جاڭا حابارلار

جالبىرشاق ساڭىراۋقۇلاقتى بەلسەنە جالپىلاستىرعان عىلمي زەرتتەۋ قىزمەتكەرى ـــــ ۋي پىڭ 

    كەلۋ قاينارى: شينجياڭ حالىق راديو ىستانسياسى    2018-11-07 10:40:37  

ستانسيامىزدىڭ ءتىلشىسى حى فەيدىڭ حابارى:  جالبىرشاق ساڭىراۋقۇلاقتى سىناق رەتىندە ەگىپ تابىسقا جەتۋدەن،  كولەمىن كەڭەيتۋگە دەيىن،  ۋي پىڭ مەن ول تۇرعان مەملەكەتتىك ازىقتىق ساڭىراۋقۇلاق  كاسىبى تەحنيكاسى جۇيەسىنىڭ شينجياڭداعى امبەباپ سىناق پۋنكتى عىلمي زەرتتەۋ قوسىنى جالبىرشاق ساڭىراۋقۇلاقتى شينجياڭدا جالپىلاستىرۋ جاعىندا كۇش-قۋاتىن سارقا جۇمساپ، شينجياڭدى ەلىمىزدەگى بولاشاعى بار جالبىرشاق ساڭىراۋقۇلاق ەگەتىن رايوننىڭ بىرىنە اينالدىردى،
 جالبىرشاق ساڭىراۋقۇلاقتىڭ  نەداۋىر جوعارى قورەكتىك جانە دارىلىك قۇنى بار، دۇنيە جۇزىندەگى جۇرت مويىنداعان ازىق ورنىنا پايدالانىلاتىن باعالى ساڭىراۋقۇلاق.  دالا جالبىرشاق ساڭىراۋقۇلاعى ادەتتە ورمان-توعايدا وسەدى، ءونىم مولشەرى وتە شەكتى، بازارداعى  جالبىرشاق  ساڭىراۋقۇلاق كوبىندە قولدا ەگىلەدى. 2015- جىلى، ۋي پىڭ مەن ونىڭ قوسىنى ىلە وزەنى اڭعارىنا تۇڭعىش رەت جالبىرشاق ساڭىراۋقۇلاق اكەلىپ ەگىپ، تابىسقا جەتەدى. ۋي پىڭ بىلاي دەدى: 2015- جىلى، جالبىرشاق ساڭىراۋقۇلاق ەگۋ تەحنيكاسى ەنگىزىلگەننەن بەرى، قازىر، رايونىمىزدا جالپىلاستىرىلىپ، ەگۋ اۋماعى 2 مىڭ مۋعا جەتتى، ءبىز  جالبىرشاق ساڭىراۋقۇلاق ەگۋ كاسىبىنىڭ كولەمىن كەڭەيتىپ، زورايتىپ،  ديحانداردىڭ كىرىسىن ارتتىرىپ، جالبىرشاق ساڭىراۋقۇلاقتى كولەمدەندىرىپ، كاسىپ سالالاندىرىپ دامىتۋدى ويلاستىق .
جالبىرشاق ساڭىراۋقۇلاقتى شينجياڭدا ەگۋ ۇلگىسىندە قۇرىلعىدا ەگۋ، ورمان اراسىنا ەگۋ جانە  جىلىجايدا ءوسىرۋ نەگىز ەتىلەدى. جالبىرشاق ساڭىراۋقۇلاق ەگۋشىلەرگە وسى تەحنيكانى جالپىلاستىرۋ ءۇشىن، ۋي پىڭ مەن ونىڭ عىلىمي زەرتتەۋ قوسىنى قىستاققا  ءار رەت بارعاندا، ءبىر ايسىز قايتا الماي قالاتىن،   ديزەنفەكسيالاۋدان تارتىپ ەگۋگە، ونان تەمپەراتۋراسىن رەتتەپ سۋارۋعا دەيىنگى ءار ءبىر وتكەلەكتە ديحاندارعا ۇستىندە جەتەكشىلىك ەتتى جانە ولاردى تاربيەلەدى. قايتالاي سىناق رەتىندە ەگۋ، سارالاۋ ناتيجەسىندە، ۋي پىڭنىڭ قوسىنى جالبىرشاق ساڭىراۋقۇلاقتى ەگۋدەگى « ساڭىراۋقۇلاق ونبەۋ» « قۋراپ قالۋ»  سياقتى تەحنيكالىق ماسەلەلەردى جەڭدى.  قازىر، مەملەكەتتىك ازىقتىق ساڭىراۋقۇلاق كاسىبى تەحنيكاسى جۇيەسىنىڭ شينجياڭداعى امبەباپ سىناق پۋنكتى جالبىرشاق  ساڭىراۋقۇلاقتى زەرتتەۋدىڭ، اشۋ مەن ەگۋدىڭ وزەكتى تەحنيكاسىن تۇگەل يگەرىپ، تۇتاس شينجياڭدا قۇندى تاجىريبەلەرىن جالپىلاستىردى جانە توپتادى. بىرنەشە جىلدان بەرى، سىناق پۋنكتى بۇراتالا وبىلىسى، سانجى وبلىسى، كورلا، ارال، يانجي سياقتى جەرلەردە ىلگەرىندى-كەيىندى جالپىلاستىردى. جالبىرشاق ساڭىراۋقۇلاق تومەن تەمپەراتۋرالى ورىندا  ونەدى، ال، شينجياڭنىڭ قىسقى ۋاقىتى نەداۋىر ۇزاق، ۋي پىڭ « كۇزدە ەگىپ، كوكتەمدە جيناپ الۋ» سىندى ەگۋ ۇلگىسىن العا قويىپ،  حاۋىپ-قاتەردەن  ساقتانىپ، تيىمدىلىگىن جوعارىلاتتى.ول بىلاي دەدى: قازىر، جاڭادان شىققان ءار كيلوگرام جالبىرشاق ساڭىراۋقۇلاقتىڭ بازارداعى باعاسى 200 يۋان مولشەرىندە، كەپتىرىلگەنىنىڭ ءار كيلوگرامى ءبىر مىڭ 800 يۋان مولشەرىندە، بازار سۇرانىسى نەداۋىر مول، ونىڭ ۇستىنە قاجەتسىنۋدى قامداي الماي وتىر.
 بيىل 10-ايدىڭ باسىندا، مەملەكەتتىڭ ازىقتىق ساڭىراۋقۇلاق  كاسىبى تەحنيكا جۇيەسىنىڭ شينجياڭداعى امبەباپ سىناق پۋنكتى ۇرىمجىدەگى سىنتاستا  جالبىرشاق ساڭىراۋقۇلاقتى كولەمدەندىرىپ سىناق رەتىندە ەكتى. ۋي پىڭ بىلاي دەدى: كەلەر جىلى كوكتەمگە دەيىن، سىنتاستا سىناق رەتىندە ەگىلگەن تۇڭعىش توپتاعى جالبىرشاق  ساڭىراۋقۇلاقتان ءونىم الىناتىن بولدى. جالبىرشاق ساڭىراۋقۇلاقتىڭ شينجياڭنىڭ جەر-جەرىندە  كەڭ كولەمدە ەگىلىپ، اۋىل-قىستاقتاردى كوركەيتۋگە ءوز ۇلەسىن قوسۋىن مەن دە باقىتتى ءىس دەپ قارايمىن.
 


بەرىپ كەت ورامالىڭدى

دوستار

الىستاعى اق ەركە