جاڭا حابارلار

 ول باسشىلىق رولىن ويداعىداي ساۋلەلەندىرىپ، قىستاقتى «ۇلگى قىستاققا» اينالدىردى

    كەلۋ قاينارى: شينجياڭ حالىق راديو ىستانسياسى    2018-11-08 11:08:13  

ءۇرىمجى قالاسى   ميچۋان-دۇڭشان رايونىنىڭ لۋساۋگۋ اۋىلى رىنمين جاڭزى قىستاعى پارتيا باس ياچەيكاسىنىڭ شۋجيى گو يۇڭگاڭ، «قىستاق پارتيا ياچەيكاسى» مەن « قىستاق تۇرعىندار كوميتەتى» القاسىنا جەتەكشىلىك ەتىپ، پارتيا قۇرىلىسىن مىقتى يگەرۋدەن باستاپ، قىستاق بەت- بەينەسىن رەتتەپ وڭاۋ ارقىلى حالىقتى اۋقاتتاندىرۋ كاسىبىن دامىتىپ، قىستاق تۇرعىندارىنىڭ تۇرمىسىن بارعان سايىن جاقسارتىپ، رىنمين جاڭزى قىستاعىن الىس- جاقىنعا تانىمالى «ۇلگى قىستاققا» اينالدىردى.:     بيىلعى جىلۋمەن قامداۋ مەزگىلىندە، رىنمين جاڭزى قىستاعىندا بارلىق وتباسى جاڭادان ورناتىلعان گاز جاعاتىن قابىرعا مەشتەن پايدالاندى، بۇل جىلى بولۋدان سىرت، بۇرىنعى جىلدارداعى كومىر تاسىپ، بۋ قازانىن جاعاتىن اۋرەشىلىكتەن جانە بىلعانشتان قۇتىلدى. الايدا  بيىل 5- ايدا، گو يۇڭگاڭ مەن قىستاق كادرلارى كوپشىلىككە «كومىردىڭ ورنىنا گاز پايدالانۋ» نىسانىن ۇگىتتەگەن كەزدە، كوپتەگەن قىستاق تۇرعىنى ءوز ۇيىندەگى كومىر جاعاتىن شاعىن بۋ قازاندى بۇزعىسى كەلمەدى. قىستاق تۇرعىنى لي يان:« پاردىڭ جىلىماۋىنان الاڭدادىق، ويتكەنى ءبىزدىڭ تۇرعانىمىز كونە ۇيلەر، كونە پار، جەر جىلۋى  ەمەس، مەن بارىنەن دە  وقىستان جىلىماي قالسا، قايتەمىز دەپ الاڭدادىم»،- دەدى.    كوپشىلىكتى كۇدىكتەن ارىلتۋ ءۇشىن، گو يۇڭگاڭ مەن قىستاق كادرلارى باستاماشىلدىقپەن ءوز ءۇيىنىڭ بۋ قازانىن شاعىپ تاستاپ، تاعى دا وتباسىلارىن شەتىنەن ارالاپ،قىستاق تۇرعىندارىنا قىزمەت ىستەدى، سونىمەن بىرگە  كاسىپتىك قىزمەتكەرلەردى ۇسىنىس ەتىپ، قىستاق تۇرعىندارىنا  قابىرعا مەشتى پايدالانۋ ءادىسى، كۇندەلىكتى قورعاۋ سياقتىلاردى ءتۇسىندىردى. كوپشىلىك اقىرى سوزگە يلانىپ، كومىر جاعاتىن مەشتى بەلسەندىلىكپەن بۇزا باستادى. گو يۇڭگاڭ:« ءبىر ايدان استام ۋاقىتتا قۇبىر جولىن قازىپ، سىرتقى قۇبىردى ورنالاستىردى، ءبىرمىڭ 149 وتباسىنىڭ قابىرعا مەشى تۇگەلدەي ورناتىلىپ بولدى»،- دەدى.    رىنمين جاڭزى قىستاعى ميچۋان- دۇڭشان رايونىنىڭ سىرتىنا ورنالاسقاندىقتان گو يۇڭگاڭ قالاعا جاقىن بولۋ ابزالدىلىعىنا سۇيەنىپ،  قىستاق تۇرعىندارىن باستاپ، شارۋالار تاعامجايى، كوڭىل اشاتىن ەگىس الاڭى سياقتى اۋىل-قىستاق ساياحات كاسىبىن دامىتتى. گو يۇڭگاڭ:«قىستاق پارتيا ياچەيكاسىنىڭ جاۋىنگەرلىك، قامالدىق رولىن جانە پارتيا مۇشەلەرىنىڭ ۇزدىك، ونەگەلىك رولىن ساۋلەلەندىرىپ، 4 شارۋالار تاعامجايى ۇلگى ءتۇيىنى ارقىلى قىستاق تۇرعىندارىن باستاپ، اۋىل-قىستاق ساياحاتىن دامىتىپ، قىستاق تۇرعىندارىنىڭ اۋقاتتانۋ ارناسىن كەڭەيتتىك»،- دەدى.      قازىر، رىنمين جاڭزى قىستاعىنداعى كىسى باسىندىق تازا كىرىس 20 مىڭ يۋاننان اسىپ، الىس- جاقىنعا تانىمالى «ۇلگى قىستاققا» اينالدى. «قىستاق پارتيا ياچەيكاسى» مەن «قىستاق تۇرعىندار كوميتەتى» القاسىن بۇقاراعا اناعۇرلىم ويداعىداي قىزمەت ەتتىرۋ ءۇشىن، قىستاق پارتيا باس ياچەيكاسى «قىستاق تۇرعىندارىنىڭ ريزا بولۋىن ولشەم ەتكەن» باعالاۋ ءتۇزىمىن جاساپ، ءاربىر پارتيالى كادردىڭ ورنىن بەلگىلەپ، جاۋاپكەرلىگىن ايقىنداپ، تۇراقتى مەرزىمدە قىزمەتتىڭ اياق الىسىن، ونىمدىلىگىن جاريالاپ، قىزمەتتىڭ ساپاسىن، ناقتىلانۋىن قىستاق تۇرعىندارى باقىلادى. گو يۇڭگاڭ:« قازىر پارتيا مۇشەلەرى العا شىعىپ، باتىلدىقپەن مەن پارتيا مۇشەسىمىن، ماعان ىلەسىڭدەر دەپ، حالىق جاڭزا قىستاعىن بارعان سايىن جاقسى دامىتىپ، قىستاق تۇرعىندارىن اناعۇرلىم ىنتىماقتاستىرىپ باقىتقا بولەدى»،- دەدى.


بەرىپ كەت ورامالىڭدى

دوستار

الىستاعى اق ەركە