جاڭا حابارلار

 تالشىن جەگىڭىز كەلسە ەڭ جاقسىسى شيكى تالشىن جەمىسىن ساتىپ الىڭىز

    كەلۋ قاينارى: شينجياڭ حالىق راديو ىستانسياسى    2018-11-19 20:12:17  

جىلىنا ءبىر كەلەتىن تالشىن جەيتىن مەزگىلگە دە اياق باسقان ەكەنبىز، جاڭا عانا قازاننان شىققان شەكەر ارالاستىرىلىپ قۋىرىلعان تالشىن جەمىسى كورەر كوزگە جالتىراپ كورىنەدى، قابىعى سوگىلىپ، ساپ - سارى جۇمساق ءدانى شىعىپ، اۋىزىڭىزعا سالىپ جىبەرگەندە بارىپ ءيىسى بۇرقىراپ تۇرعان تالشىن ءدامىنىڭ ونشا ءتاتتى ەمەس ەكەنىن، جەمىس ءدانىنىڭ دە ۇگىتىلىپ تۇرماعانىن، اۋەلى ءبىراز شايناعاننان كەيىن اۋىزىڭىزعا كەرمەك تاتىعانىن دا بايقايسىز. مۇنىڭ سەبەبى نە؟   ىسجۇزىندە جايشىلىقتاعى تالشىن جەمىسىنىڭ سىرتقى قابىعى قانىق قوڭىر كورىنەدى، تىم جارقىراپ كەتپەيدى. ال كوپتەگەن الىپ- ساتارلاردىڭ قولىنان شىققان شەكەر قوسىپ قۋىرىلعان قاپ - قارا، جىلتىراپ كورىنەتىن تالشىندارعا بالكىم بال قوسىپ قۋىرعان بولۋى مۇمكىن. ەگەر بال قوسقان بولسا ونىڭ ءجونى ءبىر باسقا، الايدا جىلتىراپ تۇرعان تالشىن جەمىسىن قولىڭىزعا الساڭىز قولىڭىزعا جابىساتىنداي بال تابا المايسىز، قايتا تالشىن جەمىسى قولىڭىزعا سۋسىپ توقتامايدى، بالكىم ولار تالشىن جەمىسىن قۋىرعان كەزدە ونەركاسىپتە پايدالاناتىن بالاۋىزدى (پارافيىندى) قوسىپ جىبەرگەن بولۋى ابدەن مۇمكىن، بۇل زاتتىڭ وزىندىك قۇنى تومەن، الايدا قۇرامى كۇردەلى، كەيبىرەۋلەر تالشىن جەگەندە الدىمەن اۋىزىنا سالىپ تىستەپ شاعىپ ءدانىن الادى، تالشىندى بۇلايشا شاعىپ جەۋ دەنساۋلىققا زيانىنان باسقا پايداسى جوق.   ەگەر قۋىرعاندا قابىعى جارىلماعان تالشىن بولسا جانە جاقسى، وندايدا قابىعىن ارشىپ جەيسىز، الايدا قابىعى جارىلعان تالشىنعا شەكەر قوسىپ شاعىل تۇيىرشىكتەرىمەن قوسا قۋىرعاندا تالشىننىڭ جابىسقاقتىق قاسيەتى ارتادى دا، ول شاعىل تۇيىرشىكەرىنىڭ بەتىندەگى شاڭ - توزاڭدى وزىنە جابىستىرىپ الىپ قويماي، ونەركاسىپتە پايدالاناتىن بالاۋىز تالشىندى بىلعايدى. كەيبىر الىپ- ساتارلار وزىندىك قۇنىن تومەندەتۋ ءۇشىن اۋەلى دامدەندىرگىش دارىلەردى شەكەردىڭ ورنىنا پايدالانادى، مىنە بۇل كەيبىر تالشىن جەمىسىن جەگەندە ءتاتتى سەزىلگەنى بىلاي تۇرسىن كەرمەك تاتىپ كەتەتىندىگىنىڭ سەبەبى وسىندا.   سوندىقتان، كوپشىلىككە ەسكەرتەرىمىز، تالشىن جەگىڭىز كەلسە ەڭ جاقسىسى شيكى تالشىن جەمىسىن ساتىپ الىپ ءوزىڭىز قۋىرىڭىز، ەگەر بازاردا ساتاتىن شەكەر قوسىلعان تالشىندى جەگىڭىز كەلسە، تالشىننىڭ ءتۇسى تابيعيىن، قابىعى ارشىلماعانىن تاڭداڭىز، ايتەۋ الگىندەگىدەي جىلتىراپ تۇرعان، قابىعى جارىلىپ كەتكەن تالشىن جەمىسىن جەۋدەن اۋلاق بولىڭىز.


بەرىپ كەت ورامالىڭدى

دوستار

الىستاعى اق ەركە