جاڭا حابارلار

قوس 11 دە شينجياڭ وڭىرىندەگى توراپتا ساتىپ الىنعان تاۋاردىڭ سوماسى ءبىر ميلليارد 435 ميلليون يۋانعا جەتتى

    كەلۋ قاينارى: شينجياڭ حالىق راديو ىستانسياسى    2018-11-15 11:12:19  
ستانسيامىزدىڭ پراكتيكانت ءتىلشىسى گۋان شياۋشياۋدىڭ حابارى: اليبابانىڭ ساندى مالىمەتىنە قاراعاندا، «قوس 11» ياعني «11-ايدىڭ 11-كۇنى»، شينجياڭ وڭىرىندەگى توراپتا ساتىپ الىنعان تاۋاردىڭ سوماسى ءبىر ميلليارد 435 ميلليون يۋانعا جەتكەن. وسى بىرنەشە كۇن «11-ايدىڭ 11-كۇنى» بايلانىسىمەن جونەلتىلگەن جەدەل جولدامالار ەڭ كوپ بولعان مەزگىلگە ءوتىپ، جەدەل جولدامالاردى جەتكىزۋ مولشەرى ەسەلەپ ارتتى، رايونىمىزدىڭ جەدەل جولداما كاسىپورىندارى قىزمەتكەر قابىلداۋ، اۆتوكولىكتەردى كوبەيتۋ سياقتى شارالار ارقىلى «11-ايدىڭ 11-كۇنى» توراپتان ساتىپ الىنعان تاۋارلادىڭ تۇتىنۋشىلاردىڭ قولىنا حاۋىپسىز، دەر كەزىندە جەتۋىنە كەپىلدىك ەتتى.
«11-ايدىڭ 11-كۇنى» بايلانىسىمەن توراپتان ساتىپ الىنعان تاۋارلار كوپتەپ كەلگەندىكتەن، ونى جەتكىزۋ قىزمەتىن ويداعىداي ىستەۋ ءۇشىن، شينجياڭ جياڭنان شىنتۇڭ زات اينالىمى شەكتى سەرىكتەستىگى ءۇرىمجى قالاسىنداعى ورنىنىڭ مەڭگەرۋشىسى ليۋ جيە تىلشىگە بىلاي دەدى: «ءبىز تاعى 40 نەشە ادامدى ۋاقىتتىق، ساعاتتىق جۇمىسشىعا قابىلداپ، تاۋارلاردى تۇرگە ايىرىپ، جەدەل جولدامالاردى تۇرگە ايىرۋ ورتالىعىنا جەتىسمەن دەرەۋ تۇرگە ايىرۋعا كەپىلدىك ەتتىك. سوڭعى بولەكتەگى جولدامانى جەتكىزۋ جاعىندا، تاعى 3 شۇعىل توتەپ بەرۋ گرۋپپاسىن كوبەيتىپ، ءاربىر شۇعىل توتەپ بەرۋ گرۋپپاسىنا 20 داي ادام ورنالاستىرىپ، جەدەل جولدامالاردىڭ قاريدارلاردىڭ قولىنا تەز، حاۋىپسىز ، دۇرىس جەتكىزىلۋىنە كەپىلدىك ەتتىك».
جۇڭگو پوچتا توبى سەرىكتەستىگى ءۇرىمجى قالالىق بولىمشە سەرىكتەستىگىنىڭ ورىنباسار باس مەڭگەرۋشىسى حۋاڭ يانپيڭ، اۋا رايى وزگەرىسى سەبەپتى، جەدەل جولدامانىڭ ۇرىمجىدە توسىلىپ قالماۋى ءۇشىن، سەرىكتەستىكتىڭ الدىن الا دايىندىق جاساعانىن ايتا كەلىپ بىلاي دەدى: «ءبىز قوعامداعى اۆتوموبيل جالعا بەرۋ سەرىكتەستىكتەرىنەن تاعى 60 اۆتوكولىكتى الدىن الا جالعا الدىق، سەرىكتەستىك تە پارتيا مۇشەلەرىنەن، كوممۋنيستىك جاستار وداعى مۇشەلەرىنەن اتويشىلدار اترەتىن قۇرىپ، ەڭ قىسقا ۋاقىتتا شوعىرلى كاسىپ مولشەرىن دەرەۋ ءبىر جاقتىلى ەتىپ، بۇقاراعا تاماشا ونىمدىلىكتى سەزىندىردىك».
تاياۋدا، جەدەل جولداما كاسىبى مولشەرى كۋرت ارتقاندىقتان، جەدەل جولدامانى الۋ-جونەلتۋ بارىسىندا جوعالۋ، ءبۇلىنۋ جاعدايلاردىڭ دا تۋىلۋ مۇمكىندىگى بولدى. حۋا يانپيڭ بىلاي دەدى: «ەگەر ءبۇلىنۋى وتە اۋىر بولسا، ءبىز زاتتى ساتىپ الۋشى قاريدارعا تولەم تولەيمىز، ەگەر سىرتقى قورابىندا عانا ءسال ءبۇلىنۋ بولىپ، ىشىندەگى دۇنيەنى ءبۇتىن دەپ بىلسەك نەمەسە ءبۇتىن دەپ تۇجىرىم جاساساق، جولداما جونەلتۋشىنى زاتتى ساتىپ الۋشىمەن بەتبە-بەت پىكىر اۋىستىرۋعا جىبەرەمىز؛ تاعى قورابى بۇلىنگەن، ءبىراق قاريدار سول كەزدە قوراپتى اشپاي، ۇيىنە بارعاندا بۇلىنگەنىن بايقاسا، وندا قاريداردىڭ 11183 ءنومىرلى قاريدارلارعا قىزمەت وتەۋ ىستىق لەنيالى تەلەفونىنا حابارلاسۋىنا بولادى، ءبىزدىڭ قاريدارلارعا قىزمەت وتەۋ قىزمەتكەرلەرىمىز بۇل ماسەلەنىءبىر جايلى ەتۋدى ۇستىنە الىپ، قاريدارمەن حابارلاسادى جانە ماسەلەنى شەشەدى».

بەرىپ كەت ورامالىڭدى

دوستار

الىستاعى اق ەركە