جاڭا حابارلار

رايونىمىز مالىمدەۋى شىندىققا جاناسپايتىن 6 تيپتىك دەلونى اداقتاپ حابارلاندىردى

    كەلۋ قاينارى: شينجياڭ حالىق راديو ىستانسياسى    2018-11-24 19:36:57  
 ءوز حابارىمىز. قالىڭ پارتيا مۇشەلەرى مەن كادرلاردى جاڭا جاۋاپكەرشىلىكتى ارقالاۋعا، جاڭا ىسكەرلىك كورسەتۋگە ىنتالاندىرۋ، قاتە ارىزدانىلعان، جالا جابىلعان پارتيا مۇشەلەرىنىڭ، كادرلاردىڭ ۋايىمنان ارىلۋىنا، يدەيالىق جۇكتەن قۇتىلۋىنا دەر كەزىندە كومەكتەسۋ، پارتيا مۇشەلەرى مەن كادرلاردىڭ ءىس تىندىرىپ، ناتيجە شىعارۋداعى، رۋحىن سەرپىلتىپ، ءىس تىندىرۋداعى وڭ ەنەرگياسىن ۇيىستىرۋ ءۇشىن، تاياۋدا شينجياڭ ۇيعۇر اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى مالىمدەۋى شىندىققا جاناسپايتىن 6 تيپتىك دەلونى اداقتاپ حابارلاندىردى، بۇل 6 دەلو مىنالار:
  ءبىرىنشى، قورعاس اۋداندىق ادام كۇشى بايلىعى جانە قوعامدىق قامتاماسىزداندىرۋ مەكەمەسى پارتيا باسشىلىق گرۋپپاسىنىڭ شۋجيى، اۋداندىق ادام كۇشى بايلىعى جانە قوعامدىق قامتاماسىزداندىرۋ مەكەمەسىنىڭ چيڭشۇيحى قىستاعىندا تۇراتىن «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ باستىعى، ءبىرىنشى شۋجيى پىڭ شىجۇننىڭ قىزمەت ستيلىنىڭ تۇرپايى بولۋ، قىستاقتا تۇراتىن قىزمەت اترەتىنىڭ ءىشىنارا مۇشەلەرىنە ايرىقشا قامقورلىق جاساۋ ماسەلەسى تۋرالى مالىمدەۋدىڭ شىندىققا ۇيلەسپەۋىن اداقتاۋ جونىندە. 2018 - جىلى 3 - ايدا پىڭ شىجۇن قىزمەت ستيلى تۇرپايى بولۋ، قىستاقتا تۇراتىن قىزمەت اترەتىنىڭ ءىشىنارا مۇشەلەرىنە ايرىقشا قامقورلىق جاساۋ سياقتى ماسەلەلەرمەن مالىمدەلەدى. تەكسەرۋ ارقىلى اڭىس ەتىلگەن ماسەلەلەردىڭ تۇگەلدەي شىندىققا جاناسپايتىندىعى انىقتالادى. مالىمدەۋشى پىڭ شىجۇننىڭ قاتىستى قىزمەت ورنالاستىرۋىنا ىشتەي نارازى بولىپ، شىندىققا جاناسپايتىن ماسەلەنى قاساقانا اڭىس ەتكەن، سونىمەن بىرگە، مالىمدەۋشىدە تاعى باسقا دا تارتىپكە، ەرەجەگە قايشىلىق جاساۋ ماسەلەلەرى ورىن تەپكەن، قورعاس اۋداندىق ادام كۇشى بايلىعى جانە قوعامدىق قامتاماسىزداندىرۋ مەكەمەسى وعان اكىمشىلىك جازا بەردى. قورعاس اۋداندىق ءتارتىپ تەكسەرۋ كوميتەتى، اۋداندىق ادام كۇشى بايلىعى جانە قوعامدىق قامتاماسىزداندىرۋ مەكەمەسى چيڭشۇيحى قالاشىعىنىڭ چيڭشۇيحى قىستاعىنداعى جالپى كادرلارعا تەكسەرۋ ناتيجەسىن اڭىس ەتىپ، شىندىققا جاناسپايتىن مالىمدەۋدى اداقتادى.
  ەكىنشى، شاۋەشەك قالالىق ورمان شارۋاشىلىعى مەكەمەسىنىڭ ورىنباسار باستىعى ۋاڭ جيانگونىڭ شاۋەشەك قالالىق ورمان شارۋاشىلىعى مەكەمەسىنىڭ تەحنيكا دارىندىلارىن باستاپ، شىنياڭعا بارىپ قىزمەت تەكسەرۋدە، ۇيرەنۋدە بولعاندا، ءتارتىپ بەلگىلەمەسىنە قايشىلىق جاساۋ ماسەلەسى ورىن تەبۋ تۋرالى مالىمدەۋدىڭ شىندىققا جاناسپاۋىن اداقتاۋ جونىندە. 2018 - جىلى 6 - ايدا ۋاڭ جيانگو شاۋەشەك قالالىق ورمان شارۋاشىلىعى مەكەمەسىنىڭ تەحنيكا دارىندىلارىنان 4 ادامدى باستاپ، شىنياڭدا قىزمەت تەكسەرۋدە، ۇيرەنۋدە بولعاندا ءتارتىپ بەلگىلەمەسىنە قايشىلىق جاساۋ ماسەلەسىنىڭ ورىن تەپكەندىگىمەن مالىمدەلەدى. تەكسەرۋ ارقىلى 2018 - جىلى 6 - ايدا شىنياڭ قالالىق ورمان شارۋاشىلىعى مەكەمەسىنىڭ شينجياڭعا باعىتتامالى كومەكتەسۋ بويىنشا شاۋەشەك قالالىق ورمان شارۋاشىلىعى مەكەمەسىنىڭ 4 قىزمەتكەرىن شىنياڭعا بارىپ قىزمەت تەكسەرۋگە، ۇيرەنۋگە ۇسىنىس ەتكەندىگى انىقتالادى. شاۋەشەك قالالىق ورمان شارۋاشىلىعى مەكەمەسىنىڭ باسشىلىق القا ءماجىلىسى ۋاڭ جيانگو قاتارلى 4 ادامدى شىنياڭعا قىزمەت تەكسەرۋگە، ۇيرەنۋگە جىبەرۋگە اقىلداسىپ تۇراقتاندىرعان ءارى قىزمەتكەرلەردىڭ ەسىمدىگىن شىنياڭ قالالىق ورمان شارۋاشىلىعى مەكەمەسىنە جولداعان. شاۋەشەك قالالىق ورمان شارۋاشىلىعى مەكەمەسى شاۋەشەك قالالىق پارتكومنىڭ ۇيىمداستىرۋ بولىمىنە ەستەلىككە الدىرعاننان كەيىن، ۋاڭ جيانگو قاتارلى 4 ادامدى شىنياڭعا بارىپ قىزمەت تەكسەرۋگە، ۇيرەنۋگە ورنالاستىرعان، مالىمدەمەدە اڭىس ەتىلگەن ماسەلەلەر شىندىققا جاناسپايدى. شاۋەشەك قالالىق ءتارتىپ تەكسەرۋ كوميتەتى شاۋەشەك قالالىق ورمان شارۋاشىلىعى مەكەمەسىندە كادرلار جينالىسىن اشىپ، تەكسەرۋ ناتيجەسىن حابارلاندىرىپ، شىندىققا جاناسپايتىن مالىمدەۋدى اداقتادى.
  ءۇشىنشى، مارالباسى اۋداندىق حالىق سوتى مەكەمەسىنىڭ ورىنباسار باستىعى دىڭ شينيۇيدىڭ قىزمەت قولايلىلىعىنان پايدالانىپ، ارىزدانۋشىنىڭ كوتەرمەگە العان جەر قاراجاتىن كەشىكتىرۋ ارىزى دەلوسىندا ارالاسۋ، قول سۇعۋ، كيلىگۋ، سەس كورسەتۋ، باسى - قاسىندا بولۋ، قاساقانا زاقىمداپ جەڭىل جارالانۋدى كەلتىرىپ شىعارۋ دەلوسىنا دەلو تۇرعىزباۋ سياقتى ماسەلەلەر تۋرالى مالىمدەۋدىڭ شىندىققا جاناسپايتىندىعىن اداقتاۋ جونىندە. 2018 - جىلى 1 - ايدا دىڭ شينيۇي قىزمەت قولايلىلىعىنان پايدالانىپ، ارىزدانۋشىنىڭ كوتەرمەگە العان جەر قاراجاتىن كەشىكتىرۋ ارىزى دەلوسىندا ارالاسۋ، قول سۇعۋ، كيلىگۋ، سەس كورسەتۋ، بيلەپ الۋ، قاساقانا زاقىمداپ جەڭىل جارالانۋدى كەلتىرىپ شىعارۋ دەلوسىنا دەلو تۇرعىزباۋ سياقتى ماسەلەلەرمەن مالىمدەلەدى. تەكسەرۋ ارقىلى 2016 - جىلى 8 - ايدا مالىمدەۋشى دىڭ شينيۇيدىڭ كەڭسەسىنە بارىپ، ونىڭ ارىزدانعان دەلوسىن دەلو تۇرعىزۋ كوللوگياسى قاراماعاندىعىن اڭىس ەتەدى، دىڭ شينيۇي دەلو تۇرعىزۋ كوللوگياسىنىڭ قىزمەتكەرلەرىمەن كەڭەسكەننەن كەيىن، 2016 - جىلى 11 - ايدىڭ 4 - كۇنى جاۋاپكەرگە ارىزعا جاۋاپ قايتارۋ، سوت اشۋ ۇقتىرۋىن جەتكىزۋ سياقتى دايىندىق قىزمەتتەردى تامامدايدى. 11 - ايدىڭ 17 - كۇنى مالىمدەۋشى ارىزىنا وزگەرىس ەنگىزىپ، ارىز - شاعىم تالابىن قوسادى، دىڭ شينيۇي 11 - ايدىڭ 19 - كۇنى قول قويىپ بەكىتىپ، دەلو تۇرعىزۋعا قوسىلادى. دىڭ شينيۇي دەلودا بەلگىلەمەگە قايشى قول سۇقپاعان، كيلىكپەگەن، بيلەپ الماعان جانە قاتىستى جاۋاپكەرلەرگە سەس كورسەتپەگەن. قاساقانا زاقىمداپ جەڭىل جارالانۋدى كەلتىرىپ شىعارۋ دەلوسى قىلمىستىق ىستەر دەلوسىنا جاتادى، ساقشىعا مالىمدەپ ءبىر جاقتى ەتۋ، پروكۋراتۋرا ورگانى شاعىم - ايتۋ قاجەت، قاساقانا زاقىمداۋ كەلتىرىپ شىعارعان جەڭىل جارالانۋ دەلوسىندا دەلو تۇرعىزباۋ ماسەلەسى ورىن تەپپەگەن. مارالباسى اۋداندىق ءتارتىپ تەكسەرۋ كوميتەتى اۋداندىق حالىق سوتى مەكەمەسىنە ۇقتىرىپ شىندىققا جاناسپايتىن مالىمدەۋدى اداقتاۋدى ۇقتىردى.
  ءتورتىنشى، ءپايزاۋات اۋداندىق دەنساۋلىق ساقتاۋ مەكەمەسى ەمدەۋ ىستەرى كەڭسەسىنىڭ كادرى ابدۇعاني يمىننىڭ قىزمەت قولايلىلىعىنان پايدالانىپ، جەۋ، الۋ، القىمداۋ، سۇراۋ، ءىس بىتىرگەلى كەلگەن ەمدەۋ ورگاندارىنان تيىمدىلىك اقىسىن الۋ؛ ءىس بىتىرگەلى كەلگەن قىزمەتكەرلەرگە پوزيتسياسى ناشار بولۋ؛ تۋىس - تۋعاندارىن الدىمەن ەسكەرىپ، دوس - جاراندارىنا قارايلاسۋ؛ باسشىلار الدىندا ءبىر ءتۇرلى كورىنۋ، بۇقارا الدىندا ءبىر ءتۇرلى كورىنۋ سياقتى ماسەلەلەر تۋرالى مالىمدەۋدىڭ شىندىققا جاناسپايتىندىعىن اداقتاۋ جونىندە. 2018 - جىلى 5 - ايدا ابدۇعاني يمىن قىزمەت قولايلىلىعىنان پايدالانىپ، جەۋ، الۋ، القىمداۋ، سۇراۋ، ءىس بىتىرۋگە كەلگەن ەمدەۋ قۇرىلىمدارىنان تيىمدىلىك اقىسىن الۋ؛ ءىس بىتىرۋگە كەلگەن قىزمەتكەرلەرگە پوزيتسياسى ناشار بولۋ؛ تۋىس - تۋعاندارىن الدىمەن ەسكەرىپ، دوس - جاراندارىنا قامقورلىق جاساۋ؛ باسشىلاردىڭ الدىندا ءبىر ءتۇرلى، بۇقارانىڭ الدىندا ءبىر ءتۇرلى كورىنۋ سياقتى ماسەلەلەرمەن مالىمدەلەدى. تەكسەرۋ ارقىلى اڭىس ەتىلگەن ماسەلەلەردىڭ تۇگەلدەي شىندىققا جاناسپايتىندىعى انىقتالدى، ابدۇعاني يمىن قىزمەتكە مۇقيات، جاۋاپتى ءارى وندا جەۋ، الۋ، القىمداۋ، سۇراۋ، پوزيتسياسى ناشار بولۋ سياقتى ماسەلەلەر ورىن تەپپەگەن. ءپايزاۋات اۋداندىق ءتارتىپ تەكسەرۋ كوميتەتى اۋداندىق دەنساۋلىق ساقتاۋ مەكەمەسىندە كادرلار جينالىسىن ۇيىمداستىرىپ اشىپ، شىندىققا جاناسپايتىن مالىمدەۋدى اداقتادى.
  بەسىنشى، قاشقار جاڭا ءشار اۋدانى جىنتاي باستاۋىش مەكتەبىنىڭ وقىتۋشىسى ساياراگۇل اركىننىڭ زاڭسىز ءسوز تاراتۋى سياقتى ماسەلەلەر تۋرالى مالىمدەۋدىڭ شىندىققا ۇيلەسپەۋىن اداقتاۋ جونىندە. 2018 - جىلى 3 - ايدا، 5 - ايدا ساياراگۇل زاڭسىز ءسوز تاراتتى دەگەن سياقتى ماسەلەلەرمەن مالىمدەلەدى. تەكسەرۋ ارقىلى اڭىس ەتىلگەن ماسەلەنىڭ شىندىققا جاناسپايتىندىعى انىقتالادى. مالىمدەۋشى قىزمەتتەگى ىستەر سەبەبىنەن ساياراگۇل اركىنگە نارازى بولىپ، ويدان قۇراستىرىپ، شىندىققا جاناسپايتىن ماسەلەلەردى اڭىس ەتەدى. ۇيىم وسى ماسەلەنى تەكسەرگەن كەزدە، مالىمدەۋشى تەلەفوندا سويلەسۋ، بەتپە - بەت اڭگىمەلەسۋ سياقتى تاسىلدەرمەن جىنتاي باستاۋىش مەكتەبىندەگى بەلگىلى ءبىر وقىتۋشىنى جالعان فاكتپەن قامداۋعا جەلىكتىرىپ، باسقالاردى ساياراگۇل اركىنگە جالا جابۋعا قايراپ سالۋعا ۇرىنادى. قاشقار جاڭا ءشار اۋداندىق ءتارتىپ تەكسەرۋ كوميتەتى ەرەجە، ءتارتىپ بويىنشا مالىمدەۋشىگە ءتارتىپ جازاسىن بەردى ءارى جىنتاي باستاۋىش مەكتەبىندە پارتيا مۇشەلەرى جينالىسىن اشىپ، شىندىققا جاناسپايتىن مالىمدەۋدى اداقتادى.
  التىنشى، حوتان قالالىق وقۋ - اعارتۋ مەكەمەسى ءتارتىپ تەكسەرۋ كەڭسەسىنىڭ مەڭگەرۋشىسى جوۋ پان جونىندە شەن بەرۋ، شەن بەرۋگە كەلىسۋ، ادام ىزدەپ ءمانسابىن ءوسىرۋ، قىزمەت ستيلىنىڭ بىلىقپالىعى سياقتى ماسەلەلەر تۋرالى مالىمدەۋدىڭ شىندىققا جاناسپاۋىن اداقتاۋ جونىندە. 2018 - جىلى 6 - ، 8 - ، 9 - ايلاردا جوۋ پان شەن بەرۋ، شەن بەرۋگە كەلىسۋ، ادام ىزدەپ ءمانسابىن ءوسىرۋ، تۇرمىس ستيلىنىڭ بىلىعۋى سياقتى ماسەلەلەرمەن مالىمدەلەدى. تەكسەرۋ ارقىلى 2016 - جىلى 9 - ايدا جوۋ پاننىڭ قىزمەتتەگى بەينەسى كورنەكتى بولعاندىقتان، حوتان قالالىق وقۋ - اعارتۋ مەكەمەسى كەڭسەسىنە قىزمەتكە كورسەتىلگەنى، 2017 - جىلى 12 - ايدا جوۋ پاننىڭ ءتارتىپ تەكسەرۋ كەڭسەسىنە اۋىستىرىلعاندىعى، وقۋ - اعارتۋ مەكەمەسىنىڭ ءتارتىپ تەكسەرۋ كەڭسەسىندەگى كادرلارمەن تاتۋ - ءتاتتى وتكەنى، ورىنسىز مۇددەلىك قارىم - قاتىناستا بولماعانى، اڭىس ەتىلگەن ماسەلەنىڭ شىندىققا جاناسپايتىندىعى انىقتالادى. حوتان قالالىق ءتارتىپ تەكسەرۋ كوميتەتى ونىڭ وزىنە، سونداي - اق ونىڭ مەكەمەسىنىڭ پارتكومىنىڭ نەگىزگى جاۋاپتىسىنا اڭىس ەتەدى، حوتان قالالىق وقۋ - اعارتۋ مەكەمەسى كادرلار جينالىسىن اشىپ، شىندىققا جاناسپايتىن مالىمدەۋدى اداقتادى.
  جوعارىدا حابارلاندىرىلعان 6 دەلونىڭ كەيبىرەۋىندە جاعدايدى بىلمەي تۇرىپ قاتە ارىزدانعان، كەيبىرەۋىندە بۇيرەكتەن سيراق شىعارىلىپ، فاكت بۇرمالانعان. قاتە ارىزدانۋ، جالا جابۋ ارەكەتى پارتيا مۇشەلەرى مەن كادرلاردىڭ بەلسەندىلىگىن مۇقالتىپ، ساياسي ەكولوگيا مەن قوعامدىق سالتقا كەرى ىقپال تۋدىردى. جاماندىقتى تيۋ ءۇشىن الدىمەن ىزگىلىكتى جاقتاۋ كەرەك، جاماندى داتتاپ، جاقسىنى ماقتاۋ كەرەك. بۇكىل رايونىمىزداعى ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى ج ك پ ورتالىق كوميتەتى كەڭسەسى باسىپ تاراتقان «قالىڭ كادرلاردى جاڭا داۋىردە جاڭا جاۋاپكەرشىلىك ارقالاپ، تىڭ ىسكەرلىك كورسەتۋگە ونان ارى ىنتالاندىرۋ جونىندەگى پىكىردىڭ»، سونداي - اق اۆتونوميالى رايوندىق پارتكومنىڭ اتقارۋ پىكىرىنىڭ رۋحىن مۇقيات دايەكتىلەندىرىپ، اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى تاياۋدا باسىپ تاراتقان «قاتە ارىزدالعان، جالا جابىلعان پارتيا مۇشەلەرىنىڭ، كادرلاردىڭ اتاق - ابىرويىن قالپىنا كەلتىرۋ جونىندەگى اتقارۋ ءادىسىنىڭ (سىناق رەتىندە اتقارىلادى)» تالابىنا ساي، قاتاڭ باسقارۋ مەن قامقورلىق جاساۋدى ۇشتاستىرۋعا، شابىتتاندىرۋ مەن تەجەۋگە بىردەي ءمان بەرۋگە تاباندى بولىپ، ايقىن تۋ ۇستاي وتىرىپ، جاۋاپكەرشىلىك ارقالاعاندار ءۇشىن جاۋاپكەرشىلىك ارقالاپ، ىسكەرلىك كورسەتكەندەرگە دەم بەرىپ، قاتە ارىزدانىلعان، جالا جابىلعان پارتيا مۇشەلەرىنىڭ، كادرلاردىڭ اتاق - ابىرويىن دەر كەزىندە قالپىنا كەلتىرىپ، ۇيىمنىڭ مەيىرىن ايگىلەپ، پارتيا مۇشەلەرى مەن كادرلاردىڭ ءىس تىندىرىپ، ناتيجە شىعارۋ بەلسەندىلىگىن، ىرىقتىلىعىن، جاسامپازدىعىن قورعاۋ كەرەك. جالا جاۋىپ قاستىق سايلاعاندارعا باتىل تۇردە شارا قولدانىپ، سەس كورسەتىپ، قاساقانا جالا جاپقانداردىڭ جاۋاپكەرشىلىگىن ەرەجە، ءتارتىپ، زاڭ بويىنشا قاتاڭ قۋزاستىرىپ، جالا جاپقانداردىڭ «بىرەۋگە سىلتەگەن شوقپارىن ءوز باسىنا تيگىزۋ» كەرەك. قالىڭ پارتيا مۇشەلەرى مەن كادرلار ۇيىمعا سەنۋى، ۇيىمعا سۇيەنۋى كەرەك، تەك ەرەجە، ءتارتىپ، زاڭ بويىنشا مىندەت وتەگەندە، جازعىرۋعا ۇشىراۋدان، تۇسىنبەستىككە تاپ بولۋدان، جالا جابىلۋدان الاڭداماي، باتىل تۇردە ەمىن - ەركىن ىستەپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندىتىنىشتىق باس نىساناسىن تياناقتاندىرۋدا قايراتتانا ىستەۋگە قۇلشىنۋعا بولادى.

بەرىپ كەت ورامالىڭدى

دوستار

الىستاعى اق ەركە