جاڭا حابارلار

قىزمەت اترەتتەرى بۇقارامەن تىلەكتەس بولىپ، شىنايى ەتەنە قىزمەت ەتۋ ارقىلى  بۇقارانىڭ قينشىلىعىن شەشىپ، تالابىن ورىندادى

    كەلۋ قاينارى: شينجياڭ حالىق راديو ىستانسياسى    2018-11-08 11:11:00  

  كۇنەس راديو ستانسياسىنىڭ تىلشىلەرى ءلاززات پەن ۋاڭ چيڭنىڭ   حابارى  :كۇنەس اۋدانىنداعى «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قيمىلى بايلانىسىمەن قىستاققا تۇسكەن  قىزمەت اترەتتەرى بۇقارامەن تىلەكتەس بولىپ، شىنايى ەتەنە قىزمەت ەتۋ ارقىلى  بۇقارانىڭ قينشىلىعىن شەشىپ، تالابىن ورىندادى.    جۋىقتان بەرى كۇن سۋىتتى، كۇنەس اۋداندىق ءتۇرعىن ءۇي جانە قالا-اۋىل قۇرىلىسى مەكەمەسىنىڭ المالى قالاشىعىنىڭ المالى قىستاعىنا تۇسكەن «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتى قارجى توپتاپ، كومىر ساتىپ الىپ، ونى قينشىلىعى بار 60 وتباسىنا تاراتتى. المالى قىستاعىنداعى ەڭ تومەنگى تۇرمىسى قامتاماسىزداندىرىلاتىن ءمولدىر تويبولدى قىزى: «كۇن سۋىقتاننان بەرى، قىزمەت اترەتى كومىر اكەلىپ بەردى، قازىر ءۇيىمىز جىلىندى، ولارعا العىس ايتامىز،»-دەدى. 
      جاقىندا، كۇنەس اۋدانى كەڭسۋ قالاشىعى قۇروزەك قىستاعىنىڭ ديحانى گۇلجان اسانباي قىزى مەن جۇبايى بەيقۇت ۇيلەرىن اشەكەيلەۋمەن قاربالاس بولدى. ول: «پارتيا مەن ۇكىمەت بەيقۇت ءۇي سالىپ بەردى، تاعى 28 مىڭ 500 يۋان قوسىمشا قاراجاتتان يگىلىكتەندىك. جۇبايىم جازدا مال باعادى، قىستا مال بورداقىلاپ، باعىمشىلىقپەن شۇعىلدانادى، مەنىڭ دە قاراپ جاتقىم كەلمەي، قىستاقتان شاعىن دۇكەن اشتىم، وتباسىمىزدىڭ كىرىسى ارتتى، قازىر تۇرمىسىمىز دا جاقسى، بىرلىكتە قۇلشىنىپ، اۋقاتتانۋ جولىنا تۇسەمىز،»-دەدى.
  بيىل جىل باسىندا، قۇروزەك قىستاعى جاڭادان 22 بەيقۇت ءۇي سالۋدى تۇراقتاندىردى، كۇنەس اۋداندىق سۋ يگىلىگى مەكەمەسىنىڭ قىستاققا تۇسكەن «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتى جوبالاۋ، ەلەكتر-ەنەرگيا، بەيقۇت ءۇي كەڭسەسى سياقتى تاراۋلارمەن بەلسەنە سەلبەسىپ، بەيقۇت ءۇي مەن تۇلعالىق قۇرىلعى قۇرىلىستىڭ اياق الىسىن تەزدەتىپ، قىستاق ديحاندارىنىڭ بەيقۇت ۇيگە ءساتتى كوشىپ كىرۋىنە شىنايى كەپىلدىك ەتتى. قىزمەت اترەتىنىڭ ورىنباسار باستىعى سۇي جياڭتاۋ بىلاي دەدى: «9-ايدىڭ سوڭىندا، بەيقۇت ءۇيدى تۇگەل پايدالانۋعا بەردىك، كەدەي وتباسىلارى بەيقۇت ۇيگە كوشىپ كىرىپ، مەملەكەتتىڭ حالىققا تيىمدىلىك جاساۋ ساياساتىنان يگىلىكتەندى.» 
   كۇنەس اۋدانى تالدى قالاشىعى شاقپى قىستاعىندا، قىستاق ديحانى ۋ چۋانحى قىستاقتاعى جاڭادان جاتقىزىلعان شاعىل جولمەن ءجۇرىپ، جولدى اۋىز جاپپاي القادى. ول: «بۇرىن توپىراق جول ەدى، جاڭبىر جاۋعاندا، جۇرۋگە كەلمەي قالاتىن، موتوسكلدەن جىعىلاتىنبىز، جاڭبىر جاۋماعاندا، توپىراعى اسپانعا شىعىپ جاتاتىن. قازىر شاعىل جول جاتقىزىلدى، اۆتوكولىك تە، موتوسكل دە جۇرەدى، اسىرەسە، جولعا شىراق ورناتىلعاننان كەيىن، كەشتە جول جاپ-جارىق، سىرتقا شىققاندارعا حاۋىپسىز بولدى،»-دەدى.
   تالدى قالاشىعى شاقپى قىستاعىنىڭ ءبىرىنشى شۋجيى، «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىستىرۋ» قىزمەت اترەتىنىڭ باستىعى باۋ دايشيان، تاس جولداعى وزگەرىس، قىستاقتى كورىكتەندىرۋدىڭ العاشقى باسقىشى ەكەنىن ايتا كەلىپ، بىلاي دەدى: «بيىل ءبىز 500 مىڭ يۋاننان ارتىق قارجى قوسىپ، قىستاقتىڭ بەت-بەينەسىن تۇبەگەيلى وزگەرتتىك. كەلەر جىلى كوكتەمنەن باستاپ، گۇل-ءشوپ ساتىپ الىپ، ونى ءاربىر وتباسىنا تاراتىپ، ۇيلەردىڭ ەسىك الدىن تەمىر راشاتكامەن قورشاپ، ءبىر تۇتاس گۇل ەگىپ، قىستاقتى گۇل-باقشا ۇلگىسىندەگى قىستاققا اينالدىرامىز.»


بەرىپ كەت ورامالىڭدى

دوستار

الىستاعى اق ەركە