جاڭا حابارلار

ءتۇرلى شارانى قاتار قولدانىپ، قىستاق تۇرعىندارىن اۋقاتتانۋ جولىنا باستادى

    كەلۋ قاينارى: شينجياڭ حالىق راديو ىستانسياسى    2018-11-22 11:15:52  

بۇل ايداردا « كەدەيلەردى ءدالمە-ءدال سۇيەمەلدەۋ،  كەدەيلىكتەن دالمە - ءدال قۇتىلدىرۋداعى ءبىرىنىشى شۋجي» دەگەن تاقىرىپتاعى جەلىلەس حاباردىڭ اقسۋ راديو ستانسياسىنىڭ ءتىلشىسى ۋاڭ تو مەن ءۇشتۇرپان راديو ستانسياسىنىڭ ءتىلشىسى جاڭ حى جازعان: « ءتۇرلى شارانى قاتار قولدانىپ، قىستاق تۇرعىندارىن اۋقاتتانۋ جولىنا باستادى» دەگەن ءبولىمى . 

      تاياۋدا، اۋىر كەدەي قىستاق ــــــ ءۇشتۇرپان اۋدانى العا قالاشىعى جارباسى قىستاعىنداعى «رۇيفىڭ كوكونىس ەگەتىن ديحاندار كاسىپتىك كوپەراتيۆى» جەرلەرىندەگى ەڭ سوڭعى باكىلاجاندارىن ساتتى، ەسەپتەپ كورگەندە، جارىم جىلدا كوپەراتيۆتىڭ 51 مۇشەسىنىڭ ءاربىرى 3 مىڭ يۋانعا تاياۋ پايداعا يە بولىپتى. كوپەراتيۆتىڭ جاۋاپتىسى تۇرسىن مامۇت بىلاي دەدى: قىزمەت اترەتىندەگىلەردىڭ كومەگىنە راحىمەت، اۋستىرۋ ءادىسى بويىنشا 37 مۋ جەردى بىرىكتىرىپ، ەگىنشىلىك تەحنيكاسىن ۇيرەتىپ، ساتىپ الاتىن ورىندارمەن حابارلاستى، جارىم جىلدا 100 توننادان استام باكلاجان ءوندىرىپ، ساتىلۋى ەرەكشە جاقسى بولدى. كەدەيلىكتەن قۇتىلۋ سەنىممىز بەكەمدەلدى.  

      جارباسى قىستاعىنداعى «حالىق جاعدايىن ۇعىسۋ، حالىققا تيىمدىلىك جەتكىزۋ، حالىق تىلەگىن توعىسترۋ» قيمىلى بويىنشا قىستاقتا تۇراتىن قىزمەت اترەتى اۆتونوميالى رايوندىق پارتكومنىڭ ۇيىمداستىرۋ ءبولىمى، شينجياڭ داشۋەسى، ءۇشتۇرپان اۋداندىق ءوندىرىس حاۋىپسىزدىگىن باقىلاپ باسقارۋ مەكەمەسى، قاتىناس مەكەمەسى سياقتى 4 ورىننان بىرلەسىپ قۇرىلعان، جارباسى قىستاعىنداعى اۋىلداستاردى كەدەيلىكتەن قۇتىلدىرۋ ءۇشىن، كوپشىلىك كوپ كۇش شىعارىپ، ءادىس-امال قاراستىردى. جىل سوڭى تاياپ قالدى، قىستاق تۇرعىندارىن قۋانتاتىن تاعى ءبىر ءىس ــ قىستاقتىڭ قوي-سيىرلارىن اماناتتاپ باعۋ ورنى دا قۇرىلىپ بولدى. جارباسى قىستاعىنىڭ ءبىرىنشى شۋجيى جاڭ شين بىلاي دەدى: مىنا باعىمشىلىق شاعىن رايونىنىڭ قۇرىلىس جۇمىسى ەندى عانا ءبىتىپ، تەكسەرىپ وتكىزىپ الىندى، كەلەسى قادامدا 54 وتباسىن سۇيەمەلدەيتىن سيىرلار وسى باعىمشىلىق شاعىن رايونىندا شوعىرلى باعىلادى. باستاماشىلىق ەتۋشىلەر ارقىلى كەدەي وتباسىلارىن وسى كوپەراتيۆتە كاسىپتەنۋگە جەتەكشىلىك ىستەيمىز؛ كەدەيلەردى سۇيەمەلدەيتىن سيرلاردىڭ پايدا ۇلەسىن ەڭ از بولعاندا جارنا قوسقان  وتباسى سايىنءار جىلى 2 مىڭ 500 دە 3 مىڭ يۋانعا جەتىكىزەمىز.     

    جىل باسىنان بەرى، جارباسى قىستاعىنداعى «حالىق جاعدايىن ۇعىسۋ، حالىققا ءتيىمدىلىك جەتكىزۋ، حالىق تىلەگىن توعىسترۋ» قيمىلى بويىنشا قىستاقتا تۇراتىن قىزمەت اترەتى جەمىس اعاشىنىڭ ساپاسىن جاقسارتىپ ءونىمىن جوعارىلاتۋ، كوكونىستى تاپسىرىس بويىنشا ءوندىرۋ، باعىمشىلىق كاسىبىن دامىتۋ سياقتى ادىستەر ارقىلى  ديحانداردىڭ ءبىرىنشى كاسىپتە كىرىسىن ارتتىرۋىن ۇزدىكسىز جەبەدى.   سونىمەن بىرگە تاعى ەڭبەككۇشتەردى سىرتقا شىعارۋ تەبىنىن كۇشەيتىپ، اۋات اۋدانى، شايار اۋدانى، كۇشار اۋدانى، ءۇرىمجى قالاسى سياقتى جەرلەردەگى كاسپورىندارعا 88 ەڭبەككۇش شىعاردى. جارباسى قىستاعىنىڭ ءبىرىنشى شۋجيى جاڭ شين بىلاي دەدى: ەڭ ماڭىزدىسى قىستاقتا ءوز كاسىپ سالاسىن قالىپتاستىرۋ. بۇدان تىس ءبىز دايىنداعان ەرەكشە اۋىل شارۋاشىلىق ءدارى شوپتەرىن ەگۋدى جەبەپ، بيىل 55 توننا اق تاسپا ەكتىك، كەلەر جىلى ەگىلەتىن كولەمىن تاعى 300 مۋعا كەڭەيتپەكشىمىز.


بەرىپ كەت ورامالىڭدى

دوستار

الىستاعى اق ەركە