جاڭا حابارلار

 بالاڭىزدىڭ تاماق تاڭدايتىنىنا شاراسىزدىق بايقاتىپ جۇرسىزبە

    كەلۋ قاينارى: شينجياڭ حالىق راديو ىستانسياسى    2018-11-29 22:46:39  

 تۇرمىستا، اتا-انا بولعان ءسىز، بالاڭىزدىڭ تاماق تاڭدايتىنىنا شاراسىزدىق بايقاتىپ جۇرسىزبە؟ ناعىندا، دۇرىس جەتەلەپ، بالاعا وتە ۇلكەن قىسىم تۇسىرمەي، بالانى جاڭا ازىقتىققا ۇيىرلەسترىپ تۇتىنۋ ۋاقىتىن ۇزارتقان سايىن، اقىرىنداپ قابىلداي باستايدى. سىزدەرگە وسى جونىندە حالقارالىق ازىقتىق ماماننىڭ بالالاردىڭ تاماق تاڭداۋ ماسەلەسىن عىلمي جولمەن جاقسارتۋ جونىندەگى 5 ءتۇرلى كەڭەسىن ۇسىنامىز:     ءبىز ادەتتە بالانىڭ تاماققا تابەتى تارتپاي تۇرعان ساتتە ››ءسوزسىز كوبىرەك  جەۋىڭ كەرەك‹‹  دەيمىز. بۇلاي دەۋىمىز قاتە. وقۋ جاسىنا تولماعان بالالاردىڭ ءوسىپ-جەتىلۋى نارەستە كەزىندەگىدەي تەز بولمايدى، سوندىقتان تاماقتانۋى دا بەلگىلى ىقپالعا ۇشىرايدى. بۇل مەزگىلدە بالا وزىنىڭ ءتۇرلى ازىقتاردى ۇناتىپ جەۋگە قىزىعۋشىلىق بايقاتادى دا وزدەرى دەربەس تاماقتانۋدى ۇناتادى. وسى بارىستا اتا-انالار بالالارىن وزدەرىنىڭ ءتىلىن الۋعا قۋزاماي، بالاعا قالپتى اقاۋسىز تاماقتانۋ جولىن ۇيرەتۋ كەرەك.  ايتپەگەندە بالانىڭ تاماققا تابەتى بولمايدى. بالاعا دۇرىس تاماقتانۋ  ءتاسىلىن ۇيرەتۋ بۇل ماسەلەنى شەشۋدىڭ ەڭ دۇرىس جولى. ىسجۇزىندە بالالار جاڭا ازىقتىقتاردىڭ سىرتقى ءپىشنى، ءدامى قاتارلى جاقتارىن ۋاقىتشا قابىلداي المايدى، ءبىراق اقىرىنداپ تۇتىنۋ ادەتىن قالپتاستىرۋ كەرەك.     ادەتتە بالانى كوبىرەك كوكونىس بازارىنا ەرتىپ اپارىپ، تاماق جاساۋدان بۇرىن بالادان نەگە تابەتى تارتاتىنىن سۇراۋ نەمەسە كوكونىس بازارىنان ءوزى ۇناتقان كوكونىستەرىن تاڭداتۋ كەرەك، ولاردىڭ قىزىعۋشىلىعىنا قاراي تاماق دايىنداساق، بالانىڭ تالابىن قاناعاتتاندىرۋدان سىرت،ءوزى ۇناتقان كوگونىستەردەن ىستەلگەن ازىقتىقتاردى ۇناتىپ جەۋى دە مۇمكىن. تاعى دا بالانى جاڭا ازىقتىقتاردى تۇتىنۋعا شابىتتاندىرۋىمىز، بالانىڭ ۇناتىپ جەمەيتىن ازىقتىقتارىن زورلاپ بەرۋگە استە بولمايدى. جاڭا ازىقتىقتاردى قابىلداۋ ءۇشىن دە ولار ءبىراز ۋاقىت جۇمسايدى. بالالاردىڭ ۇناتىپ جەمەيتىن ازىقتىقتارىن جەۋگە شابىتتاندىرۋدىڭ ەڭ ءونىمدى ءادىسى: اتا-انا كۇندە بالاعا جالىقپاي جاڭا  كوگونىستەردەن قۋىرماش جاساپ كورسەتىپ ءوزى باستاماشى بولىپ جەپ، بالانى رۋحاني جاقتان ازداپ شابىتتاندىرۋ كەرەك. العاشىندا بالا قابىلداماعانىمەن جالىقپاي  10-15 رەت قايتالاعان سوڭ بالادا اقىرىنداپ ۇيرلەسە باستايدى.    مۇنان قالسا بالانى كومەكشى اسپاز بولۋعا جەتەلەپ، ۇلكەندەر تاماق جاساپ، گوگونىس تۋراپ جاتقاندا، بالاعا گوگونىستەردى جۋعىزىپ نەمەسە ۇستەلدى رەتتەۋگە شابىتتاندىرۋدا ماڭىزدى. زەرتتەۋلەرگە نەگىزدەلگەندە بۇكىل وتباسىنداعىلار تاماق جاساۋعا بىردەي ات سالىسسا، تاماقتانعاندا كوڭىل -كۇيى كوتەرىڭكى بولادى، ال تاماق جاساۋعا كومەكتەسكەن بالادا بەلسەندىلكپەن تاماقتانىپ، وزدەرى كومەكتەسىپ جاساسقان تاماقتى جەۋگە پەيىل تانىتادى. بالاعا ››كومەكشى اسپاز‹‹ دەگەن اتاق سيلاپ ولاردىڭ دۇرىس ۇيلەسىمدى اقاۋسىز ازىقتىقتاردى تۇتىنۋىنا جول اشىپ ءارى جاقسى ادەت قالپتاستىرىپ دۇرىس تاماقتانۋ جولىن ۇيرەتۋگە جەتەلەۋىمىز كەرەك.      سوڭىندا اتا-انالارعا ەسكەرتەرىمىز ءوزىمىز ۇلگى بولۋىمىز، ءوزىمىز دۇرىس ازىقتانباي تۇرىپ بالاعا ءۇمىت ارتۋىمىز وتە قيىن. زەرتتەۋلەردە اتا-اناسى اقاۋسىز دۇرىس تاماقتاناتىن وتباسىلارىنداعى بالالاردا تاماق تاڭداۋ ادەتى كوپ كەزدەسپەيدى، ءارى وزدەرى ۇناتپايتىن تاعامداردى تۇتىنۋعا پەيىلدىرەك كەلەدى، سونىمەن بىرگە  جەمىس-جيدەك كوگونىستەردى جەۋدى ادەتكە اينالدىرۋ مۇمكىندىگى كۇشتى بولادى. سوندىقتان بالانىڭ تاماق تاڭداۋ ادەتىن جوعالتۋدا اتالعان ادىستەردى پايدالانىپ سىناپ كورۋىمىز كەرەك!


بەرىپ كەت ورامالىڭدى

دوستار

الىستاعى اق ەركە