جاڭا حابارلار

حان زۇڭجى جەرگىلىكتى بۇقارانى قۇمىل قاۋىنىن  ەگۋگە باستاپ، اتىز باسىندا تەحنيكانى قولما-قول ۇيرەتىپ، ۇلتتار ىنتىماعىن نىعايتاتىن يگى ىستەردى كوپتەپ جارىققا شىعاردى

    كەلۋ قاينارى: شينجياڭ حالىق راديو ىستانسياسى    2018-11-17 10:55:10  

  ستانسيامىزدىڭ پراكتيكانت ءتىلشىسى لي ۋيدىڭ حابارى :ياركەن اۋدانى الامات قالاشىعى پارتكومنىڭ ورىنباسار شۋجيى حان زۇڭجى جەرگىلىكتى بۇقارانى قۇمىل قاۋىنىن  ەگۋگە باستاپ، اتىز باسىندا تەحنيكانى قولما-قول ۇيرەتىپ، ۇلتتار ىنتىماعىن نىعايتاتىن يگى ىستەردى كوپتەپ جارىققا شىعاردى.   ستانسيامىزدىڭ پراكتيكانت ءتىلشىسى لي ۋيدىڭ حابارى :    جۋىقتا ، قۇمىل قاۋىنى ەگىمشىلىگىنە  قاتىستى كۋرس ياركەن اۋدانىنىڭ الامات قالاشىعىندا وتكىزىلدى، قالاشىقتاعى تۇرعىندار ءبارى كەلىپ حان زۇڭجىنىڭ ساباعىن تىڭدادى.  2017- جىلى 3-ايدا، حان زۇڭجى قۇمىل قالاسىنىڭ اراتۇرىك اۋدانى نوم قالاشىعىنان الامات قالاشىعىنا اۋىسىپ، پارتكومنىڭ ورىنباسار شۋجيى مىندەتىن اتقارادى. 18 جىلدىق قۇمىل قاۋىنىن ەگۋ تاجىريبەسى بار ول جەرگىلىكتى ورىننىڭ قىراۋسىز مەزگىلى ۇزاق، سۋ مولشەرى جەتكىلىكتى، كۇندىز بەن ءتۇىنىنىڭ تەمپەراتۋرا پارقى زور بولىپ، قۇمىل قاۋىنىن ەگۋگە باپ كەلەتىنىن، الايدا، قىستاق تۇرعىندارىنىڭ ەگۋ تەحنيكاسى مەشەۋ بولۋى سەبەپتى قاۋىن ەگۋ ارقىلى اۋقاتتانىپ، كىرىسىن ارتتىرا الماي وتىرعانىن بايقايدى، حان زۇڭجى بىلاي دەدى: باپتاۋداعى قۇنىتسىزدىق، ساباعىن قيماۋ، قاۋىن سورتىن ويداعىداي  تاڭداماۋ، تۇقىم الىپ قالماۋ سەبەپتى، سوڭىندا ەككەن قاۋىندارىنىڭ ساپاسى جاقسى بولماي، ءونىم مولشەرى دە مارىمسىز بولىپ، تيىمدىلىگى تومەن بولعانىن بايقادىم.  سونىمەن، حان زۇڭجى جەرگىلىكتى ورىندا قۇمىل قاۋىنىن ەگۋ تەحنيكاسىن سىناق رەتىندە جالپىلاستىرادى، بىلتىر، الدىڭعى مەرزىمدە 25 مۋ جەرگە سىناق رەتىندە قۇمىل قاۋىنىن ەككەن سوڭ، ءوسىپ-ءونۋى ايتارلىقتاي بولادى. بيىل جىل باسىندا، حان زۇڭجى اناعۇرلىم كەڭ كولەمدە قۇمىل قاۋىنىن ەگىپ جالپىلاستىرۋدى جوسپارلايدى، الايدا، بۇعان سايكەسكەن تۇرعىندار تىم از بولادى. كوپشىلىكتى كۇدىك-كۇماننان ارىلتۋ ءۇشىن، حان زۇڭجى ءبىر اي ۋاقىتتا 3 قىستاقتان ءبىر مىڭ 11 وتباسىن ارالاپ، ولارعا قۇمىل قاۋىنىن ەگۋدىڭ عىلمي جولى مەن تيىمدىلىك جاعدايىن ەگجەي-تەگجەيلى تۇسىندىرەدى، حان زۇڭجىنىڭ كۇش سالۋىندا، 370 تۇرعىن حان زۇڭجىنىڭ 400 مۋ جەرگە قۇمىل قاۋىنىن كىرىستىرىپ ەگۋىنە ماقۇل بولادى. الايدا، ساباعىن قيۋ بارىسىندا، تۇرعىندار مەن حان زۇڭجى اراسىندا قايشىلىق تۋىلادى. تۇرعىن قۇربان روزى بىلاي دەدى: سول ۋاقىتتا، حان زۇڭجى ءبىر دە جەتى ساباعىن قيىپ  تاستاۋدى ايتتى، مەن ساباعىن كەسۋگە قيمادىم، قاۋىننىڭ از جەمىس بەرۋىنەن، ءونىم الۋعا ىقپالى تيۋدەن الاڭدادىم. الايدا، حان زۇڭجى قاۋىن ساباعىن لايىقتى قيعاندا  عانا قاۋىننىڭ ساپاسىنا كەپىلدىك ەتۋگە بولاتىنىن ايتتى.   ءبىر دە جەتى ساباعىن قيعاندا دا، بيىل ەككەن قۇمىل قاۋىنىنىڭ ءونىم مولشەرىنىڭ وتە جاقسى بولعانىن  قۇربان روزى ويلاپ تا كورمەگەن ەدى. قاۋىن پىسىسىمەن، ىشكى ولكەدەن كوپتەگەن ساۋداگەر  كەلىپ ساتىپ الادى، 2 مۋ جەردەن 4 مىڭ يۋاننان ارتىق پايدا تابادى. قۇربان روزى بىلاي دەدى:  مەن اسىلىندە ماقتا ەگىپ، جىل باسىنان جىل سوڭىنا دەيىن، ابىگەر بولعام، تيىمدىلىگى دە ماردىمسىز بولدى، قازىر، قۇمىل قاۋىنىن ەگىپ، 4 اي عانا ۋاقىت جۇمسادىم، تيىمدىلىگى ماقتا ەگۋدىڭ 2 ەسەسىندەي ەكەن.  بۇگىنگى كۇندە، كوپتەگەن تۇرعىن  كەلەر جىلعى قاۋىن ەگۋشىلەر قاتارىنا قوسىلۋدى بىردەن قۇپتاپ وتىر، وسىعان وراي، حان زۇڭجى قالاشىقتان ارنايى تەحنيكا جالپىلاستىرۋ كۋرسىن اشىپ، تۇرعىندارعا قاۋىن ەگۋ تەحنيكاسىن ۇيرەتتى. حان زۇڭجى بىلاي دەدى: بۇقارانىڭ كىرىسىن ارتتىرىپ، اۋقاتتانىپ، جۇزدەرىنە كۇلكى ۇيىرلگەنىنە قاراپ، ەڭبەگىمنىڭ جەمىسىن كورگەندەي بولدىم. الدا، قۇمىل قاۋىنىن ەگۋ جاعىنداعى ءوز ابىزالدىلىعىمدى جالعاستى ساۋلەلەندىرىپ، ۇلتتار ىنتىماعىن نىعايتۋ  جاعىندا يگى ىستەردى دامىتامىن.
 
 
 
 


بەرىپ كەت ورامالىڭدى

دوستار

الىستاعى اق ەركە