جاڭا حابارلار

اۆتونوميالى رايون ىشكى ولكەدەگى شينجياڭدىق وقۋشىلاردىڭ اڭگىمە ءماجىلىسىن اشتى

    كەلۋ قاينارى: شينجياڭ حالىق راديو ىستانسياسى    2018-11-25 11:32:27  
ستانسيامىزدىڭ حابارى: 11-ايدىڭ 23-كۇنى تۇستەن كەيىن، اۆتونوميالى رايون ىشكى ولكەدەگى شينجياڭدىق وقۋشىلاردىڭ اڭگىمە ءماجىلىسىن اشتى. اۆتونوميالى رايوندىق پارتكومنىڭ ورىنباسار شۋجيى، وقۋ-اعارتۋ قىزمەتى كوميتەتىنىڭ شۋجيى لي پىڭشين ماجىلىسكە قاتىناستى ءارى ءسوز سويلەدى.
11-ايدىڭ 22-كۇنى، ىشكى ولكەدەگى ءبىر قىدىرۋ مەكتەپتەردەن كەلگەن شينجياڭدىق وقۋشىلاردىڭ ۋاكىلى، ىشكى ولكەدەگى شينجياڭ ورتا مەكتەپ كلاسى جانە ىشكى ولكەدەگى كاسىپتىك ورتا مەكتەپ كلاسى وقۋشىلارىنىڭ ۋاكىلدەرى جانە ولاردى باستاپ كەلگەن وقىتۋشىلار، قاشقار جانە حوتان ايماقتارىنا بارىپ، كاسىپتىك ونەرگە تاربيەلەۋ-باۋلۋ ورتالىعىن ەكسكورسيالادى. اڭگىمە ماجىلىسىندە، شاڭحاي قالالىق يۇي-ساي ورتا مەكتەبى، بەيجيڭ قۇرىلىس داشۋەسى، جۇڭگو حالىق داشۋەسى سياقتى 8 مەكتەپتەن كەلگەن 8 وقىتۋشى-وقۋشى ۋاكىلى اڭگىمە ماجىلىسىندە ءسوز سويلەپ، اۆتونوميالى رايوندىق پارتكومنىڭ نازاردى باس نىساناعا شوعىرلاندىرىپ، «كەشەندى شارالاردى» ويداعىداي تياناقتاندىرۋىن باتىل قورعاپ، تاباندىلىقپەن قولدايتىندارىن، «ءۇش ءتۇرلى كۇشتىڭ» قىلمىستى ارەكەتىنە نالەت جاۋدىرىپ، جاۋعا تەگىس كەكتەنەتىندىكتەرىن ءبىلدىردى.
كوپشىلىكتىڭ ءسوزىن تىڭداعاننان كەيىن، لي پىڭشين بىلاي دەپ باسا دارىپتەدى: ورنىقتىلىق تيىمدىلىگىنىڭ ۇزدىكسىز كورىنۋىنە ساي، شينجياڭ توپىراعىندا زور وزگەرىس بولىپ، جاستاردىڭ قابىلەتىن ايگىلەپ، ارمانىن ورىنداۋىنا تاماشا ورتا جاراتىلدى. جاستار مەن وقۋشىلاردىڭ نازاردى باس نىساناعا شوعىرلاندىرىپ، ساياسي مايدانىن ورنىقتىرىپ، يدەيالىق سەنىمدى بەكەمدەپ، تۋدى ايقىنداپ، «ءۇش ءتۇرلى كۇشپەن»، «ەكى بەتكەيلەرمەن» تاباندىلىقپەن باتىل كۇرەسۋى؛ ۇزبەي ۇيرەنىپ، العا باسىپ، ءمورالدى قاستەرلەپ، ءوزىن كەمەلدەندىرىپ، دۇرىس پەن بۇرىستى پارىقتاپ، شىندىققا جۇگىنىپ، ناقتىلى ىستەر ىستەپ، وتاندى، شينجياڭدى ءسۇيىپ، جۇرەكتىلىكپەن ۇستىنە الىپ، ۇلەس قوسۋ رۋحىمەن قۇلشىنا كۇرەس جاساپ، العا ۇمتىلۋعا تاباندى بولۋى؛ شينجياڭنىڭ ۇگىتشىسى بولىپ، نەگىزگى اۋەندى اسقاقتاتا جىرلاپ، وڭ ەنەرگيا جەتكىزۋگە ۇلەس قوسۋى كەرەك.
وقىتۋشىلار ەكسكورسيالاۋ قيمىلىنان العان اسەرلەرىمەن ۇشتاستىرىپ، وقىتۋشى-وقۋشىلاردى باتىل ءۇن قاتىپ، ايقىن پوزيتسيا بىلدىرۋگە ۇيىمداستىرىپ، مىعىم كۇش قالىپتاستىرۋى قاجەت. ۇگىت-لەكسيا قيمىلىن كەڭ كولەمدە ورىستەتىپ، كاسىپتىك ونەرگە تاربيەلەۋ-باۋلۋ قىزمەتىنىڭ قول جەتكىزگەن كەلەلى تابىسىن، ورنىقتىلىق تيىمدىلىگىنىڭ ۇزدىكسىز كورىنۋىنە بايلانىستى شينجياڭدا كىسى قۋانارلىق وزگەرىستەردىڭ بولعانىن بارىنشا ۇگىتتەپ، وقىتۋشى-وقۋشىلاردى پارتياعا العىس ايتىپ، پارتيانىڭ سوزىنە قۇلاق اسىپ، پارتياعا ىلەسۋگە تاربيەلەپ جانە باستاپ، ىنتىماقتى دا جاراسىمدى، باي، گۇلدەنىپ-كوركەيگەن، وركەنيەتتى، العا باسقان، حالىق الاڭسىز تۇرمىس كەشىرەتىن جۇڭگوشا سوتسياليستىك شينجياڭ قۇرۋ جولىندا قۇلشىنا كۇرەس جاساۋ ءتيىس.

بەرىپ كەت ورامالىڭدى

دوستار

الىستاعى اق ەركە