جاڭا حابارلار

اعالى - ىنىلىلەردىڭ قويۋ سۇيىسپەنشىلىگى

    كەلۋ قاينارى: شينجياڭ حالىق راديو ىستانسياسى    2018-11-19 10:31:53  

  جىڭ راديو ستانسياسىنىڭ ءتىلشىسى جياڭ تيڭيڭ مەن چين يىڭنىڭ حابارى :جىڭ اۋدانىنىڭ باجياحۋ ەگىس الاڭىندا، ءمانتى ساتاتىن ءبىر اسحانادان جۇرت «ءمانتى ساتاتىن اعايىندىلاردى» تانىدى، ءسىرا وسى « ءمانتى ساتاتىن اعايىندىلاردىڭ» قانداي اڭگىمەسى بار؟    

   «ءمانتى ساتاتىن اعايىندىلاردىڭ» ىشىندەگى اعاسى جۋ شۇيميڭ جىڭ اۋدانى باس جۇمىسشى ۇيىمىنىڭ ءتوراعاسى، ءىنىسى توقتاباي ەرسەيت ۇلى جىڭ اۋدانى باجياحۋ ەگىس الاڭىنىڭ قىزمەتكەرى. 2016- جىلى،  ەكەۋى « ۇلتتار ىنتىماعىنىڭ بەرەكەلى شاڭىراعىندا» قيمىلىندا تۋىستىق قاتىناس ورناتىپ تۋىسقا اينالادى. سول كەزدە توقتاباي ەرسەيت ۇلى ەگىس الاڭىنداعى ەڭ تومەنگى تۇرمىسى قامتاماسىزاندىرىلاتىن وتباسى ەدى. ەكەۋى تانىسقاننان كەيىن، جۋ شۇيميڭ ۇنەمى  تۇرمىستىق جاقتان ءىنىسى توقتابايعا قول ۇشىن بەردى.  

     تۇرمىس شارت- جاعدايىن جاقسارتۋ ءۇشىن، بيىل 4- ايدا،توقتاباي  ءبىر اسحانا اشقىسى كەلدى، الايدا تاجىريبەسى كەمشىل بولعاندىقتان،  جۋ شۇيميڭدى ىزدەپ بارىپ، اقىلداسادى. توقتاباي ەرسەيت ۇلى:«اسحانانى اشقانىم جون بە ؟ دەپ سۇراعان ەدىم، اعام اشقانىڭ دۇرىس، ءسوزسىز، وسى جۇمىستى ىستە، وتە جاقسى دەدى، وسىلايشا، اسحانانى اشىپ، جۇمىستى باستاپ كەتتىك»،- دەدى.  

  جۋ شۇيميڭنىڭ قولداۋىندا، ءۇش ايدان كەيىن، توقتاباي ەرسەيت ۇلىنىڭ «حوش ءيستى الما جەدەل تاعامدار اسحاناسى» جۇمىس باستاپ، اسحانادا ءمانتى، اق ءشاي سياقتى تاڭعى استار نەگىز ەتىلىپ شىعارىلادى. ءىنىسىنىڭ تاجىريبەسىنىڭ كەمشىل ەكەنىن ويلاسقان جۋ شۇيميڭ  دەمالىس كەزىنەن پايدالانىپ، ءىنىسىنىڭ  اسحانا جۇمىستارىنا قولعابىس ەتەدى. جۋ شۇيميڭ:« مەن وعان ۇزدىكسىز جاڭالىق جاساپ، شاعىن سۋىق تاعامدار، سورپا سياقتىلاردى شىعارىپ، تاماقتىڭ ءتۇرىن مولايتۋ كەرەكتىگىن، سوندا عانا  تاماقتانۋعا باراتىنداردىڭ بارىنشا كوبەيەتىنىن ايتتىم»،- دەدى.    قازىر اعاسى جۋ شۇيميڭ ۋاقىتى شىعا قالسا بولعانى، دوستار شەڭبەرىندە ءىنىسىنىڭ اسحاناسىن ۇگىتتەيدى، ءىنىسى توقتاباي ەرسەيت ۇلى  قايتكەندە تاعامداردىڭ ساپاسىن جوعارىلاتىپ، ءتىپتى دە كوپ حاريداردى باۋراۋعا بولاتىنىنا كوپ وي جۇگىرتتى. اعالى- ءىنىلى ەكەۋى بىردەي ويلاپ، بىردەي كۇش شىعارعاندىقتان، شاعىن اسحانانىڭ ساۋداسى بارعان سايىن جاقساردى، قازىر ءمانتىنىڭ وزىنەن كۇنىنە تۇسەتىن پايدا 300 دە 400 يۋانعا جەتتى. جاعدايدى بىلەتىن كوپتەگەن ادام  ولاردى «ءمانتى ساتاتىن اعايىندىلار» دەپ اتاستى. توقتاباي ەرسەيت ۇلى:« ەكەۋىمىزدىڭ قاتىناسىمىز ەرەسەن جاقسى، تاتۋ-ءتاتتى اعايىندىلارمىز»،- دەدى.     جۋ شۇيميڭ:« ەكەۋىمىز قازىر ناعىز تۋعان اعايىندىلارمىز، ءبىر شاڭىراقتىڭ مۇشەسىمىز. ول ءارقانداي ىستە مەنىمەن حابارلاسادى، ءبىز ءار كۇنى ءۇنحات ارقىلى كەڭەسەمىز، سونداي- اق ونىڭ وتباسىنىڭ تۇرمىس جاعدايىنا كوڭىل ءبولىپ تۇرامىن»،- دەدى.
 


بەرىپ كەت ورامالىڭدى

دوستار

الىستاعى اق ەركە