جاڭا حابارلار

 ساقپى - كۇندە اس ۇستەلىمىزدەن تۇسىرمەي پايدالاناتىن بۇيىم

    كەلۋ قاينارى: شينجياڭ حالىق راديو ىستانسياسى    2018-11-19 20:06:36  

 ساقپى - كۇندە اس ۇستەلىمىزدەن تۇسىرمەي پايدالاناتىن بۇيىمىمىز، ءار ۋاققى اسىمىزدىڭ بارىندە ساقپىدان ايىرىلا المايمىز. الايدا كەيبىرەۋلەر «ساقپىنى ساقتىقپەن ىستەتپەگەندە نەمەسە ىستەتكەن ۋاقىتىمىز وتە ۇزاق بولسا راكقا شالدىقتىرادى» دەيدى ەكەن. وسى ءبىر ءسوز تارالىسىمەن كوپتەگەن ادامدار ساقپىعا كوڭىل بولە باستادى، اۋەلى ۇرەيلەنگەندەر دە بار. ساقپى راسىندادا راكقا شالدىقتىرا ما؟  جايشىلىقتا تەك ساقپىعا سىزات تۇسكەن نەمەسە تازا جۋىلماعان جاعدايدا، ۇنەمى ازىق - تۇلىكتەردى قىسىپ جەپ، قاتتى قابىقتى جەمىس - جيدەكتەردى، استىق داقىلدارى مەن مايلى داقىلداردى تۇتىنعاندا، وسى ازىقتار ۇزاق ۋاقىت ساقپىعا جابىسىپ، كوگەرىپ، بۇزىلعاننا كەيىن عانا،  افلاتوكسين سياقتى زياندى قوسىلىستى پايدا قىلادى، سودان كەيىن بارىپ راكقا شالدىقتىرۋ قاتەرى بار دەيدى.   تاعى ءبىر جاقتان قاراعاندا، ساقپىنى ۇزاق ۋاقىت ىستەتكەندە راسىندا دا ساقپىنىڭ ءپىشىنى وزگەرىپ سىزات تۇسەدى، ۇزاق ۋاقىت دىمدانعاننان كەيىن وڭاي كوگەرەدى، الايدا بۇعان بولا ابىرجىپ كەتۋدىڭ قاجەتى شامالى، زەڭ باكتەرياسى جاراتىلىس دۇنيەسىندەگى ۇنەمى كەزدەسەتىن ءبىر ءتۇرلى ميكرو ورگانيىزىم، امالياتتا كوپ ساندى زەڭ باكتەرياسى ادامنىڭ اقاۋسىزدىعىنا ىقپال جاسامايدى؛ ساقپى كوگەرىپ كەتكەنىمەن بالكىم افلاتوكسيىن سياقتى زياندى قوسىلىستاردىڭ پايدا بولعانىنان دەرەك بەرمەۋى مۇمكىن، ول بالكىم باسقا زەڭ باكتەرياسى بولۋى دا ىقتيمال.    ساقپىعا جابىسقان ازىقتار مەن ساقپىنى ۇزاق ۋاقىت پايدالانۋ، سونىمەن بىرگە ساقپىنىڭ سىرتىنىڭ قاجالىپ توزۋى سياقتى سەبەپتەرگە بايلانىستى ساقپى كوگەرۋى مۇمكىن، الايدا كەيبىر زەڭ باكتەريالارى دەنساۋلىققا زالالسىز. جايشىلىقتا ازىقتاردا افلاتوكسيىن سياقتى زياندى قوسىلىستار ءجيى پايدا بولمايدى، تەك جينالعان افلاتوكسيىن سياقتى زياندى قوسىلىستار بەلگىلى مولشەرگە جەتكەندە بارىپ راكقا شالدىقتىرۋ قاتەرى تۋىلادى. وسىنداي جاعدايعا دا پارىقتى قاراۋ كەرەك، ءبارىن ءبىر شىبىقپەن ايداۋعا كەلمەيدى.   سوندىقتان كۇندەلىكتى تۇرمىستا، ءبىز ساقپىنى قالاي ۇيلەسىمدى تاڭداپ، پايدالانىپ ءجۇرمىز، ساقپىنى ساقتاۋ، الماستىرۋ سياقتى ىستەردىڭ ءبارى دە  ەرەكشە ماڭىزدى جۇمىس سانالادى، مىنە وسىلارعا كوڭىل بولگەندە عانا قاتەردەن ەڭ ءونىمدى ساقتانا الامىز.    مۇندا ەڭ الدىمەن ساقپىنى ۋاعىندا الماستىرىپ تۇرۋىمىز، ەڭ جاقسىسى 3 ايدان ارتىق پايدالانباعانىمىز ءجون. ونان كەيىن ساقپىنى دىمقىل ورتادا قالدىرماي، ساقپىنى قۇرعاتىپ العاننان كەيىن بارىپ ورنىنا قويۋىمىز، وسى ارقىلى زەڭ باكتەرياسىنان ساقتانۋىمىز كەرەك. مۇمكىن بولسا ساقپى سالاتىن ىدىسىمىزعا ساقپىنىڭ ۇشىن جوعارى قاراتىپ قويعانىمىز ابزال. ساقپى سالاتىن ىدىستى دا ۋاعىندا تازالاپ، ۋاعىندا قايناعان سۋعا سالىپ ديزەنفەكسيالاپ، دەنساۋلىققا توندىرەتىن كومەسكى قاتەرىن ازايتقانىمىز ءجون.    مۇنان سىرت جايشىلىقتا دا ساقپىنىڭ تازالىعىنا ءمان بەرىپ، بوگدە ءيىس شىققان - شىقپاعانىنا، تازالىعىنا ءساپ سالا جۇرگەنىمىز، كوگەرىپ كەتۋىنەن ساقتانۋىمىز كەرەك. ەگەر كوشەدەن جاڭادان ساتىپ اكەلگەن ساقپى بولسا دا تازالاپ جۋۋىمىز كەرەك. وسى ءبىر كىشكەنتاي ساقپىعا دا ءسال قارامايىق، ويتكەنى وسىنىڭ ءبارى دە اقاۋسىز تۇرمىسىمىزعا قاتىستى بولماق.


بەرىپ كەت ورامالىڭدى

دوستار

الىستاعى اق ەركە