جاڭا حابارلار

جوعارى، جاڭا تەحنيكالىق كاسىپتەر رايونىمىزدىڭ كاسىپ قۇرىلىمىنىڭ ساپالىلانۋىن دەمەدى

    كەلۋ قاينارى: شينجياڭ گازەتى    2018-11-26 18:16:25  

11 - ايدىڭ 22 - كۇنى حالىقتىق كاسىپورىن − اقسۋ حىڭتۇڭ جەمىس شىرىنى شەكتى سەرىكتەستىگىنىڭ قىزمەتكەرلەرى قويىلتىلعان جەمىس شىرىنىن تاسۋدا، وسى سەرىكتەستىك وندىرگەن 55 مىڭ توننا قويىلتىلعان جەمىس شىرىنى رەسەيگە ىركەس - تىركەس جەتكىزىلەدى. بيىل الدىڭعى 10 ايدا اقسۋداعى حالىقتىق كاسىپورىنداردىڭ ەكسپورت سوماسى 74 ميلليون دوللاردان استى.
سۋرەتتى لي حۇيليڭ تۇسىرگەن

 ءتىلشىمىز ۋاڭ يۇڭفي 11 - ايدىڭ 24 - كۇنى ۇرىمجىدەن حابارلايدى. 11 - ايدىڭ 20 - كۇنى اۆتونوميالى رايوندىق عىلىم - تەحنيكا مەڭگەرمەسى جوعارى، جاڭا تەحنيكانى دامىتۋ جانە كاسىپ سالالاندىرۋ باسقارماسىنىڭ باستىعى چىڭ گۇڭ تىلشىگە بىلاي دەدى: اۆتونوميالى رايون جىبەك جولى ەكونوميكالىق بەلدەۋىندەگى جاڭالىق اشۋ ارقىلى دامۋعا دەم بەرۋ سىناق رايونى قۇرىلىسىن باستاعاننان بەرى، قازىر رايونىمىز مەملەكەتكە ءۇرىمجى - سانجى - شىحىزى مەملەكەتتىك دەربەس جاڭالىق اشۋ ۇلگى رايونىن قۇرۋدى ءوتىنىش ەتۋدە، بۇل ماقۇلدانعاننان كەيىن، شينجياڭنىڭ جاڭالىق اشۋ ارقىلى دامۋعا دەم بەرۋىنە تاعى دا جاڭا قوزعاۋشى كۇش ۇستەيدى.
  بىلتىر جىل سوڭىنا دەيىن، رايونىمىزداعى جوعارى، جاڭا تەحنيكالىق كاسىپورىنداردىڭ سانى 540قا جەتىپ، سايكەس مەزگىلدەگىمەن سالىستىرعاندا %16.1ارتقان. سوڭعى جىلداردان بەرى، رايونىمىز جاڭالىق اشۋ ارقىلى دامۋعا دەم بەرۋ ستراتەگياسىن اتقارعاندىقتان، جوعارى، جاڭا تەحنيكا كاسىبى جەدەل دامىپ، رايونىمىزدىڭ كاسىپ قۇرىلىمىن ساپالىلاندىرۋىنىڭ، جاڭالاۋىنىڭ ماڭىزدى قوزعاۋشى كۇشىنە اينالدى.
  2016 - جىلى رايونىمىز جىبەك جولى ەكونوميكالىق بەلدەۋىندەگى جاڭالىق اشۋ ارقىلى دامۋدى دەمەۋ سىناق رايونى قۇرىلىسىن باستادى ءارى «دەڭگەيى» جوعارى 18 ءتۇرلى ساياساتتى العا قويىپ، ساياسات جاعىندا بەيىمدەلۋ ارقىلى ءتۇزىلىس - مەحانيزمىندەگى كەدەرگىلەردى تالقانداپ، شينجياڭنىڭ جاڭالىق اشۋ، شارۋاشىلىق قۇرۋ ومىرشەڭدىك كۇشىن جانداندىردى. وسى جىلى اۆتونوميالى رايوندىق عىلىم - تەحنيكا مەڭگەرمەسى «تيانشان جالپى جۇمىلىپ، شارۋاشىلىق قۇرۋ ارەكەتىن» باستاپ، بازارلاندىرۋ مەحانيزمى، ماماندانعان قىزمەت وتەۋ جانە كاپيتالعا اينالدىرۋ ارقىلى عىلىم - تەحنيكا كاسىپورىندارىنىڭ جەتىلدىرگىشى، جالپى جۇمىلىپ شارۋاشىلىق قۇرۋ كەڭىستىگى، شيڭچۋاڭ ءورىسى سياقتى جاڭالىق اشۋ، شارۋاشىلىق قۇرۋ قىزمەت وتەۋ تۇعىرلارىن قۇرۋدى جەدەلدەتىپ، كوپ سالالى، كوپ ساتىلى، جان - جاقتى جاڭالىق اشۋ، شارۋاشىلىق قۇرۋ قىزمەت وتەۋ جۇيەسىن قالىپتاستىردى. چىڭ گۇڭ بىلاي دەدى: ساياسات پەن بازاردىڭ قوس جاقتى دەمەۋىندە، رايونىمىزدىڭ جوعارى، جاڭا تەحنيكا كاسىبى تاماشا دامۋ نەگىزىن ازىرلەپ، مادەنيەت، ەلەكتروندىق ينفورماتسيا، جاڭا ماتەريال، ماشينا تەحنيكاسى - لازەر نۇرى - ميكرو ەلەكترونيكانى ءبىر تۇلعالاندىرۋ مەن وزىق جاساۋ تەحنيكاسى، قورشاعان ورتانى قورعاۋ، ەنەرگيا ۇنەمدەۋ مەن جاڭا ەنەرگيا سياقتىلاردى باستى تۇلعا ەتكەن جوعارى، جاڭا تەحنيكا كاسىپ شوعىرىن قالىپتاستىردى.
  جوعارى، جاڭا تەحنيكالىق اشۋ رايونى − جوعارى، جاڭا تەحنيكالىق كاسىپورىندار شوعىرلى داميتىن جەر، رايونىمىزدا قازىر ءۇرىمجى جوعارى، جاڭا تەحنيكالىق كاسىبىن اشۋ رايونى (جاڭا قالا رايونى)، سانجى مەملەكەتتىك جوعارى، جاڭا تەحنيكالىق اشۋ رايونى سياقتى مەملەكەت دارەجەلى 2 جوعارى، جاڭا تەحنيكالىق اشۋ رايونى جانە اۆتونوميالى رايون دارەجەلى 17 جوعارى، جاڭا تەحنيكالىق اشۋ رايونى بار، بۇل جەرلەرگە بۇكىل شينجياڭداعى جوعارى، جاڭا تەحنيكالىق كاسىپورىنداردىڭ %70تەن استامى شوعىرلانعان. جوعارى، جاڭا تەحنيكالىق كاسىپتىڭ دەمۋىندە، 2017 - جىلى اۆتونوميالى رايون دارەجەلى جوعارى، جاڭا تەحنيكالىق اشۋ رايونىنىڭ ونەركاسىپ ارتقان قۇنى 54 ميلليارد 578 ميلليون يۋان بولىپ، سايكەس مەزگىلدەگىدەن %19.35ارتتى، بۇل اۆتونوميالى رايونىمىزدىڭ ونەركاسىپ ارتقان قۇنىنىڭ ارتۋ قارقىنىنان كورنەكتى دارەجەدە جوعارى بولدى. قازىر ءارقايسى جوعارى، جاڭا تەحنيكالىق اشۋ رايوندارى جاڭالىق اشۋ ارقىلى دامۋدى دەمەۋ ءتۇزىلىس - مەحانيزمىن قۇلشىنا ورناتىپ جانە كەمەلدەندىرىپ، جوعارى، جاڭا تەحنيكا كاسىپورىندارىنىڭ دامۋىن جەبەيتىن تيىمدىلىك جاساۋ ساياساتتارىن بەلگىلەپ جانە اتقارىپ، رايونىمىزدىڭ دارىندى، تەحنيكا سياقتى جاڭالىق اشۋداعى ماڭىزدى فاكتورلاردى باۋرايتىن تۇعىرىنا اينالدى.
  رايونىمىزداعى جوعارى، جاڭا تەحنيكالىق كاسىپورىنداردىڭ ۋاكىلى رەتىندە، جينفىڭ عىلىم - تەحنيكاسى نازارىن وزەكتى زەرتتەۋ قابىلەتىن جەتىلدىرۋگە ءۇرتىس شوعىرلاندىردى. بيىل العاشقى جارتى جىلعا دەيىن جينفىڭ عىلىم - تەحنيكاسىنىڭ ەلىمىزدە ۋاكىلدىك بەرگەن پاتەنتى 1335كە، تىركەۋگە الدىرعان جۇمساق بولشەك تۋىندى ۇقىعى 486عا جەتتى. جينفىڭ عىلىم - تەحنيكاسىنىڭ باس جوراسى ۋ گاڭ بىلاي دەپ تانىستىردى: بۇرىنعى جەل ەلەكتر ماشينالار شوعىرى ماشيناعا ەلەكتر جابدىعى، ەلەكترون قوسىلعان جابدىق بولاتىن، قازىر جەلدەتكىشتىڭ بارىنە 100 نەشە سەزدىرگىش ورناتىلدى، سەزدىرگىش بولعاننان كەيىن، جەلدەتكىشتە ادام سياقتى سەزىم پايدا بولدى، جەلدەتكىش پەن جەل ەلەكتر ورنىن باسقارۋ زەردەلىلەندى.
  چىڭ گۇڭ بىلاي دەدى: جينفىڭ عىلىم - تەحنيكاسى سياقتى، جوعارى، جاڭا تەحنيكا كاسىپورىندارى تەحنيكا جاڭالاۋدى ىلگەرىلەتۋ ارقىلى كاسىپتىڭ باسەكەلىك قۋاتىن ءونىمدى جوعارىلاتىپ، ءداستۇرلى كاسىپتىڭ ساپالىلانۋىن، جاڭالانۋىن ىلگەرىلەتىپ، وزىق جاساۋ كاسىبىن زەردەلىلەندىرۋ دەڭگەيىن ءوسىرىپ، جاڭا ەنەرگيا، جاڭا ماتەريال، ەلەكتروندىق ينفورماتسيا سياقتى ستراتەگيالىق جاڭادان گۇلدەنگەن كاسىپتەردىڭ دامۋىن ىلگەرىلەتىپ، شينجياڭنىڭ كاسىپ قۇرىلىمىنىڭ ساپالىلانۋىن، جاڭالانۋىن پارمەندى تۇردە جەبەدى.


بەرىپ كەت ورامالىڭدى

دوستار

الىستاعى اق ەركە