جاڭا حابارلار

شينجياڭداعى تۇڭعىش مول التىننىڭ قولما-قول ساۋداسى ءساتتى ىستەلدى

    كەلۋ قاينارى: شينجياڭ حالىق راديو ىستانسياسى    2018-11-16 11:26:20  
ستانسيامىزدىڭ ءتىلشىسى ايبىنعازى راحمان ۇلىنىڭ حابارى: 11-ايدىڭ 14-كۇنى تۇستەن كەيىن، شينجياڭداعى تۇڭعىش مول التىننىڭ قولما-قول ساۋداسى ءۇرىمجى جوعارى جاڭا تەحنيكا كاسىبىن اشۋ رايونى (جاڭا قالا رايونىنداعى) ورتا ازيا حۋاڭجينباۋ قاس تاسى كاسىپ باقشاسىندا ءساتتى ىستەلىپ، ساۋدا مولشەرى 100 كيلوگرامعا جەتتى.
وسى كۇنى ءۇرىمجى فينانىستىق باعا مالىمدەۋ ەسەپ جابۋ قىزمەتىن وتەۋ ورتالىعى شاڭحاي التىن بيرجا ورنىندا التىن ساۋداسى اياقتاۋدان بۇرىن، ءار گرامى 270 يۋان 30 فىندىق باعامەن 100 كيلوگرام ولشەمدى التىندى ساتىپ الدى، ءارى ونى ءار گرامى 270 يۋان 41 فىندىق باعامەن ورتا ازيا حۋاڭجينباۋ قاس تاسى كاسىپ باقشاسىنداعى ءۇش سەرىكتەستىككە ساتىپ بەردى. شينجياڭ جۇڭمين التىن كاسىبى ءىنجۋ-مارجان بۇيىمدارى شەكتى سەرىكتەستىگىنىڭ باس جوراسى ۋ جينلۇڭ بىلاي دەدى: بۇرىن التىن الۋ ءۇشىن شاڭحاي، گۋاڭجوۋ، شىنجىن سياقتى جەرلەرگە بارىپ قوعام مۇشەسى تولىمدىلىعىنا يە كاسىپورىندارعا تىركەلۋگە تۋرا كەلەتىن، ارالىقتاعى قۇرىلىم بەلگىلى مولشەردە جالاقى جانە راسىميات اقىسىن الاتىن، سونىمەن بىرگە ۇزاق ۋاقىتتىق تاسىمال كاسىپورىن قارجىسىنىڭ قايتۋىنا تيىمسىز بولعان، تاسىمال اقىسى، قامسىزداندىرۋ اقىسى سياقتىلار دا كاسىپورننىڭ وزىندىك قۇنىن ارتتىراتىن. شينجياڭدا التىننىڭ قولما-قول ساۋداسى جاسالعاننان كەيىن، بارلىق ارالىق بۋىن قىسقاردى. ۋ جينلۇڭ:« كاسىپورننىڭ قازىرگى ءوندىرىس قۋاتى جوباسىنا ساي، سوڭعى مەزگىلدە اي سايىن، 3 تە 5 توننا شيكىزات قاجەت ەتەمىز، ءار گرامنان 50 فىنان ءبىر يۋانعا دەيىن وزىندىك قۇندى ۇنەمدەسەك، ءبىر ايدان كەيىن 200 دە 300 مىڭ يۋاندىق وزىندىك قۇن اقىسى ۇنەمدەلەدى»،-دەدى.
ۇعىسۋعا قاراعاندا، وسى رەتكى التىننىڭ قولما-قول ساۋداسى بيىل 8-ايدىڭ 28-كۇنى ءۇرىمجى فينانىستىق باعا مالىمدەۋ ەسەپ جابۋ قىزمەتىن وتەۋ ورتالىعى شاڭحاي التىن بيرجاسىنىڭ ەرەكشە مۇشەلىگى تولىمدىلىعىن العاننان كەيىنگى، تۇڭعىش رەت جاسالعان كوپ مولشەردەگى التىننىڭ قولما-قول ساۋداسى ەكەن. ءۇرىمجى جوعارى جاڭا تەحنيكا كاسىبىن اشۋ رايونى ( جاڭا قالا رايوندىق) ساۋداگەر شاقىرۋ قىزمەتىن وتەۋ مەكەمەسىنىڭ ورىنباسار باستىعى، ءۇرىمجى فينانىستىق باعا مالىمدەۋ ەسەپ جابۋ قىزمەتىن وتەۋ ورتالىعىنىڭ مەڭگەرۋشىسى ان شياڭ تىلشىگە بىلاي دەدى: «التىن ساۋداسىن دانەكەر ەتتىك، ءبىز وسىدان كەيىن فينانىستىق ينفورماتسيالىق قىزمەت وتەۋ، شەكارا اتتاعان فينانىس ورتالىعى، شەتەل فينانىس ورتالىعى جاعىندا ءتىپتى كەڭ ساحناعا يە بولامىز، ەلىمىزدىڭ حالىق اقشاسىن ەركىن ايىرباستاۋ ارقىلى باعا مالىمدەۋ، ەسەپ جابۋ ورتالىعى ءوزىنىڭ فۋنكتسياسىن بىرتىندەپ ساۋلەلەندىرىپ، حالىق اقشاسىنىڭ حالىقارالىق ساحناعا قاراي ىشكەرلەي بەت الۋىنا مۇمكىندىك جاسالادى».

بەرىپ كەت ورامالىڭدى

دوستار

الىستاعى اق ەركە