جاڭا حابارلار

 كاسىپكە سۇيەنىپ، ديقانداردىڭ كەدەيلىكتەن قۇتىلۋ سەنىمىن ارتتىردى

    كەلۋ قاينارى: شينجياڭ حالىق راديو ىستانسياسى    2018-11-23 10:33:42  

  بىرنەشە كۇننەن بەرى، اقتاۋ اۋدانى ءٴپىلال اۋىلى ءپىلال قىستاعىنىڭ ديقانى اسقار ۇبۇل قىستاقتاعى جاڭادان سالىنىپ جاتقان بازاردى كۇندە بارىپ كورىپ تۇردى، ول وسى ارادان راڭپيزى دۇكەنىن اشپاقشى. جاڭا دا رەتتى كوشە بويى دۇكەندەرى مەن ءبىر تۇتاس جوبالانعان ساۋدا ورىندارىن كورىپ، اسقار ۇبۇل بولاشاقتان زور ءۇمىت كۇتتى. ول: «وسى بازاردىڭ اشىلعانىنا  ەرەكشە قۋاندىم. جىل سوڭىنان بۇرىن مەنىڭ جاڭا راڭپيزى دۇكەنىم دە اشىلادى، بازار وزگەرتىپ سالىنعاننان كەيىن، ساۋدامىز ءسوز‍جوق بۇرىنعىدان دا جاندانا تۇسەتىن بولادى»،-دەدى.   ءپىلال قىستاعى اۋىلدىق ۇكىمەتتەن نە بارى 500 كيلومەتر شالعايدا، ورىنى وتە جاقسى. بيىل جىل باسىندا، اۆتونوميالى رايوندىق ءتارتىپ تەكسەرۋ، باقىلاۋ-تەكسەرۋ كوميتەتىنەن اقتاۋ اۋدانى ءپىلال اۋىلى ءپىلال قىستاعىنا تۇسكەن وسى قىستاقتىڭ ءبىرىنشى شۋجيى جوۋ فىڭ مەن قىزمەت اترەتىنىڭ مۇشەلەرى وتباسىلارىن ارالاپ، تەكسەرىپ-زەرتتەۋ جۇرگىزگەننەن، سونداي-اق «قىستاق تۇرعىندار كوميتەتىنىڭ جانە قىستاق پارتيا ياچەيكاسىنىڭ» باسشىلىق القاسىندارىمەن اقىلداسقاننان كەيىن، قىستاقتاعى بازاردى كەڭەيتىپ سالۋدى ۇيعاردى. بۇرىنعى نەگىزىندە، بازاردىڭ كولەمىن 16 مىڭ شارشى مەترگە كەڭەيتىپ، ساۋدا ورنىن 400 گە مولايتىپ، كوشە بويىنداعى دۇكەندى 40 قا جەتكىزۋدەن سىرت، تاعى 16 كەدەي وتباسىنا يگىلىك سيپاتتى قىزمەت ورنىن دايىنداپ بەردى. بيىل، بازاردى كەڭەيتىپ سالۋ، شاعىن زاۆود قۇرۋ، جەمىس اعاشى باقشاسىن سالۋ، ساڭىراۋقۇلاق جىلىجايىن جاڭادان سالۋ سياقتى نىسانداردى ىلگەرىلەتۋ ارقىلى  ءپىلال قىستاعىنىڭ كوللەكتيۆ شارۋاشىلىعىنىڭ كىرىسىن 400 مىڭ يۋاننىڭ ۇستىندە ارتتىردى؛ تاپسىرىس بويىنشا كوكونىس ەگۋ، سۋلياۋ توبەلى قورا، جىلىجاي سالۋ، جەمىس اعاشى قالامشاسىن تەگىن تاراتۋ سياقتى شارالاردى اتقارۋ ارقىلى  قىستاق ديحاندارىنىڭ كىرىس قاينارىن مولايتتى. جوۋ فىڭ بىلاي دەدى: «قازىر قىستاق ديحاندارىنىڭ بارلىعى جۇمىس ىستەپ، تۇرمىسىن جاقسارتىپ، كۇندەرىن باي-باقىتتى وتكىزگىسى كەلەدى. 2019-جىلى قىستاعىمىز كەدەي قىستاقتار قاتارىنان شىعارىلادى، وسى جوسپارعا ساي، سەنىمىمىز  كۇشەيە ءتۇستى، كاسىپتى دامىتۋدى ءتۇيىن ەتىپ، ەڭبەككۇشتەردى باسقا سالادا كاسىپتەندىرىپ، شاعىن ساۋدا دۇكەنى، بازار جانە زاۆود قۇرۋ جاعىنا كۇش سالدىق، قازىرگە دەيىن كەدەيلەردى سۇيەمەلدەۋ نىسانىنان 14 ىن ساناققا الىپ، بىرتىندەپ ۇشتاستىرىپ، تياناقتاندىرۋعا كۇش سالۋدامىز.»


بەرىپ كەت ورامالىڭدى

دوستار

الىستاعى اق ەركە