جاڭا حابارلار

ورنىنان ەرتە تۇرۋدى تاباندىلىقپەن جالعاستىرۋ

    كەلۋ قاينارى: شينجياڭ حالىق راديو ىستانسياسى    2018-11-29 22:42:52  

  ءومىر قوزعالىسسىز بولمايدى، بۇل كۇمان تاعۋعا كەلمەيتىن شىندىق. ورنىنان ەرتە تۇرۋدى تاباندىلىقپەن جالعاستىرىپ كەلگەن ادامنىڭ وزگەلەردەن قاشاندا الدا جۇرەتىنى، دەنساۋلىعىنىڭ دا مىقتى بولاتىنى داۋسىز. ەندەشە ۇنەمى ەرتە تۇرىپ ۇيرەنگەن ادامنىڭ دەنە ساپاسى جاعىندا قانداي وزگەرىستەر بولادى؟     ورىنىنان ەرتە تۇرۋدى تاباندىلىقپەن جالعاستىرىپ كەلگەن ادام رۋحتى جۇرەدى، قارتتىققا ءوزىن وڭاي جەڭدىرمەيدى. ولاردىڭ ميى سەرگەك، جوعارى تالاپ قويىلعان قىزمەت پەن ۇيرەنۋگە نازارىن بىردەن شوعىرلاندىرا الادى، وڭاي شارشامايدى، رۋحاني كوڭىل كۇيى جاقسى، قىزمەت ونىمدىلىگى دە جوعارى بولادى.    ۇنەمى ەرتە تۇراتىن ادام قاشاندا سەرگەك جۇرەدى، ۇزاق ۋاقىت ەرتە جاتىپ ەرتە تۇرۋعا ادەتتەنگەن ادامنىڭ  دەنەسىنىڭ زات الماسۋ قالىپتى بولادا دا ءوڭى اجارلانا تۇسەدى، كەرىسىنشە، ءار كۇنى جەتى ساعات ۇيقتاعانىمەن، تۇندە ۇيىقتامايتىنداردىڭ قالجىراعانى وڭىنەن اق كورىنىپ تۇرادى.
      ۇزاق ۋاقىتتان بەرى ەرتە تۇرىپ ۇيرەنگەن ادامنىڭ، جابىعۋ اۋىرۋىنا شالدىعۋ مۇمكىندىگى تومەن بولادى. زەرتتەۋلەرگە نەگىزدەلگەندە ەرتە تۇرعان ادام جۇمىستى ءوز تارتىبىمەن ىستەيدى، الدىن الا دايىندالادى، ساسقالاقتامايدى، اشىق - جارقىندىعىنان،  اۋرۋ -سىرقاۋ اۋلاق جۇرەدى، ال ءتۇن بالاسى ۇيىقتاماۋعا ادەتتەنگەندەر جابىعۋ اۋىرۋىنا وڭاي شالدىعادى، ولاردىڭ رۋحاني كوڭىل -كۇيىنىڭ ناشار بولاتىنى داۋسىز.   

    ۇزاق ۋاقىت ەرتە تۇرۋعا تاباندىلىق ەتكەن ادام باقىت سەزىمىنە بولەنىپ جۇرەدى. ەرتە تۇرعانداعى كوڭىل كۇي ادامدى العا باسۋعا، ءوز- وزىنە سەنىم ارتۋعا باستايدى، ءوزىنىڭ دەنساۋلىق اقاۋسىزدىعىنا دا كوڭىلى تولىپ جۇرەدى. بۇل بالكىم ەرتە تۇرعان ادامنىڭ تاڭەرتەڭگى كۇن شۇعىلاسىمەن بىرگە ءبىر كۇندىك تۇرمىسىن، ۇيرەنۋىن، قىزمەتىن باستاعان كوڭىل - كۇيىمەن بايلانىستى بولۋى مۇمكىن.     ۇزاق ۋاقىتتان بەرى ەرتە تۇرۋعا ادەتتەنگەن ادامدار، وزگەلەرمەن سيلاسىمدى كەلەدى، پسيحولوگيالىق زەرتتەۋلەرگە نەگىزدەلگەندە ەرتە تۇراتىندار وزگەلەرمەن شىعىسىمدى بولىپ، وقىس مىنەز بايقاتپايدى ەكەن. ەگەر ەرتە تۇرىپ قالىپتى دەنە -تاربيە قيمىلدارىمەن شۇعىلداناتىن بولسا زات الماسۋ مولشەرىن جوعارىلاتۋعا بولادى. ەرتە جاتىپ ەرتە تۇرۋ، رەتتى تۇرمىس، دەنساۋلىققا پايدالى. سوندىقتان ءبىر كۇنگى تىرلىكتىڭ ەڭ ماڭىزدى ءساتى تاڭەرتەڭ، دەنساۋلىعىمىزدىڭ اقاۋسىز بولۋى ءۇشىن ەرتە جاتىپ ەرتە تۇرايىق!


بەرىپ كەت ورامالىڭدى

دوستار

الىستاعى اق ەركە