعى بىركەلكىسىزدىكتى ازايتىپ، ەكونوميكانىڭ جاھاندانۋىنىڭ اناعۇرلىم اشىق، سيىسىمدى، جالپىعا ءتيىمدى، تەپە - تەڭ، تەڭ يگىلىكتەنۋ بەتالىسىنا قاراي دامۋىن ىلگەرىلەتىپ، ءار ەل حالىقتارىن ەكونوميكانىڭ جاھاندانۋى مەن دۇنيە ءجۇزى ەكونوميكاسىنىڭ ارتۋ جەتىستىكتەرىنەن تەڭ يگىلىكتەندىرۋ كەرەك.

11 - ايدىڭ 5 - كۇنى تۇڭعىش كەزەكتى جۇڭگو حالىقارالىق يمپورت كورمەسى شاڭحايدا اشىلدى. مەملەكەت ءتوراعاسى شي جينپيڭ اشىلۋ سالتىنا قاتىناستى ءارى «جاڭاشىل، سيىسىمدى، اشىق دۇنيە ءجۇزى ەكونوميكاسىن بىرگە قۇرايىق» دەگەن تاقىرىپتا ارقاۋ ءسوز سويلەدى.
سۋرەتتە: اشىلۋ سالتىنان بۇرىن، شي جينپيڭ سىرت جاقتان كەلگەن باسشىلارىمەن بىرگە توپتىق سۋرەتكە ءتۇستى.
سۋرەتتى شينحۋا اگەنتتىگىنىڭ ءتىلشىسى ديڭ حايتاۋ تۇسىرگەن

 شي جينپيڭ بىلاي دەپ اتاپ كورسەتتى: رەفورما جاساپ، ەسىك اشقان 40 جىلدان بەرى، جۇڭگو حالقى ءوز كۇشىنە سۇيەنىپ ءومىر ءسۇرىپ، قايراتتانا ۇمتىلىپ، ۇدەرە العا تارتىپ، وزدەرىنىڭ قاجىرلى ەڭبەگى مەن ماڭداي تەرى ارقىلى مەملەكەت پەن ۇلت دامۋىنىڭ ايبىندى تاريحي داستانىن جازدى. جۇڭگو مەملەكەت قاقپاسىن اشىپ قۇرىلىس جۇرگىزۋگە تاباندى بولدى. ەسىك اشۋ − بۇگىنگى جۇڭگونىڭ ايقىن بەلگىسىنە اينالدى. جۇڭگو سىرتقا ەسىكتى ۇزدىكسىز ايقارا اشىپ، ءوزىن دامىتۋمەن قاتار، دۇنيە جۇزىنە دە باقىت اكەلدى. جۇڭگونىڭ اشىق ەسىگى جابىلمايدى، ول بارعان سايىن ايقارا اشىلا تۇسەدى.
  شي جينپيڭ بىلاي دەپ باسا دارىپتەدى: جۇڭگو ءوزارا تيىمدىلىك جاساپ، تەڭ يگىلىككە كەنەلۋدەي ەسىك اشۋ ستراتەگياسىن بۇلجىماي اتقارىپ، باستان - اياق الەمنىڭ بىرگە ەسىك اشۋىنىڭ ماڭىزدى ىلگەرىلەتۋشىسى، دۇنيە ءجۇزى ەكونوميكاسىنىڭ ارتۋىنىڭ ورنىقتى قوزعاۋشى كۇش قاينارى، ءار ەلدىڭ ساۋدا ورايىن كەڭەيتۋىندەگى ومىرشەڭ كۇشكە يە ءىرى بازار، الەمدىك جونگە سالۋ رەفورماسىنىڭ بەلسەندى ۇلەسكەرى بولادى. ەسىكتى اناعۇرلىم ايقارا اشۋ ءۇشىن، جۇڭگو مىنا جاقتاردا ىلگەرىلەتۋ سەرپىنىن ارتتىرادى.
  ءبىرىنشى، يمپورتتىڭ كومەسكى كۇشىن قاۋلاتادى. جۇڭگو تۇرعىنداردىڭ كىرىسىنىڭ ارتۋىن جەبەپ، تۇتىنۋ قابىلەتىن كۇشەيتىپ، ورتا، جوعارى دەڭگەيلى تۇتىنۋدىڭ جاڭا ارتۋ تۇيىندەرىن جەتىلدىرىپ، ەل ءىشى بازارىنىڭ كومەسكى كۇشىن ۇزدىكسىز جارىققا شىعارىپ، يمپورت كەڭىستىگىن كەڭەيتەدى؛ كەدەن باجىسىن ونان ارى تومەندەتىپ، وتكەلدەن ءوتۋدىڭ قولايلىلىق ورەسىن جوعارىلاتىپ، يمپورت بۋىنىنداعى تۇزىمدىك وزىندىك قۇندى تومەندەتىپ، شەكارا اتتاعان ەلەكتروندىق ساۋدا سياقتى جاڭا كاسىپ كۇيلەرىنىڭ جاڭا ۇلگىسىنىڭ دامۋىن جەدەلدەتەدى. جۇڭگو ءار ەلگە بازارىن ىزگى نيەتپەن اشادى، جۇڭگو حالىقارالىق يمپورت كورمەسىن ءار جىلى وتكىزىپ قانا قالماستان، دەڭگەيىن جوعارىلاتىپ، ونىمدىلىگىن كورسەتىپ، بارعان سايىن جاقسى وتكىزەدى.
  ەكىنشى، بازارعا كىرۋگە رۇقسات ەتۋدى ۇزدىكسىز كەڭەيتەدى. جۇڭگو شەتەل ساۋداگەرلەرىنىڭ قارجى قوسۋىنا رۇقسات ەتۋدىڭ ۇنامسىز تىزىمدىگىن ىشكەرىلەي ىقشامداپ، قارجى قوسۋ شەكتەمەلەرىن ازايتىپ، قارجى قوسۋدى ەركىندەستىرۋ دەڭگەيىن جوعارلاتادى، فينانس كاسىبىندە ەسىك اشۋدى ورنىقتى قاداممەن كەڭەيتىپ، قىزمەت وتەۋ كاسىبىندە ەسىك اشۋدى ۇزدىكسىز ىلگەرىلەتىپ، اۋىل شارۋاشىلىعىندا، كەن قازۋ كاسىبىندە، جاساۋ كاسىبىندە ەسىك اشۋدى تەرەڭدەتىپ، تەلەگراف، وقۋ - اعارتۋ، ەمدەۋ، مادەنيەت سياقتى سالالاردا ەسىك اشۋ اياق الىسىن جەدەلدەتەدى.
  ءۇشىنشى، حالىقارالىق ماڭداي الدى ساۋدا ورتاسىن قالىپتاستىرادى. جۇڭگو شەتەل ساۋداگەرلەرىنىڭ قارجى قوسۋى جونىندەگى زاڭ - بەلگىلەمەلەردى جەدەل شىعارىپ، شەتەلگە ساياتىن اشىق، جاريا زاڭ جۇيەسىن كەمەلدەندىرىپ، بازارعا كىرۋگە رۇقسات ەتۋدەن بۇرىنعى ازامات مامىلەسى ۇستەمەلەنگەن ۇنامسىز تىزىمدىكتى باسقارۋ ءتۇزىمىن جان - جاقتى ىشكەرىلەي اتقارادى؛ جۇڭگو شەكاراسى ىشىندە تىركەۋگە الدىرعان ءتۇرلى كاسىپورىنداردى بىردەي كورىپ، تەڭ مامىلە جاسايدى؛ شەتەل قارجى قوسقان كاسىپورىنداردىڭ زاڭدى ۇقىق - مۇددەسىن قورعاپ، شەتەل ساۋداگەرلەرىنىڭ زاڭدى ۇقىق - مۇددەسىنە سۇعاناقتىق جاساۋ، اسىرەسە، ءبىلىم مەنشىگى ۇقىعىنا سۇعاناقتىق جاساۋ ارەكەتتەرىن باتىل تۇردە زاڭ بويىنشا جازالاپ، ءبىر جاقتى ەتىپ، ءبىلىم مەنشىگى ۇقىعىن تەكسەرۋ ساپاسىن جانە تەكسەرۋ ونىمدىلىگىن جوعارىلاتىپ، جازالاۋ سيپاتتى تولەم ءتۇزىمىن ەنگىزەدى.
  ءتورتىنشى، سىرتقا ەسىك اشۋدىڭ جاڭا بەلەسىن تۇلعالايدى. جۇڭگو ەركىن ساۋدا سىناق رايوندارىندا رەفورما جاساۋدى، جاڭالىق اشۋدى تەرەڭدەتۋگە قولداۋ كورسەتىپ، حايناندا ەركىن ساۋدا پورتىن باسقىشقا، كەزەڭگە ءبولىپ قۇرۋ ساياساتى مەن ءتۇزىم جۇيەسىنە جەدەل زەرتتەۋ جۇرگىزىپ، العا قويىپ، جۇڭگوشا ەركىن ساۋدا پورتىن قۇرۋ جونىندە ىزدەنىس جاساۋ اياق الىسىن تەزدەتەدى.
  بەسىنشى، كوپ جاقتى جانە ەكى جاقتى سەلبەستىكتىڭ ىشكەرىلەي دامۋىن ىلگەرىلەتەدى. جۇڭگو ەجەلدەن الەمدىك ساۋدا ۇيىمىنىڭ ەرەجەسىن باتىل قورعاپ، الەمدىك ساۋدا ۇيىمىنىڭ قاجەتتى رەفورمالار جۇرگىزۋىنە قولداۋ كورسەتىپ، كوپ جاقتى ساۋدا ءتۇزىلىسىن تىزە قوسا قورعاۋدى دايەكتى تۇردە دارىپتەپ كەلەدى. جۇڭگو وڭىرلىك جان - جاقتى ەكونوميكالىق سەرىكتەستىك قاتىناس كەلىسىمىن ەرتەرەك جاساۋدى ىلگەرىلەتۋدى، جۇڭگو - ەۆروپا قارجى قوسۋ كەلىسىمى كەلىسسوزىن جەدەل ىلگەرىلەتۋدى، جۇڭگو - جاپونيا - كورەيا ەركىن ساۋدا رايونى كەلىسسوزىنىڭ اياق الىسىن تەزدەتۋدى قالايدى. جۇڭگو 2018 - جىلعى جۇڭگو - افريكا سەلبەستىك تالقى مىنبەرىنىڭ بەيجيڭدەگى باسشىلارى باس قوسۋى العا قويعان «سەگىز ءىرى ارەكەتتى» مۇقيات اتقارىپ، 20 ەل توبى، ازيا - تىنىق مۇحيت ەكونوميكالىق سەلبەستىك ۇيىمى، شاڭحاي سەلبەستىك ۇيىمى، بريكس ەلدەرى سياقتى مەحانيزمدەردىڭ ءتىپتى دە زور رول اتقارۋىنا قولداۋ كورسەتەدى. جۇڭگو «ءبىر بەلدەۋ، ءبىر جولدى» بىرگە قۇرۋدى ۇزدىكسىز ىلگەرىلەتىپ، اقىلداسۋدان، بىرگە قۇرۋدان، بىرگە يگىلىكتەنۋدەن جازباي، بۇكىل الەمگە اشىق، سەلبەسەتىن حالىقارالىق تۇعىر ازىرلەيدى.
  شي جينپيڭ مىنالاردى باسا دارىپتەدى: كەزەكتە جۇڭگو ەكونوميكاسىنىڭ اينالىمى تۇلعالىق جاقتان ورنىقتى بولىپ، ورنىقتىلىق بارىسىندا ىلگەرىلەۋدە. جۇڭگونىڭ ەكونوميكالىق دامۋىنىڭ اقاۋسىز، ورنىقتى نەگىزگى جاعدايى وزگەرگەن جوق، جوعارى ساپالى دامۋعا تىرەك بولاتىن ءوندىرىس فاكتورلارى شارت - جاعدايى وزگەرگەن جوق، ۇزاق ۋاقىت بويى ورنىقتىلىق بارىسىندا جاقسارۋداي تۇلعالىق بەتالىسى وزگەرگەن جوق. جۇڭگونىڭ ەكونوميكانىڭ ۇزاق ۋاقىت اقاۋسىز، ورنىقتى دامۋىن ساقتايتىن كوپتەگەن ءتيىمدى شارت - جاعدايى بار. العا ىلگەرىلەۋ بارىسىندا كەزدەسكەن ماسەلەلەردى بەلسەندى شارالار ارقىلى شەشۋدەمىز. ستراتەگيالىق تاباندىلىقتى ساقتاپ، رەفورما جاساۋدى، ەسىك اشۋدى جاپپاي تەرەڭدەتىپ، قامداۋ جاعىنداعى قۇرىلىمدىق رەفورمانى تەرەڭدەتىپ، ورىن تەۋىپ وتىرعان ەلەۋلى قايشىلىقتار مەن ماسەلەلەردى كۇش سالا شەشسەك بولعانى، جۇڭگونىڭ ەكونوميكاسى، ءسوزسىز، جوعارى ساپالى دامۋ ارناسىنا جەدەل تۇسەتىندىگىنە، جۇڭگو حالقىنىڭ، ءسوزسىز، العا ىلگەرىلەۋ جولىنداعى بارلىق قيىنشىلىقتار مەن سىن - سايىستاردى جەڭە الاتىندىعىنا، جۇڭگونىڭ، ءسوزسىز، اناعۇرلىم جارقىن دامۋ كەلەشەگىن قارسى الاتىندىعىنا سەنەمىز.
  شي جينپيڭ مىنالاردى جاريالادى: شاڭحاي قاتارلى وڭىرلەردىڭ سىرتقا ەسىك اشۋداعى ماڭىزدى رولىن اناعۇرلىم جاقسى ساۋلەلەندىرۋ ءۇشىن، ءبىز جۇڭگو شاڭحاي ەركىن ساۋدا سىناق رايونىنىڭ جاڭا اۋماعىن قۇرۋدى؛ شاڭحاي اكتسيا ايىرباس ورنىندا عىلىم - تەحنيكالىق جاڭالىق اشۋ ۇلگى نۇسقاسىن قۇرۋدى جانە تىركەۋگە الۋ ءتۇزىمىن تۇيىندەردە سىناق ەتۋدى؛ چاڭجياڭ اتىراۋى ءوڭىرىنىڭ ءبىر تۇلعالانا دامۋىنا قولداۋ كورسەتۋدى ءارى مەملەكەتتىك ستراتەگياعا كوتەرۋدى ۇيعاردىق.
  شي جينپيڭ مىنالاردى باسا دارىپتەدى: جۇڭگو حالىقارالىق يمپورت كورمەسى جۇڭگونىڭ جەكە ءانى ەمەس، قايتا ءار ەلدىڭ كولەمدى بىرىككەن حورى. سيلى قوناقتاردىڭ الەمدىك ەكونوميكانى جونگە سالۋ جۇيەسى رەفورماسىنىڭ جاڭا وي جەلىسى جونىندە ىشكەرىلەي تالقى جۇرگىزىپ، ەركىن ساۋدا جانە كوپ جاقتى ساۋدا ءتۇزىلىسىن بىرگە قورعاپ، جاڭاشىل، سيىسىمدى، اشىق دۇنيە ءجۇزى ەكونوميكاسىن بىرگە قۇرىپ، ادامزاتتىڭ تاعدىرلاس ورتاق تۇلعاسىن بىرگە قۇرۋ نىساناسىن بەتكە الىپ قاجىماي - تالماي ۇدەرە العا تارتىپ، ادامزاتتىڭ اناعۇرلىم كوركەم بولاشاعىن اشۋىن ءۇمىت ەتەمىن.
  شي جينپيڭ ارقاۋ ءسوز سويلەگەندە، ءماجىلىس زالىنان دۇركىن - دۇركىن قىزۋ قول شاپالاق ءۇنى كوتەرىلدى.
  اشىلۋ سالتىندا ءىشىنارا شەتەل باسشىلارى مەن حالىقارالىق ۇيىمداردىڭ جاۋاپتىلارى ارناۋ ءسوز سويلەدى. ولار جۇڭگونىڭ رەفورما جاساپ، ەسىك اشۋدا قول جەتكىزگەن وراسان زور جەتىستىكتەرىن بارىنشا القاپ، جۇڭگونىڭ ەكونوميكاسى اناعۇرلىم جارقىن كەلەشەكتى قارسى الادى دەپ قارادى. ولار مىنالاردى ءبىلدىردى: يمپورت كورمەسىن وتكىزۋ جۇڭگونىڭ ەسىك اشۋدى ونان ارى كەڭەيتىپ، الەمدىك ساۋدانى جەبەۋ ىزگى نيەتىن ايگىلەدى، بۇل دۇنيە جۇزىنە ءتىپتى دە مول دامۋ ورايىن الا كەلۋمەن بىرگە، ەكى جاقتى قاتىناستىڭ دامۋىن جەبەۋگە دە ءتيىمدى. تاراپتار جۇڭگو حالىقارالىق يمپورت كورمەسىن وراي ەتىپ، جۇڭگومەن ەكى جاقتى ساۋدانى كەڭەيتىپ، ەكونوميكانىڭ جاھاندانۋىن جەبەپ، جۇڭگومەن بىرگە اشىق دۇنيە ءجۇزى ەكونوميكاسىن قۇرۋعا كۇش سالادى.
  اشىلۋ سالتىنان ىلگەرى، شي جينپيڭ قوناقتاردى قارسى الۋ زالىندا سىرت جاقتان كەلگەن باسشىلاردى قارسى الىپ، ولارمەن ءبىر - بىرلەپ قول الىستى ءارى توپتىق سۋرەتكە ءتۇستى.
  حۇڭچياۋ حالىقارالىق ەكونوميكا - ساۋدا تالقى مىنبەرىنىڭ اشىلۋ سالتى وسىمەن ءبىر ۋاقىتتا وتكىزىلدى.
  ديڭ شۋەشياڭ، لي چياڭ، ياڭ جيەچى، حۋاڭ كۇنميڭ، ۋاڭ ي، جاۋ كىجى، حى ليفىڭ قاتارلىلار قاتىستى قيمىلدارعا قاتىناستى.
  حۋ چۇنحۋا اشىلۋ سالتىن باسقاردى.
  تۇڭعىش كەزەكتى جۇڭگو حالىقارالىق يمپورت كورمەسى 11 - ايدىڭ 5 - كۇنىنەن 10 - كۇنىنە دەيىن وتكىزىلەدى. كوپتەگەن ەلدەر مەن رايونداردىڭ باسشىلارى، حالىقارالىق ۇيىمداردىڭ جاۋاپتىلارى، ءار ەل ۇكىمەتتەرىنىڭ ۋاكىلدەرى، سونداي - اق جۇڭگولىق، شەتەلدىك كاسىپكەرلەردىڭ ۋاكىلدەرى، ت. ب بولىپ، 1500دەن استام ادام اشىلۋ سالتىنا قاتىناستى.


بەرىپ كەت ورامالىڭدى

دوستار

الىستاعى اق ەركە