جاڭا حابارلار

قارت تىڭدارماندارىمىزعا مىنانى ايتامىز

    كەلۋ قاينارى: شينجياڭ حالىق راديو ىستانسياسى    2018-11-19 20:08:09  

 جايشىلىقتا كوپتەگەن قارت ۇنەمشىل كەلەدى، ءومىرىنىڭ سوڭعى كەزىندە كۇندەلىكتى تۇرمىسىن قاراپايىم ۇستايدى، جىلى - جۇمساقتىڭ ءبارىن بالالارىنا توسەپ، وزدەرى تارتا جەپ، ۇنەممەن كۇن كەشىرەدى، ەرەن بازارلارعا بارىپ تالاسا - تارماسا ءبىر جاقتىلى ەتىلگەن ازىق - تۇلىكتەردى ساتىپ الادى، اسقان كوكونىس، تاماق، ۋاقىت وتكەن ازىق - تۇلىكتەردى دە تاستاعىسى كەلمەيدى، سىرقاتتانىپ قالسا دا شيپاحاناعا بارعىسى كەلمەيدى........بۇلاي بولعاندا ءوز تۇرمىس ساپاسىن ءتۇسىرىپ قويماي تاعى ءبىر قىدىرۋ اقاۋسىزدىققا قاتىستى ماسەلەلەر دە تۋىندايدى. بۇل ارادا راديو الدىنداعى قارتتارىمىزعا ەسكەرتەرىمىز - ازعانتاي اقشا ۇنەمدەيمىن دەپ دەنساۋلىقتان ايىرىلىپ قالماڭىز.   كوپتەگەن قارتتار دەنساۋلىق تەكسەرتۋدى باسى ارتىق جۇمىس سانايدى، قاشاندا تاماقتان قالماسا، ۇيقىسى تىنىش بولسا دەنساۋلىعىمدا ماسەلە جوق دەپ ويلايدى دا كەيبىر قاتەردىڭ ۇزاق ۋاقىت كومەسكىدە جاسىرىنىپ جاتقانىن سەزبەيدى، سول سەبەپتى دە كەيبىر قارتتار سىرقاتتانعانىن بايقاعاندا الدە قاشان اۋرۋدىڭ سوڭعى مەزگىلىنە ءوتىپ كەتەدى. قارتتارىمىزعا ۇسىنىسىمىز ءار جىلى ءبىر رەت دەنساۋلىقتى جۇيەلى تەكسەرتكەنى ءجون، جايشىلىقتاعى  قان سارابى، نەسەپ تەكسەرۋ سياقتى تۇرلەردى تەكسەرتۋ كەرەك جانە وسپەنىڭ كورسەتكىشى، سۇيەكتىڭ تىعىزدىعى، قۇرساق ءبولىمىن «ب» ءتيىپتى ۋلتىرا دىبىس تولقىنىمەن تەكسەرۋ سياقتى جابىدىقتارمەن تەكسەرتۋ كەرەك.    قارتتار جاس كەزىندە بالا دەپ بايەك بولدى، قارتايعاندا نەمەرە دەپ زىر جۇگىردى، ءار كۇنى كىر جۋىپ، تاماق جاساپ، بالانى مەكتەپكە اپارىپ اكەلىپ دەگەندەي نەمەرە - جيەندەرىن ەسەيتتى، ءوز دەنسالۋىقتارىنا دا اقاۋ ءتۇستى. ءومىر بويى تۇرمىستىڭ كۇيبەڭىمەن ءجۇرىپ ءوزى جاقسى كورەتىن دۇنيەلەرىنەن، سەيىل - سەرۋەننەن بارعان سايىن الىستاي بەردى.       ءبىز بۇگىن قارت تىڭدارماندارىمىزعا مىنانى ايتامىز: سىزدەر ەمىن - ەركىن جۇرگىلەرىڭىز كەلگەندە ەمىن - ەركىن ءجۇرىڭىز، بالا ءۇشىن ءومىر بويى شىجاقتاۋدىڭ قاجەتى شامالى. وزدەرىڭىزگە ءتان تۇرمىستارىڭىز بولعانى راۋا، قارتتار قىزىعاتىن ىستەر مەن اۋەستەرىڭىزگە قاراي ىلايىقتى قيمىلدارمەن اينالىسىڭىز، ماسەلەن: حۇسىنيحاتقا جاتتىعۋ، قارماق سالۋ، گۇل باپتاۋ، تايجي جۇدىرىقشىلىعىنا جاتتىعۋ سياقتى قيمىلدارمەن اينالىسىڭىز. قارتتار داشۋەسىنە تىزىمدەلىپ، تۇرمىسىڭىزدى ارلەندىرە ءتۇسىڭىز. تۇرمىستىڭ ءوز ءسانى بولعانى جاقسى، ءۇش ۋاق تاماققا تويعانعا قاناعاتتانباۋ كەرەك. جاس كەزدە سىرتقا ساياحاتتاعىسى كەلگەنىمەن، وتاننىڭ تاماشا تاۋ - سۋىن ارالاعىسى كەلگەنىمەن الايدا ەكونوميكالىق شارت - جاعدايى جار بەرمەدى، زەينەتكە شىققاننان كەيىن نەگە بوس ۋاقىتتان پايدالانىپ جولداس، جورالارىڭىزبەن بىرگە ساياحاتتاپ كەلمەسكە؟!    كەيبىر قارتتارىمىز زەينەتكە شىققاننان كەيىن تۇرمىستىڭ قاجەتىنە ساي وتباسىنان شىعا الماي قالادى دا قوعامدىق بايلانىسى بىرتىندەپ ازايادى، بۇنداي جاعدايعا باستابىندا كوندىكپەيدى،  سوندىقتان قارتتار زەينەتكە شىعاردان بۇرىن زەينەتكە شىقسام نە ىستەيمىن دەگەندەردى الدىن الا ورنالاستىرىپ، دەنساۋلىققا پايدالى كەيبىر اۋەستەردى جەتىلدىرىپ، قارتتاردىڭ قوعامدىق قيمىلدارىنان قالماي قاتىناسىپ، شىت جاڭا الەۋمەتتىك قاتىناس ورناتۋى كەرەك. مۇنان سىرت قارتتاردىڭ ۇرپاقتارى دا اتا - اناسىنا كوبىرەك كوڭىل ءبولىپ، جايشىلىقتا تەلەفوندا سويلەسىپ قويساڭىز، ىزدەپ بارىپ امانداسىپ قايتساڭىز، وسىنىڭ ءبارى مەرەكەلىك تيىن - تەبەن بەرگەننەن كوپ جاقسى، كوڭىلگە مەدەت بولماق.
 


بەرىپ كەت ورامالىڭدى

دوستار

الىستاعى اق ەركە