جاڭا حابارلار

 شۇي حاييۇڭ  ءشول دالادان مىڭ مۋلىق اينالمالى ەكولوگيالىق شىلان باقشاسىن قۇردى

    كەلۋ قاينارى: شينجياڭ حالىق راديو ىستانسياسى    2018-11-08 10:46:43  

 شينجياڭ شين-يۋان جين-گو اۋىل شارۋاشىلىعىن كوركەيتۋ شەكتى سەرىكتەستىگىنىڭ باس جوراسى شۇي حاييۇڭ، 8 جىلدان بەرى، «ورگانيكالىق، ەكولوگيالىق» قاسيەتكە يە وسىزامانعى اۋىل شارۋاشىلىق جولىمەن جۇرۋدەن جازباي، ءشول دالادان مىڭ مۋلىق اينالمالى ەكولوگيالىق شىلان باقشاسىن قۇردى. ستانسيامىزدىڭ ءتىلشىسى ليۋ چياڭنىڭ حابارى:
    ــــ بيىل جاقسى، ءبىز كوبىندە شىلاننىڭ ساپاسىنا ءمان بەردىك، شىلان وتە ۇلكەن ءارى جاقسى شىقتى، ەتى دە نىعىز ساپالى بولدى.
  شينجياڭ شين-يۋان جين-گو اۋىل شارۋاشىلىعىن كوركەيتۋ شەكتى سەرىكتەستىگىنىڭ شىلان باقشاسىندا، شۇي حاييۇڭ شىلاننىڭ ساپاسىن ەگجەي-تەگجەيلى تەكسەرۋدە، ول جوعارى ساپالى شىلاننىڭ ،ءسوزجوق، «ورگانيكالىق، ەكولوگيالىق»قاسيەتكە يە بولۋىنا جانە وسى ۇلگىنى ساقتاۋىنا تاباندى بولدى. 
      كەزىندە مەملەكەت يەلىگىندەگى كاسىپورىندا قىزمەت ىستەيتىن شۇي حاييۇڭ 2008-جىلى قىزمەتىنەن بوساپ، ساۋدامەن اينالىسادى، ەكى جىلدان كەيىن، ساۋدادان پايدا تاپقان ول جاسىل اينالمالى ەكولوگيالىق اۋىل شارۋاشىلىعىن دامىتۋدى كوزدەپ، حوتان مەملەكەتتىك اۋىل شارۋاشىلىق، عىلىم-تەحنيكا باقشاسىنا بارىپ، سەرىكتەستىك اشادى. ول بىلاي دەدى:« باسقالاردىڭ نازارىندا ءشول قىلتاناق شىقپايتىن قاعىر دالا سياقتى ەستەلگەنىمەن، مەنىڭ نازارىمدا بۇل ارا وتە تازا، ەشقانداي لاستانباعان ءوڭىر ەسەپتەلەدى، وسى وڭىردە يۇرۇڭقاش وزەنى مەن قاراقاش وزەنى سىندى ەكى وزەن اڭعارى بار، سۋ قاينارى نەداۋىر مول، ون جىلدان بەرى، قۇرىلىس جۇرگىزىپ، باقشا سالدىق، اينالمالى اۋىل شارۋاشىلىعىن دامىتۋدى ويلاسىپ وتىرمىز.»
    قۇمدى توبەشىكتەردى تەگىستەۋ، تامشىلاتىپ سۋارۋ قۇبىرىن جاتقىزۋ، ىقتاسىن ورمان وتىرعىزۋ سياقتىلاردى الدىمەن ىستەدى، شۇي حاييۇڭ شىلان اعاشى قالامشاسىن ەگۋگە اسىقپادى، ول ۋاقىتى مەن قارجىسىنىڭ كوبىن، ءشول دالاعا 10 مىڭ تۇپتەن ارتىق ىقتاسىن ورمان وسىرۋگە جۇمسادى. شۇي حاييۇڭ بىلاي دەدى: «العاشىندا ەككەن اعاشىمىز مۇلدە قاتارعا قوسىلمادى، ءبىز سولتۇستىك شينجياڭنىڭ اعاش ەگۋ فورماسىمەن، ساتىلى اتىز جاساپ، شۇڭعىر قازدىق، ءبىراق مۇنىمىزدى بوران ءبىر-اق تۇندە تەگىستەپ كەتتى، كەيىن اۋىلداستاردان اعاش ەگۋ ءادىسىن ۇيرەندىك، ونان سوڭ، ەبىن تاۋىپ، الدىمەن تامشىلاتىپ سۋارۋ قۇبىرىن جاتقىزىپ، وسى ءوڭىردى تاۋلىك بويى سۋارعاننان كەيىن، شۇڭقىر قازىپ، اعاش ەگىپ، ونان سوڭ تاعى سۋاردىق، كەلەسى جىلىندا ەگىلگەن اعاشتىڭ قاتارعا قوسىلۋ مولشەرى %90 كە جەتتى.»
    اينالمالى ەكولوگيالىق شىلان باقشاسىن قۇرۋ ءۇشىن، شۇي حاييۇڭ تاعى باعىمشىلىق بازاسىن قۇردى  ءارى ونىڭ ماڭىنا جۇگەرى، قىزىلشا سياقتىلاردى ەگىپ، باعىمشىلىق بازاسىن تابيعي جەم-شوپپەن قامدادى، سونىمەن بىرگە، باعىمشىلىق بازاسىنداعى تىڭايتقىشتى  ورگانيكالىق تىڭايتقىشقا اينالدىرىپ، ونى شىلان باقشاسىنا پايدالاندى. 
   2013-جىلى، شۇي حاييۇڭنىڭ العاشقى توپتا بۋدانداستىرعان شىلانى جەمىس بەردى، ەگۋ بارىسىندا، ساپا وتكەلى مىقتى يگەرىلەندىكتەن، شىلان ءدامدى ءارى ساپالى بولىپ، ويداعىداي ساتىلدى. قارجىرلىلىقپەن قۇلشىنىپ، كۇرەس جاساۋدىڭ ناتيجەسىندە، قارىز شينجياڭ شين-يۋان جين-گو اۋىل شارۋاشىلىعىن كوركەيتۋ شەكتى سەرىكتەستىگىنىڭ تۇراقتى مۇلىككە قوسقان قارجىسى 70 ميلليون يۋان بولدى، شىلان باقشاسىندا 300 مىڭ ءتۇپ جوعارى ساپالى شىلان مەن سۇرى شىلان بار، مۇنىڭ 100 مىڭ ءتۇبى جوعارى ساپالى شىلان. شۇي  حاييۇڭ بولاشاقتى كوزدەپ، تاعى تىڭ جوبا جاسادى. ول: «اۋىل شارۋاشىلىق سەرىكتەستىگىنىڭ قاسىندا تاعى 2 مىڭ مۋ جەر بار، وسى ارادان پايدالانىپ، دەنساۋلىقتى كۇتىمدەۋ مەن اۋىل شارۋاشىلىق ساياحاتىن ۇشتاستىرۋ نىسانىن اتقارىپ، ارحيۆ تۇرعىزىلىپ، كارتشكا تاراتىلعان 100 كەدەي وتباسىن اۋقاتتانۋعا باستاماقشىمىن»،-دەدى.  
 
   


بەرىپ كەت ورامالىڭدى

دوستار

الىستاعى اق ەركە