جاڭا حابارلار

اقسۋ ايماعى ماقتا كاسىبىنىڭ ابزالدىلىعىن تولىق ساۋلەلەندىرىپ، توقىما، كيىم-كەشەك كاسىبىنىڭ تۇتاس ءوندىرىس تىزبەگىن تۇتاستىردى

    كەلۋ قاينارى: شينجياڭ حالىق راديو ىستانسياسى    2018-11-25 11:29:25  
اقسۋ راديو ستانسياسىنىڭ ءتىلشىسى لي پۋ، شياۋ چۇن، اقسۋ قالالىق راديو ستانسياسىنىڭ ءتىلشىسى جاڭ حۇڭحايدىڭ حابارى: اقسۋ ايماعى ماقتا كاسىبىنىڭ ابزالدىلىعىن تولىق ساۋلەلەندىرىپ، ءجىپ، كەزدەمە، گۇل باسۋ-بوياۋ، كيىم-كەشەك، وتباسىلىق توقىما بۇيىمدارى سياقتى توقىما، كيىم-كەشەكتىڭ تۇتاس كاسىپ تىزبەگىن تۇتاستىرىپ، توقىما كيىم-كەشەك كاسىبىنىڭ كاسىپتىك دەڭگەيىن جوعارىلاتىپ، جەرگىلىكتى ورىنداعى ديحانداردى ءوز جەرىندە كاسىپتەنۋگە باستاپ، كەدەيلىكتەن قۇتىلدىرۋدان قامال الۋدى جەبەدى.
جۋىردا، حۋافۋ توبى 27 ميلليارد 700 ميلليون يۋان قارجى قوسقان اقسۋ لۇيشاڭ توقىما قالاشىعى جانە جۇڭگو توقىما شاعىن تاۋارلار ورتالىعى قۇرىلىپ جانە ىسكە قوسىلىپ، اقسۋ حۋافۋ ءبىر ميلليون ۇرشىقتى ءتۇستى توقىما ونەركاسىپ باقشاسى جانە 100 مىڭ توننالىق بوياۋ ونەركاسىپ باقشاسى اشىلىپ، كاسىپورىنداردى ىرگە تەبۋگە باۋراي باستادى. بۇل اقسۋدىڭ ماقتا ءوندىرۋ، بوياۋ، ءتۇستى توقىمادان توقىما شاعىن تاۋارلارى ورتالىعىنا دەيىنگى توقىما كاسىبى دامۋىنىڭ تۇتاس كاسىپ تىزبەگىنىڭ بىرتىندەپ قالىپتاسقاندىعىن اڭعارتادى.
ەلىمىزدەگى تانىمالى توقىما، كيىم-كەشەك كاسىپورىن توبى رەتىندە حۋافۋ توبى قارجى قوسىپ، قۇرۋدان سىرت، تاعى كاسىپورىننىڭ وزىندىك ىقپالىنا سۇيەنىپ، ساۋداگەر ارقىلى ساۋداگەر شاقىرىپ، ىشكى ولكەدەگى ءىرى كاسىپورىنداردى باقشا رايونىنا ىرگە تەبۋگە بەلسەنە باۋرادى، قازىر 6 كاسىپورنمەن سەلبەستىك تىلەكناماسىنا قول قويدى. ەندى عانا ىرگە تەپكەن جىجياڭ دۇڭفاڭ بايفۋ بايپاق توقۋ شەكتى سەرىكتەستىگىنىڭ باس جوراسى جاڭ ۋيجۇن: «مەنىڭشە، وسى اراعا ىشكى ولكەنىڭ دامىعان قالالارىنداعى كەيبىر جاساۋ كاسىپورىندارىنىڭ ءوندىرىس قۋاتىن باۋراپ جانە شوعىرلاندىرىپ، وسى كاسىپورىنداردىڭ اناعۇرلىم كۇشتى باسەكەلىك ابزالدىلىققا يە بولۋىنا، بۇدان تىس، «ءبىر بەلدەۋ، ءبىر جول» بازارىن ونان ارى ويداعىداي اشىپ، حالىقارالىق قامداۋ تىزبەگىنە كىرۋگە بولادى»،-دەدى.
اقسۋ قالاسى توقىما ونەركاسىپ اشۋ رايونىنا ىرگە تەۋىپ، وندىرىسكە قوسىلعانىنا ەكى جىل بولعان شينجياڭ جينلييۋان (锦丽源) كيىم-كەشەك شەكتى سەرىكتەستىگى جاڭ ۋيجۇننىڭ ويىن دالەلدەدى. اقسۋ بايلىققا جانە وڭىرلىك ابزالدىلىققا يە بولعاندىقتان، جينلييۋان سەرىكتەستىگىنىڭ تاپسىرىسى ۇزىلمەدى. قازىر مۇندا 2 مىڭ 500 دەن استام قىزمەتكەر بار، كەلەر جىلى، جاڭا نىسان قۇرىلعاننان كەيىن، قىزمەتكەر سانى 5 مىڭ ادامعا جەتپەكشى. سەرىكتەستىكتىڭ وندىرىسكە جاۋاپتى مەڭگەرۋشسى جاڭ يۇيجياڭ، وزدەرىنىڭ ەندى عانا رەسەيگە 300 مىڭ مامىق كيىم-كەشەك جىبەرگەنىن ايتا كەلىپ:« بۇل جولدى دۇرىس تاڭدادىق، ويتكەنى، شينجياڭدا قازىر كيىم-كەشەك كاسىپورنى سالستىرمالى از، ءبىز الدىمەن وسى جولعا تۇستىك. وسى باقشا رايونىنا ءتىپتى كوپ كيىم-كەشەك كاسىپورندارىنىڭ كەلەتىنىنە كامىل سەنەمىن»،-دەدى.
اقسۋ قالاسى توقىما ونەركاسىپ اشۋ رايونىن ارالايتىن بولساڭىز، كەڭ دە تەگىس تاسجولدى، رەتتى دە ولشەمدى زاۆود ۇيلەرىن كورىپ، قۇرىلىس كولەمىنىڭ وتە كەڭ اۋماقتى الىپ جاتقانىن، نەگىزدىك قۇرىلعىلارىنىڭ دا وتە كەمەلدى ەكەنىن، ءوندىرىس قۋاتى كۇن سايىن جاندانعان باقشا رايونىنىڭ ءشول دالادا جاڭادان بوي كوتەرگەنىن بايقايسىز. قازىرگە دەيىن، ونەركاسىپ اشۋ رايونىنا جيىنى 470 كاسىپورىن تىزىمگە تىركەلدى، مۇنىڭ 100 ءى توقىما، كيىم-كەشەك كاسىپورىنى، وندا 3 ميلليون ماقتا توقىما ۇرشىعى، 2 مىڭ 722 توقۋ ماشيناسى، 32 ميلليون 700 مىڭ پار كيىم-كەشەك، ءبىر مىڭ 500 بايپاق توقۋ ماشيناسى، 20 مىڭ توننا تالشىقتى بوياۋ كولەمى قالىپتاستى، مۇنداعى توقىما، كيىم-كەشەك ونەركاسىپ جۇمىسشىنىڭ سانى دا 25 مىڭ ادامنان اسادى.
شينجياڭ كى-نيڭ ىلمە توقىما عىلىم-تەحنيكا شەكتى سەرىكتەستىگى قازىر نەگىزىنەن ورتا ازياداعى بەس ەلگە بايپاق ءوندىرىپ، ەكسپورت ەتەدى، قازىر سەرىكتەستىكتە ءبىر مىڭ 300 دەن ارتىق جۇمىسشى بار. سايرا احىمەت بيىل باي اۋدانىنان جاڭادان قابىلدانعان جۇمىسشى، قىزمەت ورنىنا شىعۋ تاربيەسىنە قاتىناسۋ جانە ءوزىنىڭ قۇلشىنىسى ارقىلى ول اۋىل-قىستاق بويجەتكەنىنەن ىسىلعان جۇمىسشىعا اينالدى. ول: «ايىنا ورتا ەسەپپەن 3 مىڭ يۋانداي ەڭبەكاقى الامىن، ءبىر مىڭ 500 دە 2 مىڭ يۋانىن ۇيگە جىبەرەمىن، وسىنداعى قىزمەتىمە ءدان ريزامىن»،-دەدى.
توقىما ونەركاسىپ اشۋ رايونىن قۇرۋ ىشكەرىلەي جۇرگىزىلۋدەن سىرت، تاعى جەرگىلىكتى ورىنداعى جاستارعا دەڭگەيىن جوعارلاتۋ، دامۋ ورايى جاراتىلدى. اقسۋ كاسىپتىك تەحنيكا شۋەيۋانىنىڭ سوڭعى جىلداردان بەرى تاربيەلەگەن وقۋشىلارى قاجەتتى قامداي الماي قالدى، شۋەيۋان جەرگىلىكتى ورىنداعى كيىم-كەشەك، توقىما كاسىپورىندارىنا 2 مىڭ 500 دەن ارتىق وقۋشى تاربيەلەپ بەردى، مەكتەپتىڭ توقىما ينجەنەريا فاكۋلتەتىنىڭ ورىنباسار مەڭگەرۋشىسى لي گوفىڭ بىلاي دەدى: «قازىر، ءبىر جىل جوعارى دارەجەلى قىزمەت ورنىندا پراكتيكا ىستەۋدىڭ نەمەسە كاسىپتەنۋ پراكتيكاسىنا قاتىناسۋدىڭ ناتيجەسىندە، مەكتەبىمىزدەگى 20 دا %30 وقۋشى نەگىزگى ساتىداعى باسقارۋ قىزمەت ورنىنا قىزمەتكە شىقتى، ولاردىڭ جاساعان قۇلشىنىستارىنا كاسىپورىن دا ريزا بولىپ وتىر».
جوباعا ساي، اقسۋ ايماعى «13-بەسجىلدىق» پلاننىڭ سوڭىندا، 8 ميلليون ءجىپ ءيىرۋ ۇرشىعىن قالىپتاستىرىپ، 300 ميلليون مەتردەن ارتىق كەزدەمە توقىپ، 165 ميلليون پار كيىم-كەشەك تىگىپ، ونەركاسىپ جالپى ءونىم قۇنىن 40 ميلليارد يۋانعا جەتكىزىپ، تۇتاس كاسىپ تىزبەگى ارقىلى 150 مىڭ ادامدى كاسىپتەندىرۋ نىساناسىن ورىنداۋدى كوزدەپ وتىر.  

بەرىپ كەت ورامالىڭدى

دوستار

الىستاعى اق ەركە