جاڭا حابارلار

قارتتارىمىزدىڭ ساۋ - سالامات تۇرمىس كەشىۋى ۇشىن 

    كەلۋ قاينارى: شينجياڭ حالىق راديو ىستانسياسى    2018-11-19 20:01:11  

 بولماشى قامقورلىق كىم - كىمنىڭ دە قولىنان كەلەدى. تۇرمىس بارىسىندا كوپتەگەن قارتتار جاسى ۇلعايعان سايىن كەم ءسوزدى بولىپ، ۋ - شۋدى كوڭىلى قالامايدى، ءۇيدىڭ ءىشى كۇنى مۇلگىگەن  تىنىشتىققا شومادى، اسىرەسە ءوزى جالعىز تۇراتىن قارتتار دوس - جاراندارىمەن قاتىناسى سيرەپ، سىرتقا شىققىسى كەلمەيدى دە ەلمەن اڭگىمەلەسۋ ورايى دا ازايادى، ۋاقىت وتە كەلە ءتيىمسىز اينالىم قالىپتاستىرادى.   امالياتتا سويلەۋدى قامتىعان دىبىستىڭ تىتىركەندىرۋى ادامنىڭ ءومىر سۇرۋىندە ءسوزسىز قاجەتتى شارتتاردىڭ ءبىرى، ادامزاتتىڭ ۇلكەن ميى ميدى ىستەتكەن سايىن قىزمەتى ارتىپ، ىستەتپەگەن سايىن ازادى، كەم ءسوزدى بولسا ۇلكەن ميداعى ارناۋلى ءتىلدى مەڭگەرەتىن ءوڭىردىڭ تىتىركەنۋى السىرەيدى دە ۇلكەن ميدىڭ اقاۋسىزدىعىنا ءتيىمسىز. سويلەۋ بارىسىندا لوگيكالىق ويلاۋ ارقىلى ءتىلدىڭ سۇرىپتالۋى ۇلكەن ميدى شىنىقتىرادى.   كوپتەگەن قارتتار جاسى ەگدەلەگەننەن كەيىن، ۇلكەن مي كىلەتكالارى قارتايا باستايدى، ال كوپ سويلەۋ ۇلكەن ميدىڭ كلەتكالارىن تىتىركەندىرىپ، كىلەتكالار ۇزدىكسىز جاندانىپ، قوزۋ قاسيەتىن ساقتايدى دا ۇلكەن ميدىڭ قارتايۋىن ءونىمدى باياۋلاتادى، الجۋ اۋرۋىنان ساقتانۋدا بەلگىلى رولى بار.   قازىر كوپتەگەن الجۋ اۋرۋىن ەمدەۋ ادىستەرىنىڭ ىشىندە كوپ سەزىم مۇشەسىن تىتىركەندىرۋدىڭ ءونىمى ەڭ جاقسى. سوندىقتان ۇرپاقتارى قارتتاردى كوبىرەك سويلەۋگە شابىتتاندىرۋى ءارى قارتتاردىڭ تۇراعىندا كەيبىر جاراسىمدى دىبىستاردىڭ شىعىپ تۇرۋىنا جاعداي جاساپ، جايشىلىقتا قارتتاردى كوبىرەك سويلەتىپ، ءسوزىن تىڭداۋ كەرەك. قارتتار قازىمىرلىقپەن قۇلاق ەتىڭىزدى جەسە دە دۇرىس تۇسىنىكپەن تىڭداي بىلسەڭىز، سونىڭ ءوزى دە وپالىلىققا جاتادى.   قارتتار جونىنەن العاندا، ءسوزدىڭ پايداسىن بىلگەننەن كەيىن مۇمكىن بار وزدەرىڭىزگە كوبىرەك سويلەيتىن، ماڭايىڭىزداعىلارمەن شۇيىركەلەسەتىن وراي ىزدەستىرگەندەرىڭىز ءجون، اۋەستەرىڭىزدى جەتىلدىرىپ، وزدەرىڭىز اۋەس ۇيىمدارعا قاتىناسىپ، لەكسيا جاساۋ، ءان ايتۋ، كىتاپ وقۋعا ۇيىمداستىرۋ سياقتىلاردىڭ ءبارى دە تاماشا قيمىلدار سانالماق. وسىمدىكتەردى باپتاۋ، حايۋاناتتاردى اسىراپ باعۋ سياقتىلاردى ۇيرەنىپ، جاڭا بىلىمدەردى يگەرۋگە ىزدەنىس جاساۋ كەرەك. ەگەر كەيبىر قاتتار زەينەتكە شىعاردان بۇرىن ءوز كاسىبىڭىزدىڭ مامانى بولساڭىز كەيبىر مۇراجاي، عىلىم - تەحىنيكا سارايى نەمەسە جاستار مەن ورەندەر قيمىل ورتالىعى سياقتى ورىندارداعى مىندەتتى تۇسىندىرۋشى سياقتى جۇمىستارعا بەلسەنە ات سالسىپ، نەعۇرلىم كوپ جاس دوستارمەن اڭگىمە دۇكەنىن قۇرىپ، بىرگە ىزدەنىس جاساپ، ءوزىڭىزدىڭ توپتاعان تاجىريبەڭىز بەن كاسىپتىك ەرەكشەلىگىڭىزدى ساۋلەلەندىرىڭىز، وقىعان - توقىعان بىلىمدەرىڭىزدى كەلەسى ۇرپاقتارعا اماناتتاڭىز.     قورتىپ ايتقاندا، ءبىز قازىنالى قارتتارىمىزدىڭ ءبارى دە ساۋ - سالامات تۇرمىس كەشىرسە دەپ تىلەيمىز.
 


بەرىپ كەت ورامالىڭدى

دوستار

الىستاعى اق ەركە