جاڭا حابارلار

 رايونىمىزدىڭ جەر - جەرىندە قىسقى ساياحات قيمىلىنىڭ ىركەس - تىركەس باستالۋىنا ساي،  قار - مۇز ساياحاتى قىزۋ ورلەۋگە كوتەرىلدى

    كەلۋ قاينارى: شينجياڭ حالىق راديو ىستانسياسى    2018-11-22 11:04:03  

  ستانسيامىزدىڭ تىلشىلەرى جين لەي مەن ايبىعازى راحمان ۇلىنىڭ حابارى :تاياۋدا، جەر - جەردىڭ قىسقى ساياحات قيمىلىنىڭ ىركەس - تىركەس باستالۋىنا ساي، رايونىمىزدىڭ قار - مۇز ساياحات  ورلەۋى ۇزدىكسىز كوتەرىلىپ، ساياحات بازارى قىزا ءتۇستى.      وتكەن اپتادا، شيندۇڭفاڭ ساياحات ارناۋلى پويەزى ۇرىمجىدەن التاي ايماعىنا قاتىنادى، 4 كۇن، 3 ءتۇن جۇرەتىن وسى ساپاردا، ساياحاتشىلار قاناستىڭ، قومىنىڭ سىزعان سۋرەتتەي اسەم كورىنىسىن تاماشالاپ،  دبالاردىڭ ۇلتتىق سالت -ساناسىن سەزىنىپ، بالالار ەرتەگىسىندەي قار - مۇز الەمىنەن كوز ايدىن بولادى. ساياحاتشى ۋاڭ مىرزا بىلاي دەدى: « قىستا بۇل جەر سۋىق بولادى ەكەن، الايدا سۋىق بولسا دا كوڭىلدىمىز. كورىنىسى مۇلدە باسقاشا، اپپاق قارمەن كومكەرىلگەن دالادا وسكەن جاسىل قاراعاي وتە ايباتتى سەزىلدى، كوركەم شينجياڭ كەلۋگە لايىق جەر ەكەن!»  شيندۇڭفاڭ ساياحات ارناۋلى پويەزىنىڭ قاتىناۋى «پويەزبەن شينجياڭدى ساياحاتتاۋ » اتىنداعى قىسقى قار - مۇز ساياحاتى باستالعانىن اڭعارتتى. بيىل قىستا، تەمىر جول تاراۋلارى قاناس پەن قوم، ىلە مەن سايرام كولى، كۇشار مەن لوپنۇرلىقتار قىستاعى ءوزارا ۇشتاسۋ سياقتى  4 ارناۋلى پويەز جەلىسىن جوبالادى. ءۇرىمجى تەمىر جول حالىقارالىق ساياحات مەكەمەسىنىڭ ورىنباسار باس مەڭگەرۋشىسى حۋاڭ تيڭفىن، كەشتە جولعا شىعىپ، تاڭەرتەڭ جەتەتىن شيندۇڭفاڭ ساياحات ارناۋلى پويەزىنەن بيىل قىستا 35 ىن قاتىناتۋدى جوسپارلاعاندىقتارىن  ايتا كەلىپ بىلاي دەدى: « بيىل قىسقى ساياحاتتىڭ كولەمىن كەڭەيتۋ، كۇشەيتۋ تالابىنا ساي،  بۇدان كەيىن  اپتا سايىن ءبىر پويەزدى قاتىناتۋدى جوسپارلادىق، مۇندا پويەز ءار جۇما كۇنى اتتانادى، سەنبى، جەكسەنبى كۇنى ساياحاتتاۋ كۇنى بولادى دا، دۇيسەنبى كۇنى  ۇرىمجىگە قايتادى. ءبىز ەڭ جاقسى پويەزدى قىسقى ساياحات بازارىنا پايدالانۋ ارقىلى  ساياحاتشىلاردى باۋراپ وتىرمىز».     فورماسى الۋان ءتۇرلى قار - مۇز، ۇلتتىق سالت -سانا قيمىلى ەلىمىزدىڭ ءىشى - سىرتىنداعى قىرۋار ساياحاتشىنى باۋرادى.  «سۇيىسپەنشىلىككە تولى قاشقار» اتىنداعى قىسقى مادەنيەت ساياحات مەرەكەسى11 - ايدىڭ 17 - كۇنى قاشقار كونە قالاسى كورىنىس رايونىندا وتكىزىلدى، كەلەر جىلى 4 - ايعا دەيىن، قاشقار ايماعى ءدامدى تاعامدار، ءۇستىرت، ءشول، ۇلتتىق سالت - سانا، فوتوسۋرەت، ءان - ءبي، جاياۋ ءجۇرۋ، توڭكەرىستىك ساياحات سياقتى ءتۇرلى تاقىرىپتاعى ساياحات لەنيالارىن اشادى. نارات قار - مۇز ساياحات مادەنيەت مەرەكەسى، قورعاس قىسقى ساياحات زات ساتىپ الۋ ماۋسىمى وتكەن اپتانىڭ سوڭىندا باستالىپ، ساياحاتشىلار قار - مۇزدىڭ كوركەم كورىنىسىن تاماشالاپ، ۇلتتىق سالت -سانانى سەزىندى، ساياحاتشىلار تاعى شەكارا اتتاعان باجىسى كەشىرىم ەتىلگەن زاتتاردى ساتىپ الۋدان ءلاززاتتاندى. ىلە وبلىستىق ساياحات مەكەمەسىنىڭ قىزمەتكەرى ۋاڭ تاۋ ، قار - مۇز مەرەكەسىندە حالىققا ءتيىمدى بىرنەشە تۇرلى قيمىل وتكىزىلەتىنىن ايتا كەلىپ بىلاي دەدى: « ماسەلەن، نارات كورىنىس رايونى  ەسىك بەلەتىنىڭ باعاسى تەڭ جارىمىنداي تومەندەتىلدى، سونىمەن بىرگە، وبلىسقا توتە قاراستى ءىرى قار شاڭعى الاڭدارى، قار - مۇز كوڭىل اشۋ باقشالارى قىسقى مەرەكەلىك قۇتتىقتاۋ قيمىلدارىنا نەگىزدەلىپ تۇرلىشە تيىمدىلىكتەردى شىعاردى، بارلىق جۇلدىز دارەجەلى قوناق ءۇي،  تۇسەلدەر، تاعى ساياحات تاۋارلارىن، ەستەلىك بۇيىمداردى ساتاتىن دۇكەندەر %30 تەن ارتىق تيىمدىلىك جاسادى».   قىسقى ساياحات بازارىنىڭ دامۋىن جەبەۋ ءۇشىن، بۇرىن قىستا جابىلاتىن مەملەكەتتىك 5A دارەجەلى كورىنىس رايونى ــــ بايىنبۇلاق سياقتى كورىنىس رايوندارى بيىل اشىلادى، شينجياڭ حالىقارالىق ۇلكەن بازارىنىڭ جاياۋلار كوشەسى 11 - ايدىڭ 15 - كۇنىنەن باستاپ «قار مۇز بازارى - دۋماندى قىس ماۋسىمى»  تاقىرىبىنداعى قىسقى  تيجارات قيمىلىن باستادى. ساياحاتشى ليۋ مىرزا: « ۇلكەن بازارعا كەلىپ، مۋزىكا تىڭداپ، ءدامدى تاعامداردى جەۋگە بولادى ەكەن، قاقتاعان جۇمىرتقا ساتىپ الدىم، تاعى جىمىڭداعان جۇلدىزدى كورە وتىرىپ قاقتاعان تاعامداردىڭ ءدامىن تاتاتىن مۇزدان جاسالعان ءۇيدى كوردىم، وتە تاماشا، وتە ادەمى ەكەن»، ــ دەدى.    بيىل قىستا، شينجياڭ «2+1+N» سىندى قىسقى ساياحاتتى دامىتۋ جۇلگەسىن قۇرۋدى جەدەلدەتىپ، التاي، ءۇرىمجى - سانجى وڭىرىن جەتەكشى ەتىپ، قىسقى ساياحاتتىڭ تىرەكتى ايگىلى ماركاسىن جاراتادى؛ نانشان ۇلتتىق سالت - سانا مادەنيەت كورىنىس ساياحات ونىمدەرىن ءتۇيىن ەتىپ، تاڭداۋلى ساياحات لەنيالارىن اشۋدى جوبالادى. اۆتونوميالى رايوندىق ساياحات ىستەرىن دامىتۋ كوميتەتى پارتگرۋپپاسىنىڭ شۋجيى حوۋ حانمين بىلاي دەدى: « كوپتەگەن وڭىردىڭ فورماسى الۋان ءتۇرلى قيمىلدارى باستالدى، كوپتەگەن وڭىر كەزەكشى ايروپلان، ساياحات ارناۋلى پويەزى سياقتى جاقتاردا ءتيىمدى ساياساتتار شىعاردى. وتكەن جىلى قىستا، 11 - ، 12 - ايداعى ساياحاتشىلاردىڭ سانى  3 ميلليون ادام رەت بولعان، بيىل از دەگەندە ەكى ەسەلەمەكپىز، اناعۇرلىم كوپ ادامدى قىسقى ساياحاتقا قاتىناستىرىپ، 4 ماۋسىم ساياحاتىن  ويداعىداي دامىتىپ، قىسقى ساياحاتتى  ساياحاتتىڭ سايابىر كەزىندە دە قىزۋ ورلەۋگە كوتەرىپ،  جانداندىرىپ، ءار جاقتىڭ كۇشىن  اتتانىسقا كەلتىرمەكشىمىز».   
 


بەرىپ كەت ورامالىڭدى

دوستار

الىستاعى اق ەركە