جاڭا حابارلار

 بۇراتالا قالاسىنىڭ تۇرعىنى نۇر-ءالا جاڭ سۇيحۇڭ وتباسىمەن اپەكەلى- سىڭىلىگە اينالدى

    كەلۋ قاينارى: شينجياڭ حالىق راديو ىستانسياسى    2018-11-07 10:59:56  

 بۇراتالا راديو ستانسياسىنىڭ ءتىلشىسى گۇلسىنايدىڭ حابارى  :بۇراتالا قالاسىنىڭ تۇرعىنى نۇر-ءالا راڭپيزى دۇكەنىن اشىپ، ءتورت جىلدىڭ الدىنداعى ءبىر رەتكى كەزدەيسوق ورايدا، جاڭ سۇيحۇڭ وتباسىمەن تانىسادى. 4 جىلدان بەرى، جاڭ سۇيحۇڭ قيىنشىلىققا تاپ بولسا بولعانى نۇر-ءالا  ۇنەمى ءارى- ءسارى بولماستان كومەك قولىن سوزىپ، ەكەۋى ارادان قىل وتپەيتىن تاتۋ- ءتاتتى اپەكەلى- سىڭىلىگە اينالدى.    
    - اپەكە مەن كەلدىم.
   -سالەمەتسىڭبە، كەلدىڭبە، وتە قۋانىشتىمىن.
  - ساعان قاي جاقتان كومەكتەسسەم بولار؟
    11- ايدىڭ 4- كۇنى تاڭەرتەڭ ەرتە، جاڭ سۇيحۇڭ تاعى دا اپەكەسى نۇر-ءالانىڭ راڭپيزى دۇكەنىنە بارىپ، ونىڭ جۇمىستارىنا قولعابىس ەتتى. تانىسقان 4 جىلدان بەرى، اپەكەلى- ءسىڭىلى ەكەۋى  ءبىر ءۇيلى جانداي ءوتتى. 
    2014- جىلى 11- ايدىڭ ءبىر كۇنى، جاڭ سۇيحۇڭنىڭ 9 جاستاعى قىزى نيۋنيۋ تۇڭعىش رەت نۇر-ءالانىڭ دۇكەنىنە بارىپ راڭپيزى جەيدى، اقشا تولەمەك بولعاندا، اقشاسىنىڭ جوعالىپ قالعانىن بايقاعان نيۋنيۋ ساسىپ قالادى. نۇر-ءالا سول كۇنگى جاعدايدى ەسكە الىپ: «وقاسى جوق ، كەيىن تولەسەڭ دە بولادى  دەدىم، ونىڭ بەينەسىنە قاراسام وتە قاراپايىم، 11- ايدا جازدىق اياق كيىم كيىپ الىپتى، سول ساتتە مەن ودان قىستا كيەتىن اياق كيىمىڭ بارما دەپ سۇراعىم كەلدى»،- دەدى.
   نيۋنيۋدىڭ  ەرتەسى تۇستەن كەيىن راڭپيزىنىڭ بەس يۋان اقشاسىن اپارىپ بەرەتىنىن نۇر-ءالا ويلاماعان ەدى، سونىمەن، ونىڭ بۇل بالامەن قارىم-قاتىناسى اناعۇرلىم قويۋلادى. نيۋنيۋدىڭ اكەسىنىڭ سىرقاتتانىپ قالعانىن، شەشەسىنىڭ ۇساق- تۇيەك جۇمىستار ىستەۋگە سۇيەنىپ كۇنەلتەتىندىگىن ەستىگەن نۇر-ءالا، دەرەۋ نيۋنيۋگە ماقتالى شاپان جانە قىستىق اياق كيىم ساتىپ الىپ بەرەدى. بىرنەشە كۇننەن كەيىن، نۇر-ءالا ۇيىندەگىلەرىن ەرتىپ نيۋنيۋدىڭ ۇيىنە بارادى. نۇر-ءالا: « ولاردىڭ جۇپىنىءۇيىن كورىپ  كوزىمىزگە جاس الدىق، سول كۇننەن باستاپ جاڭ سۇيحۇڭ مەنىڭ سىڭىلىمە اينالدى»،- دەدى. 
    سودان باستاپ، نۇر-ءالا جاڭ سۇيحۇڭنىڭ وتباسىنا ۇنەمى كومەكتەسىپ، جاڭ سۇيحۇڭدى جاناشىر جاقىن ادامنىڭ مەيىرىنە بولەدى. جاڭ سۇيحۇڭ: «نۇر-ءالا اپەكە ۇنەمى ءبىزدىڭ ۇيگە كەلىپ، كۇرىش، ۇن، ازىقتىق ماي، سونداي- اق  بالالارعا كيىم- كەشەك، وقۋ قۇرالدارىن اكەلىپ تۇرادى. قىس كىرگەندە نۇر-ءالا اپەكەمنىڭ جۇبايى عىني اعاي  كومىردى الدىن الا ءۇيىمىزدىڭ الدىنا  جەتكىزىپ بەرەدى، ءارى بالالارعا جەيتىن تاعامدار ساتىپ الىپ بەرەدى. مەن اپەكەم مەن اعاما ەرەكشە العىس ايتامىن»،- دەدى. 
    ءبىر جولى، جاڭ سۇيحۇڭنىڭ جۇبايى اۋرۋحاناعا جاتىپ، ونىڭ بالاسىنا قارساتىن ادام بولمايدى. نۇر-ءالا بەلسەندىلىكپەن ونىڭ ءۇي جۇمىسىن ىستەسىپ، بالالارعا قارايدى. جاڭ سۇيحۇڭ: «جۇبايىم ناۋقاستانىپ اۋرۋحاناعا جاتىپ، ونى كۇتۋمەن بولىپ، وقىپ جاتقان ەكى بالاما قاراي المادىم، نۇر-ءالا اپەكەم ولارعا تاماق ازىرلەپ، ۇيرەنۋىنە كومەكتەستى، نۇر-ءالا اپەكەم بەينە تۋعان اپەكەم سياقتى»،- دەدى.
   نۇر-ءالا: « مەن دە كەزىندە وسىنداي قيىنشىلىققا جولىققام، ەلدىڭ ءۇيىن جالداپ تۇرعام. سول كەزدە، اقشا تاپقان سوڭ ،ءسوزسىز، باسقالارعا كومەكتەسەمىن دەگەن ويعا كەلگەم، اقىرى وسى ويىمدى ىسكە اسىردىم»،- دەدى.

 


بەرىپ كەت ورامالىڭدى

دوستار

الىستاعى اق ەركە