جاڭا حابارلار

«ءۇش ءتۇرلى كۇشكە» باتىل قارسى تۇرۋدىڭ ۇلگىسى، شينجياڭنىڭ ورنىقتىلىعى مەن دامۋىن بار كۇشپەن ۇگىتتەۋدىڭ ۇلگىسى بولايىق

    كەلۋ قاينارى: شينجياڭ حالىق راديو ىستانسياسى    2018-11-26 18:05:10  

اۆتونوميالى رايون ىشكى جەرلەردەگى شينجياڭدىق وقۋشىلاردىڭ اڭگىمە ءماجىلىسىن اشتى

 ءتىلشىمىز لي ياڭ 11 - ايدىڭ 24 - كۇنى ۇرىمجىدەن حابارلايدى. 11 - ايدىڭ 23 - كۇنى تۇستەن كەيىن، اۆتونوميالى رايون ىشكى جەرلەردەگى شينجياڭدىق وقۋشىلاردىڭ اڭگىمە ءماجىلىسىن اشتى. ءماجىلىس شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن جەتەكشى ەتىپ، وقۋ - اعارتۋ قىزمەتى جونىندەگى مەملەكەتتىك ءماجىلىستىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي دايەكتىلەندىرىپ جانە تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، ىشكى جەرلەردەگى قالىڭ شينجياڭدىق وقۋشىلاردى قىراعىلىقتى ارتتىرىپ، دۇرىس پەن بۇرىستى پارىقتاپ، «ءۇش ءتۇرلى كۇشكە» باتىل قارسى تۇرۋدىڭ ۇلگىسى، شينجياڭنىڭ ورنىقتىلىعى مەن دامۋىن بار كۇشپەن ۇگىتتەۋدىڭ ۇلگىسى بولىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ پاراعىن جازۋعا جاستىق جىگەرلەرىن ارناۋعا ۇندەدى. اۆتونوميالى رايوندىق پارتكومنىڭ ورىنباسار شۋجيى، وقۋ - اعارتۋ قىزمەت كوميتەتىنىڭ شۋجيى لي پىڭشين ماجىلىسكە قاتىناستى ءارى ءسوز سويلەدى.
  11 - ايدىڭ 22 - كۇنى ىشكى جەرلەردەگى كوپ مەكتەپتەن كەلگەن شينجياڭدىق ستۋدەنتتەردىڭ ۋاكىلدەرى، ىشكى ولكە ورتا مەكتەپتەرىندەگى شينجياڭ كلاستارىنىڭ وقۋشىلارى مەن ىشكى ولكە كاسىپتىك مەكتەپتەرىندەگى شينجياڭ كلاستارىنىڭ وقۋشىلارىنىڭ ۋاكىلدەرى جانە جەتەكشى مۇعالىمدار توپقا ءبولىنىپ قاشقار، حوتان ايماقتارىنا بارىپ، كاسىپتىك شەبەرلىككە تاربيەلەۋ، باۋلۋ ورتالىقتارىن ەكسكۋرسيالادى. اڭگىمە ماجىلىستە شاڭحاي يۇيساي ورتا مەكتەبى، بەيجيڭ قۇرىلىس داشۋەسى، جۇڭگو حالىق داشۋەسى سياقتى 8 مەكتەپتەن كەلگەن 8 وقىتۋشى - وقۋشى ۋاكىلى لەبىز ءبىلدىرىپ، اۆتونوميالى رايوندىق پارتكومنىڭ نازاردى باس نىساناعا شوعىرلاندىرىپ، «كەشەندى شارانى» ويداعىداي اتقارۋىن باتىل جاقتاپ، بۇلجىماي قولداپ، «ءۇش ءتۇرلى كۇشتىڭ» پاسىق ارەكەتتەرىنە كەكتەنىپ، جۇمىلا نالەت جاۋدىردى.
  ولاردىڭ لەبىزىن تىڭداعاننان كەيىن، لي پىڭشين مىنالاردى اتاپ كورسەتتى: سوڭعى جىلدارى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، اۆتونوميالى رايوندىق پارتكوم پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن جاپپاي دايەكتىلەندىرىپ، لاڭكەستىككە قارسى تۇرۋ، ورنىقتىلىقتى قورعاۋ كۇرەسىندە كەلەلى كەزەڭدىك تابىستارعا جەتتى. قازىر شينجياڭدا جالپى جاعداي ورنىقتى بولعان، جاعداي مەڭگەرىلگەن، جاعداي جاقسارۋعا بەت العان اۋقىم جارىققا شىقتى. اماليات مىنانى تولىق دالەلدەدى: شي جينپيڭ جولداستى ۇيتقى ەتكەن پارتيا ورتالىق كوميتەتى تۇراقتاندىرعان شينجياڭدى جونگە سالۋ جالپى جوباسى دانىشپان، ۇلى، بۇكىلدەي دۇرىس، اۆتونوميالى رايوندىق پارتكومنىڭ پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن دايەكتىلەندىرۋ ءۇشىن اتقارعان جەلىلەس شارالارى ورتالىق كوميتەتتىڭ رۋحىنا ۇيلەسەدى، شينجياڭنىڭ ءىس جۇزىندىك جاعدايىنا سايكەسەدى، باتىل دا پارمەندى، ءونىمدى، ءسوز جوق، ويداعىداي تاباندى بولۋ، ويداعىداي دايەكتىلەندىرۋ، ويداعىداي تياناقتاندىرۋ كەرەك.
  لي پىڭشين مىنالاردى باسا دارىپتەدى: ورنىقتىلىق تابىستارىنىڭ ۇزدىكسىز اشىققا شىعۋىنا بايلانىستى، شينجياڭنىڭ بايتاق دالاسىندا زور وزگەرىستەر جارىققا شىعۋدا، بۇل قالىڭ جاس وقۋشىلارعا دارىنىن ايگىلەپ، ارمان - مۇراتىن ىسكە اسىراتىن كەڭ ءورىس ازىرلەدى. جاس وقۋشىلار نازاردى باس نىساناعا شوعىرلاندىرىپ، ساياسي تۇرعىدان تابان اۋدارماي، مۇرات - سەنىمدى بەكەمدەپ، ايقىن تۋ ۇستاپ، «ءۇش ءتۇرلى كۇشپەن»، «ەكىبەتكەيلەرمەن» تاباندى، باتىل كۇرەس جۇرگىزۋى؛ وقۋعا ىنتالى، تالاپتى بولۋعا، ءمورالدى ۇلىقتاپ، ءوزىن شىنىقتىرۋعا، دۇرىس پەن بۇرىستى پارىقتاۋعا، شىندىققا ۇمتىلىپ، ارەكەتتە ايگىلەۋگە تاباندى بولىپ، وتاندى ءسۇيۋ، شينجياڭدى ءسۇيۋ، جاۋاپكەرشىلىك ارقالاۋ، ۇلەس قوسۋ رۋحىندا بولا وتىرىپ قۇلشىنا كۇرەس جۇرگىزۋى؛ شينجياڭنىڭ جاقسى ۇگىتشىسى بولىپ، نەگىزگى اۋەندى اسقاقتاتۋعا، وڭ ەنەرگيا تاراتۋعا كۇش قوسۋى كەرەك. قالىڭ وقىتۋشىلار ەكسكۋرسيا قيمىلىنان العان تابىستارى مەن اسەرلەرىنە ۇشتاستىرىپ، وقىتۋشى - وقۋشىلاردى باتىل ءۇن قاتىپ، ايقىن پوزيتسيا ءبىلدىرۋدى تەرەڭدەتۋگە ۇيىمداستىرىپ، قۇدىرەتتى ايبىن قالىپتاستىرۋ كەرەك. ۇگىت - لەكسيا قيمىلىن دابىرالى ورىستەتىپ، كاسىپتىك شەبەرلىككە تاربيەلەۋ، باۋلۋ قىزمەتىندە قول جەتكەن كەسەك ناتيجەنى بار كۇشپەن ۇگىتتەپ، ورنىقتىلىق تابىستارىنىڭ شينجياڭعا الا كەلگەن تاماشا وزگەرىستەردى بار كۇشپەن ۇگىتتەپ، قالىڭ وقىتۋشى - وقۋشىلاردى پارتياعا العىس ايتىپ، پارتيانىڭ سوزىنە قۇلاق اسىپ، پارتياعا ىلەسىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، شات - شادىمان ءومىر كەشكەن جۇڭگوشا سوتسياليستىك شينجياڭ قۇرۋ جولىندا قۇلشىنا كۇرەس جۇرگىزۋگە تاربيەلەۋ جانە جەتەكتەۋ كەرەك.


بەرىپ كەت ورامالىڭدى

دوستار

الىستاعى اق ەركە