جاڭا حابارلار

حىدۇڭداعى «بۇقارانىڭ كوسەمى ـــ جيا كاڭجيە

    كەلۋ قاينارى: شينجياڭ حالىق راديو ىستانسياسى    2018-11-28 11:27:56  

 اتالعان ايداردا بۇگىن حىدۇڭداعى «بۇقارانىڭ كوسەمى ـــ جيا كاڭجيە (嘉康杰) »       جيا كاڭجيە، 1890- جىلى دۇنيە ەسىگىن اشقان، سانشي ولكەسىنىڭ شياشيان اۋدانىنىڭ ادامى. ەرتەرەكتە شينحاي توڭكەرىسىنە، يۋان شىكايعا قارسى كۇرەسكە جانە 4- مامىر وتانشىلدىق قوزعالىسقا قاتىناسقان. 1921- جىلى تۋعان جەرىنە قايتىپ، ىلگەرىندى- كەيىندى شياشيان، يۇنچىڭ سياقتى جەرلەردە يتاي باستاۋىش مەكتەبى، شياشيان بۇقارالىق ورتا مەكتەپ، يۇنچىڭ حىدۇڭ ورتا مەكتەبى سياقتى مەكتەپتەردى قۇرىپ، جاڭا يدەيانى، جاڭا مادەنيەتتى بەلسەنە ۇگىتتەپ، ءبىر توپ العاباسار جاستاردى توڭكەرىستىڭ تىرەكتىلەرى ەتىپ تاربيەلەگەن. 1927- جىلى قىستا جيا كاڭجيە جۇڭگو كوممۋنيستىك پارتياسىنا مۇشە بولادى.       زور توڭكەرىس ساتسىزدىكە ۇشىراعاننان كەيىن، جيننان رايونىنداعى پارتيا ۇيىمى اۋىر دارەجەدەگى بۇلدىرۋگە تاپ بولادى. اۋىر اق ءۇستى ۇرەي بيلەگەن قاتەرلى جاعدايدا جيا كاڭجيە بۇيرىق بويىنشا ىلگەرىندى- كەيىندى ج ك پ حىدۇڭداعى جۇڭشين اۋداندىق پارتكومنىڭ شۋجيى، حىدۇڭ ەرەكشە كوميتەتى ۇيىمداستىرۋ ءبولىمىنىڭ باستىعى سياقتى مىندەتتەردى ۇستىنە الىپ، پارتيا ۇيىمىن قايتا قۇرۋ جانە قالپىنا كەلتىرۋ قىزمەتىنە كۇش سالادى. 1936 -جىلى قىزىل ارميا شىعىسقا بەتتەپ حۋاڭحى وزەنىنەن ءوتىپ، سانشيگە بارادى، جيا كاڭجيە قىزىل ارميانىڭ ارەكەتىنە ءۇن قوسىپ، شياشيان اۋدانىندا جۇڭتياۋ ديقاندار قارۋلى كوتەرىلىسىن تۋدىرىپ، قىزىل ارميا پارتيزاندار قوسىنىن قۇرىپ، باس قولباسشىلىق مىندەت اتقارادى.     1937 - جىلى 11- ايدا، ج ك پ حىدۇڭ ەرەكشە كوميتەتى جيا كاڭجيەگە 8- ارميانىڭ كولەمىن 500 ادامعا كوبەيتۋدى تاپسىرادى، ول بۇل مىندەتتى تاماشا ورىنداپ، ماراپاتقا يە بولادى. 12- ايدا، ج ك پ سولتۇستىك مەكەمەسى لينفىندا سانشيداعى پارتيانىڭ بەلسەندى مۇشەلەرى ءماجىلىسىن اشقاندا، ليۋ شياۋچي جيا كاڭجيەنى حىدۇڭداعى «بۇقارانىڭ كوسەمى» دەپ القايدى.1938- جىلى 1- ايدا، جيا كاڭجيە يان-ءانداعى «جاپون شاپقىنشىلارىنا قارسى تۇرۋ داشۋەسىندە» وقيدى، 5- ايدا ۇيىمنىڭ ۇيعارۋىمەن حىدۇڭعا قايتىپ كەلىپ، جاۋدىڭ ارتقى شەبىنە ءوتىپ پارتيزاندىق سوعىس جۇرگىزەدى. جيا كاڭجيە ىلگەرىندى- كەيىندى سانشي- حىنان ەرەكشە كوميتەتىنىڭ (كەيىن سانشي- حىنان جەرگىلىكتى كوميتەتى بولىپ وزگەرگەن) مۇشەسى، اسكەري ىستەر ءبولىمىنىڭ باستىعى، سانشي- حىنان شەكاراسىنداعى پارتيزاندار قوسىنى قامداۋ ءبولىمىنىڭ باستىعى سياقتى مىندەتتەردى اتقارىپ، پارتيزاندار قوسىنىن باستاپ، جۇڭتياۋ تاۋلى رايونىندا سوعىس جۇرگىزىپ، نەگىزگى كۇش اسكەري بولىمىنە سايكەسىپ، جاپون ارمياسىنىڭ شابۋىلىن نەشە مارتە تويتارىپ، جەڭىلىسكە ۇشىراتادى. 1939- جىلى 9- ايدا، جيا كاڭجيە ج ك پ سانشي- حىبەي ـ حىنان رايوندىق پارتكومنىڭ ءبىرىنشى رەتكى قۇرىلتايىندا، ج ك پ سانشي- حىبەي ـ حىنان رايوندىق پارتكومنىڭ مۇشەسى بولادى، ءارى ج ك پ 7- قۇرىلتايىنىڭ كانديدات ۋاكىلى بولىپ سايلانادى. قۇرىلتايدان كەيىن، ول جۇڭتياۋ جەرگىلىكتى كوميتەتنىڭ مۇشەسى، حالىقتىق تاسىمالءبولىمىنىڭ باستىعى بولادى.    1939-جىلى 11- ايدىڭ 18- كۇنى، جيا كاڭجيە 49 جاسىندا گومينداڭ تىڭشىلارىنىڭ قاستاندىعىنا ۇشىراپ، باقىتقا قارسى قۇربان بولادى.


بەرىپ كەت ورامالىڭدى

دوستار

الىستاعى اق ەركە