جاڭا حابارلار

 رۇحيام ماحىمۇتتىڭ وتباسى  قاراپ وتىرماي، يەك سۇيەمەي، جەرگىلىكتى ورىندا وتباسىلىق قىزمەت وتەۋ سەرىكتەستىگىن قۇرىپ، كەدەيلىك قالپاعىن الىپ تاستاپ، قالماستان، تاعى قىستاقتاعى ايەلدەردىڭ كاسىپ اشىپ كاسىپتەنۋىندەگى «كوش باسشىعا» اينالدى

    كەلۋ قاينارى: شينجياڭ حالىق راديو ىستانسياسى    2018-11-08 11:13:40  

  اقسۋ راديو ستانسياسىنىڭ ءتىلشىسى ۋاڭ تو، كەلپىن راديو ستانسياسىنىڭ تىلشىلەرى ۋي شاۋپىڭ، قايسارلاردىڭ حابارى :كەلپىن اۋدانى گەزلىك قالاشىعى پاسۇن قىستاعىنىڭ  تۇرعىنى رۇحيام ماحىمۇتتىڭ وتباسى ارحيۆ تۇرعىزىلىپ، كارتچكا تاراتىلعان كەدەي وتباسى. ول قاراپ وتىرماي، يەك سۇيەمەي، جەرگىلىكتى ورىندا وتباسىلىق قىزمەت وتەۋ سەرىكتەستىگىن قۇرىپ، كەدەيلىك قالپاعىن الىپ تاستاپ، قالماستان، تاعى قىستاقتاعى ايەلدەردىڭ كاسىپ اشىپ كاسىپتەنۋىندەگى «كوش باسشىعا» اينالدى.   اقسۋ راديو ستانسياسىنىڭ ءتىلشىسى ۋاڭ تو، كەلپىن راديو ستانسياسىنىڭ تىلشىلەرى ۋي شاۋپىڭ، قايسارلاردىڭ حابارى :
       تەلەفوندا سويلەسپ جاتقان مەيىر وتباسىلىق قىزمەت وتۋ سەرىكتەستىگىنىڭ باس جوراسى رۇحيام ماحىمۇت، ول قۇرعان وتباسىلىق قىزمەت وتەۋ  سەرىكتەستىگى قازىر ساعاتتىق قىزمەت وتەۋ، تازالىق ىستەۋ، كۇتۋشى، قۇبىردى ىركىلىسسىزدەندىرۋ، وتباسىلىق ەلەكتر جابدىقتارىن جوندەۋ سياقتى جاقتاردا كاسىپتەردى ىستەيدى. قىزمەتكەر تاپشى بولعاندىقتان، سەرىكتەستىكتە ۇنەمى رۇحيام ماحىمۇت ءوزى جالعىز كەزەكشى بولادى.
   رۇحيام ماحىمۇت بيىل 30 جاستا، ول 2008- جىلى ۇيلەنگەن، وتباسىندا ادام كوپ، جەر از بولعاندىقتان، بۇرىنعى كۇن كورىسى ءۇپى- تاپى بولاتىن. ءبىر جولى ول ۇرىمجىدەگى اعاسىنىڭ ۇيىنە تۋىسشىلاي بارعاندا، كورگەن- بىلگەندەرى ونىڭ كاسىپ اشۋىنا شابىت بولادى، ول بىلاي دەدى: « تازالىق ىستەۋشىنىڭ كورپە تىستى اۋىستىرىپ، ءۇيدى تازالاعانىنا 50 يۋان العانىن كوردىم. اعالارىم ماعان ولاردىڭ وتباسىلىق قىزمەت وتەۋمەن شۇعىلداناتىنىن ايتتى، سوندا مەن بۇل كاسىپ كەلپىندە ءالى جوق، مۇنى مەن دە ىستەۋىمە بولادى ەكەن- عوي دەگەن ويعا كەلدىم».
    باستابىندا وتباسىنداعىلار، بالاسىنىڭ قاراۋسىز قالۋىنان، كاسىپ اشۋ بارىسىندا ساتسىزدىككە جولىعىپ، وتباسىنىڭ ءتىپتى كەدەيلەسۋىنەن الاڭداپ، ونىڭ بۇل بەكىمىنە قوسىلا قويمايدى. الايدا رۇحيام ماحىمۇت امالىن تاۋىپ وتباسىنداعىلادى يلاندىرادى. 2016- جىلى 7- ايدىڭ 2 - كۇنى، ونىڭ «مەيىر وتباسىلىق قىزمەت وتەۋ سەرىكتەستىگى » رەسمي قىزمەتىن باستايدى، باستابىندا نە ءبارى 6 قىزمەتكەر عانا بار بولاتىن، ول قىزمەتكەرلەرىن ەرتىپ، حاريدار ىزدەپ، ساۋداعا كەلىسىپ، ۇيلەردى ارالاپ ىرىقتى قىزمەت وتەيدى. رۇحيام ماحىمۇت سول كەزدەردى ەسكە الا بىلاي دەدى: « قىزمەت وتەۋ  جۇيەلى بولماسا، حاريدار اقشا بەرمەيدى. مەن ءتۇرلى كۋرسكە قاتىناسىپ، كىتاپ وقىپ، الدىمەن ءوزىم ۇيرەنىپ، ودان كەيىن قىزمەتكەرلەردى ۇيرەنۋگە ۇيىمداستىردىم. ءسويتىپ، اقىرىنداپ حاريدارلارىم دا بارعان سايىن كوبەيدى».
    جاقسى قىزمەت وتەۋدىڭ ارقاسىندا، بىرتىندەپ سەرىكتەستىكتىڭ ءبىر توپ تۇراقتى حاريدارى دا بولدى. حاريدار ماۋلەن عۇلام: « ولاردىڭ تازالىق ىستەۋى بولسىن، قىزمەت وتەۋى بولسىن وتە جاقسى، وتە مۇقيات تازالايدى، مەن ەرەكشە ريزامىن»، ـــ دەدى.
      رۇحيام ماحىمۇتتىڭ كۇيەۋى راحمان ءراشيت بىلاي دەدى: « ايەلىم وتە ىسكەر، قازىر وتباسىم بولىپ ونى قولدايمىز. مەن دە سەرىكتەستىكتە نەگىزىنەن سۋعا، توككە قاتىستى جوندەۋ جۇمىستارىن ىستەيمىن، قازىر ايىنا 2 مىڭ يۋان اينالاسىندا كىرىسىم بار».
   ساپالى قىزمەت وتەۋ مەن تاماشا بەدەلىنىڭ ارقاسىندا، سەرىكتەستىكتىڭ ىستەيتىن كاسىبنىڭ كولەمى بارعان سايىن كەڭەيتىپ، قىزمەتكەرلەردىڭ ايلىق ەڭبەكاقىسى 2 مىڭ يۋان اينالاسىندا بولدى. سەرىكتەستىك قىزمەتكەردى ۇسىنىسپەن قابىلداعاندا، كەدەي وتباسىنداعى ايەلدەردى الدىمەن قابىلدادى، 27 قىزمەتكەردىڭ ىشىندە، كەدەي وتباسىنان كەلگەن ايەل تەڭ جارىمىنان ارتىعىن يەلەيدى. رۇحيام ماحىمۇت: « قۇلشىنعاندا عانا بارلىق قيىنشىلىقتى جەڭۋگە بولادى، ەندىگى كەزەكتە ماڭىمداعى قيىنشىلىعى بارلارعا شەبەرلىك پەن قىزمەت وتەۋدى ۇيرەتىپ، كەدەيلىك قالپاعىن بىرگە الىپ تاستاپ، كىرىستى بىرگە ارتتىرۋعا قۇلشىنامىن. »      


بەرىپ كەت ورامالىڭدى

دوستار

الىستاعى اق ەركە