جاڭا حابارلار

 اراسان اۋدانىنداعى ءىرى اراسان كورىنىس رايوندارى ساياحاتشىلاردى قابىلدادى

    كەلۋ قاينارى: شينجياڭ حالىق راديو ىستانسياسى    2018-11-07 10:47:28  

 اراسان راديو ستانسياسىنىڭ ءتىلشىسى چىن شيڭ، ءۋالي، ءدىلنۇرلاردىڭ حابارى :اۋا رايىنىڭ سۋىتۋىنا بايلانىستى، اراسان اۋدانىنداعى ءىرى اراسان كورىنىس رايوندارى ساياحاتشىلاردى قابىلدادى، رايونىمىزدىڭ ءىشى- سىرتىنان توپ- توبىمەن كەلگەن ساياحاتشىلار اراسانعا ءتۇسىپ، ەمدەلىپ، كۇتىندى.     

   اراسان اۋدانىنىڭ جەر جىلۋى بايلىعى  مول، اراساندا ءتۇرلى مينەرال زات بار، اراسان سۋىنىڭ  ورتاشا تەمپەراتۋراسى 42 دە  61 سەلتسي گرادۋس ارالىعىندا ، ءتۇرلى تەرى اۋرۋلارىن ەمدەي الادى، ونىڭ  بۋىن قابىنۋى، كەڭىردەكشە قابىنۋى، جوعارى قان قىسىمى، اسقازان اۋرۋى سياقتى اۋرۋلار جونىنەن نەداۋىر ەمدىك ءونىمى بار. الاتاۋ ساعاسىنان بارعان ساياحاتشى ياڭ شياۋبيڭ  ارناۋلى بىرنەشە دوسىمەن كەلىسىپ، اۆتوكولىگىمەن بارىپ، بىرگە اراسانعا ءتۇستى. ول : « بىرنەشە كۇننەن بەرى، كۇن سۋىق بولدى، مەن دوسىممەن الاتاۋ ساعاسىنان اراسانعا  ويناپ قايتۋعا باردىق، اراسانعا تۇسكەندە ونە- بويىم جىلىنىپ، راحاتتانىپ قالامىن»،- دەدى.
    ۇرىمجىلىك ساياحاتشى جاڭ مىرزا بۋىن قابىنۋ اۋرۋىنا شالدىققان، قىس كىرە سالىسىمەن بۋىنى قىزارىپ ءىسىپ، اۋىرادى، ءار جىلى قىستا   ۋاقىت شىعارىپ، اراسان اۋدانىنا بارىپ، اراسانعا ءتۇسىپ، ەمدەلەدى ەكەن. ول : « توتەنشە راحات، ەرەسەن جىلى، سىرتتاعىدان كوپ جىلى»،- دەدى. 
     كەزەكتە، «جۇڭگو اراسان مەكەنى» سىندى  ايگىلى ماركانى ارقاۋ ەتكەن اراسان اۋدانى  ەرەكشە ساياحات تۇرلەرىن جەدەل اشۋدا. قازىر ءۇش ءىرى   اراسان كورىنىس رايونىن قۇردى، وتە-موتە، 100 ميلليون يۋان قارجى قوسىلعان باتيا شىڭجيڭ اراسانى سۋدا ەمدەلۋ ورتالىعى تيجاراتتى باستاپ، حاريدارلاردى قارسى الماقشى، وسى نىساننىڭ يەلەگەن اۋماعى 6 مىڭ شارشى مەتردەن ، كۇندىك ساياحاتشى قابىلداۋ مولشەرى مىڭ ادامنان اسادى.

 


بەرىپ كەت ورامالىڭدى

دوستار

الىستاعى اق ەركە