جاڭا حابارلار

اقسۋ قالاسىنىڭ ۋاڭسان كوشەسىندەگى ساۋداگەرلەر مەن شيڭلۇڭ كوشەسىندەگى ساۋداگەرلەر تۋىسقاندىق قاتىناس ورناتىپ، ءوزارا كومەكتەسۋ بارىسىندا، ەكى كوشەدەگى ساۋداگەرلەردىڭ اراسى بارعان سايىن جاقىنداپ، ساۋدالارى دا كۇسەت بولا باستادى

    كەلۋ قاينارى: شينجياڭ حالىق راديو ىستانسياسى    2018-11-18 10:21:06  

  «ۇلتتار ىنتىماعىنىڭ بەرەكەلى شاڭىراعىندا» قيمىلىندا، اقسۋ قالاسىنىڭ ۋاڭسان كوشەسىندەگى ساۋداگەرلەر مەن شيڭلۇڭ كوشەسىندەگى ساۋداگەرلەر تۋىسقاندىق قاتىناس ورناتىپ، ءبىر - بىرىنە قىدىرىپ، ءوزارا كومەكتەسۋ بارىسىندا، ەكى كوشەدەگى ساۋداگەرلەردىڭ اراسى بارعان سايىن جاقىنداپ، ساۋدالارى دا كۇسەت بولا باستادى.    «ياڭ چيڭحۋا: اعا سالەمەتسىز بە؟ تاياۋدان بەرى ساۋداڭىز قالاي؟ ــ دەپ سۇراپ ەدى،
      مامەتجان : كورىم، ايتەۋ، سەن تانىستىرعان حاريدارلار ەلەكتر جابدىقتارىن بۇگىن عانا ورناتىپ بولدى، ساۋدا جاقسى بولىپ تۇر، »ـــ دەدى.
     11-ايدىڭ 13-كۇنى، اقسۋ قالاسىنىڭ شيڭلۇڭ كوشەسىندەگى اۆديو ەلەكتروندى جابدىقتار ارناۋلى ساتۋ دۇكەنىنىڭ قوجايىنى ياڭ چيڭحۋا ۋاڭسان كوشەسىنە بارىپ، وسى جەردە ەلەكتر جابدىقتارىن ساتۋ دۇكەنىن اشاتىن تۋىسى مامەتجان قاسىمعا سالەمدەستى. ەكەۋى تۋىسقاندىق قاتىناس ورناتقاننان بەرى، مامەتجان قاسىمنىڭ دۇكەنىنىڭ ساۋداسى جاقسى بولماي قالعانىن كورسە بولعانى، ياڭ چيڭحۋا وعان ىرىقتىلىقپەن اقىل كورسەتەتىن، تاعى ءوز دۇكەنىنىڭ حاريدارلارىن وعان تانىستىراتىن بولدى. مامەتجان قاسىم بىلاي دەدى: « ونىڭ دوستارى وتباسى ەلەكتر جابدىقتارىن قاجەت ەتسە، ماعان تەلەفون جالعايدى. باستابىندا ەلەكتر جابدىقتارىن ساتۋ كوڭىلدەگىدەي بولمادى، تۋىسىم كومەكتەسكەننەن كەيىن، ساۋدام كوپ جاقسى بولىپ قالدى».
     ياڭ چيڭحۋا ، جايشىلىقتا دا مامەتجان قاسىممەن حاريدار بايلىعىمەن، تۇرمىستاعى ىستەرىمەن ورتاقتاساتىنىن، قازىر ەكەۋىنىڭ تۋعان اعا - باۋىرداي بولىپ كەتكەنىن ايتا كەلىپ بىلاي دەدى: « اعاممەن تۋىس بولعاننان كەيىن، ەكەۋىمىز تۇرمىستا جانە ساۋدادا بولسىن، ءوزارا كومەكتەسەتىن بولدىق، بەرەكە بولسا، قۇت قونادى دەپ ۇنەمى ايتاتىنىمىزداي، ساۋدامىز قازىر بارعان سايىن جاقساردى».
    بىرەۋى-بىرەۋىمەن تۋىسقاندىق قاتىناس ورناتۋدان سىرت، ەكى كوشەدەگى تۋىسقاندىق قاتىناس ورناتقان ساۋداگەرلەر  تاعى توپتىق كۇش شىعارىپ،  كوپ بولىپ، قارجى توپتاپ،  اينالىم قارجى  ارقىلى كاسىپ اشۋدىڭ ەڭ جاڭا ۇلگىسىن ەنگىزىپ، ۇيعۇر، حانزۋ، قازاق سياقتى 7 ۇلتتان قۇرالعان 88 ساۋداگەر بىرگە قارجى شىعارىپ، ۋاڭسان كوشەسىندە «ۇلتتار ىنتىماعىنىڭ بەرەكەلى شاڭىراعىندا» باستى  تاقىرىبىنداعى اسحانا اشتى، كوپشىلىكتىڭ اقشاسى بارلارى اقشا، كۇشى بارلارى كۇش شىعاردى، قازىر وسى اسحانانىڭ ساۋداسى بارعان سايىن كۇسەت بولىپ، كۇنىنە ورتا ەسەپپەن حاريدار  قابىلداۋ مولشەرى 200 ادامنان استى. اسحانانىڭ باس جوراسى ايشامگۇل تۋنياز بىلاي دەدى: «اسحانامىزدا تاماقتاناتىندار تۋىسقاندىق قاتىناس ورناتقان كادرلار مەن تۋىستارى عانا بولىپ قالماستان، تاعى ىشكى ولكەنىڭ كوپتەگەن ساياحاتشىلارى دا بار. اسحانامىزدى «ۇلتتار ىنتىماعىنىڭ بەرەكەلى شاڭىراعىندا» قيمىلىن ايگىلەيتىن تەكشە ەتىپ قۇرىپ، حاريدارلارعا  ءدامدى تاعامنان اۋىز  تيگىزىپ قويماي، ونىڭ ۇستىنە، ولاردىڭ ۇلتتار ىنتىماعىنداعى بەرەكەنى سەزىنە الۋىنا مۇمكىندىك جاسايمىز».
    قازىرگە دەيىن، ۋاڭسان كوشەسى مەن شيڭلۇڭ كوشەسىندەگى تۋىسقاندىق قاتىناس ورناتقان ساۋداگەرلەردىڭ سانى 107 جۇپ ، 214 ادامعا جەتتى. بيىل 10 - ايدا، اقسۋ قالاسىنىڭ «ۋاڭسان كوشەسىنىڭ ۇلتتار ىنتىماعىن جەبەۋ قوعامى» رەسمي ۆيۋسكا اسىپ قۇرىلدى. جەبەۋ قوعامىنىڭ باس حاتشىسى حى شيۋحۋا بىلاي دەدى: « ءبىز كولەمىمىزدى جالعاستى كەڭەيتىپ، اناعۇرلىم كوپ ساۋداگەردى تۋىسقاندىق قاتىناس ورناتۋ قيمىلىنا قاتىناستىرىپ، ۇلتتار ارا ارالاسۋدى، ىشتەسۋدى، توعىسۋدى كۇشەيتەمىز، تاعى ۇيىرمەنى جەر - جەرگە بارىپ، حال سۇراۋ جانە كەدەيلەردى سۇيەمەلدەۋ، قيىنشىلىعى بارلارعا كومەكتەسۋ قيمىلدارىن ورىستەتۋگە ۇيىمداستىرىپ، اناعۇرلىم كوپ بۇقاراعا تيىمدىلىك جەتكىزىپ، ۇلتتار ىنتىماعى گۇلىن جەر - جەردە جايقالتامىز».   
     
 


بەرىپ كەت ورامالىڭدى

دوستار

الىستاعى اق ەركە