جاڭا حابارلار

  قاشقار ايماعىندا ساياحاتتىڭ قىزۋى ءالى باسىلعان جوق

    كەلۋ قاينارى: شينجياڭ حالىق راديو ىستانسياسى    2018-11-08 10:48:00  

مەزگىل كۇزدىڭ سوڭى بولىپ قالسا دا، قاشقار ايماعىندا ساياحاتتىڭ قىزۋى ءالى باسىلعان جوق، ءتىپتى ساياحاتتاۋشىلاردىڭ سانى ۇزدىكسىز ارتتى. ستانسيامىزدىڭ ءتىلشىسى سۇن ۋيدىڭ حابارى     ساياحاتشىلاردى اناعۇرلىم كوپ سەزىنۋ ورايىنا يە ەتۋ ءۇشىن، 11- ايدىڭ 1 - كۇنىنەن باستاپ، قاشقار كونە قالا قاقپاسىن اشۋ سالتىن بۇرىنعى تاڭەرتەڭگى ءبىر رەتتەن تۇتاس كۇندەگى ءۇش رەتكە كوبەيتتى. قالا قاقپاسىن اشۋشىنىڭ قالانىڭ اشىلعانىن جاريالاعان داۋىسى مەن مۋزىكانتتاردىڭ تارتقان سىرناي ءۇنىن ەستىپ، جەرگىلىكتى تۇرعىندارمەن بىرگە ءماشىراپ بيىنە باسىپ، كونە قالانىڭ تارتىمدىلىعىن سەزىنۋ ساياحاتشىلاردىڭ قاشقارداعى ساياحاتىنىڭ ەڭ زور قۋانىشىنا اينالدى. ولار قالانىڭ اشىلۋ سالتىن كورىپ، قاشقار كونە قالاسىنىڭ ۇلكەندى- كىشىلى كوشەلەرىن ارالاپ، بايىرعى قالا كورىنىسىن تاماشالايدى. كورىنىس رايونىنداعى دۇكەندەردىڭ سانى 3 مىڭنان اسادى، وزگەشە مادەني ءتۇس العان جانە ەرەكشە ءدامدى تاعامداردى كورگەن ساياحاتشىلار بۇل ارادان كەتكىسى كەلمەيدى. ساياحاتشى جاڭ لي: « كەتكىم كەلمەي تۇر، وسى جەردە ءبىر ءۇيدى جالعا الىپ قالىپ قالعىم دا كەلدى، ءدامدى تاعامدار كوپ، كورىنىسى دە وتە ادەمى ەكەن، جانعا راحات سەزىلەدى»، ــ دەدى.
     ءار جىلى 10- ايدىڭ اياعىنان 11- ايدىڭ باسىنا دەيىن، پوسكام اۋدانىنىڭ التىن توراڭعى مەملەكەتتىك 5A دارەجەلى كورىنىس رايونى توراڭعىنى تاماشالاپ، سۋرەتكە الاتىن ەڭ تاماشا كەز. «توراڭعى، سۋ، جاسىل القاپ، قۇمدى ءشول» ءبىر تۇلعالانعان وزگەشە تابيعات كورىنىسى ەلىمىزدىڭ ءىشى - سىرتىنان كوپتەگەن ساياحاتشىنى باۋرايدى. 11 - ايدىڭ 6- كۇنىنە دەيىن، التىن توراڭعى كورىنىس رايونى 138 مىڭ ادام رەت ساياحاتشى قابىلدادى، بۇل وتكەن جىلدىڭ وسى مەزگىلىندەگىدەن %40 ارتتى. شاڭحايدان كەلگەن ساياحاتشى شىن گوحۇڭ بىلاي دەدى: «وڭتۇستىك شينجياڭ ءبىزدىڭ ەرەكشە اڭساپ كەلگەن جەرىمىز ، وسى رەت بۇل جەرگە كەلگەندە، ءبارى دە ويلاعانىمىزداي وتە كەرەمەت بولدى، سۋرەتكە دە مەيلىنشە ءتۇسىپ، ءدامدى تاعامنان اۋزىمىز قۇرعامادى، قۋانىشىمىزدا شەك جوق، كوپشىلىك بۇل اراعا ءبىر ەمەس، الدە نەشە رەت كەلۋ كەرەك ەكەنىن سەزىندى.»
    قاشقار ايماقتىق ساياحات مەكەمەسى پارتگرۋپپاسىنىڭ شۋجيى گاۋ-ي بىلاي دەدى: «ءبىزدىڭ 8 تانىسقىمىز بار، ولار جەكە- جەكە تاريح- مادەنيەت ايگىلى قالاسى، جىبەك جولى سالت-سانا ورتالىعى، تاۋلاردىڭ ۇلىسى، بۇدان سىرت تاعى  ءان- ءبيدىڭ مەكەنى، جەمىس- جيدەك مەكەنى، ءدامدى تاعامدار مەكەنى، اسىل تاس مەكەنى جانە ۇزاق عۇمىر سۇرەتىندەر مەكەنى سىندى بەس ءتۇرلى مەكەن تانىسقىسى دا بار، ءبىز وسى 8 تانىسقىنى ارقاۋ ەتە وتىرىپ، 6 تاماشا ساياحات لەنياسىن اشىپ، ۇگىتتەۋدى اناعۇرلىم كۇشەيتىپ، قاشقاردىڭ ساياحات ساپاسىن جوعارىلاتتىق».
    
 
               
 
 
 
 


بەرىپ كەت ورامالىڭدى

دوستار

الىستاعى اق ەركە