جاڭا حابارلار

جاپون شاپقىنشىلارىنا قارسى كۇرەسكەن ايەل قاھارمان- ماۋ لييىڭ

    كەلۋ قاينارى: شينجياڭ حالىق راديو ىستانسياسى    2018-11-29 16:38:48  

 اتالعان ايداردا بۇگىن جاپون شاپقىنشىلارىنا قارسى كۇرەسكەن ايەل قاھارمان- ماۋ لييىڭمەن ( 茅丽瑛)   ماۋ لييىڭ 1910- جىلى 8- ايدا دۇنيەگە كەلگەن، جىجياڭ ولكەسى حاڭجوۋ قالاسىنىڭ ادامى. 1935- جىلى شاڭحاي جۇڭگو كاسپتىك ايەلدەر قوعامىنا قاتىناسادى. 1936- جىلى جۇڭگو كوممۋنيستىك پارتياسىنىڭ باسشىلىعىنداعى جاپون شاپقىنشىلارىنا قارسى تۇرىپ، وتاندى قۇتقارۋ ۇيىمى- حايگۋانلى مادەنيەت قوعامىنا مۇشە بولادى. 1937- جىلى شاڭحايداعى 13- تامىز جاپون شاپقىنشىلارىنا قارسى سوعىس باستالعاننان كەيىن، ول جارالانعان اسكەرلەردەن حال سۇراۋ، بوسقىنداردى قۇتقارۋ سياقتى قيمىلدارعا بەلسەنە ارالاسادى.   1938- جىلى 5- ايدا، شاڭحاي جۇڭگو كاسىپقوي ايەلدەر كلوبى رەسىمي قۇرىلىپ ماۋ لييىڭ وسى كلوبتىڭ ءتوراعىلىعىنا كورسەتىلەدى. سول ايدا، ول جاسىرىن تۇردە جۇڭگو كوممۋنيستىك پارتياسىنا مۇشە بولادى. وسىدان كەيىن، ول كاسىپقوي ايەلدەر كلوبىنىڭ قىزمەتىن بەلسەنە ورىستەتىپ، ىركەس- تىركەس  بۇعالتىرلار كلاسى، مادەنيەت ساباعى پىسىقتاۋ كلاسى سياقتىلاردى اشىپ، ايەلدەردى تاربيەلەۋ قىزمەتىن ورىستەتەدى، ءارى ءوزى اعىلشىن ءتىلى ساباعىن وتەدى. 

    قابىرعادان قان كەشىپ، جاۋمەن شايقاسىپ جاتقان جاڭا 4- ارميانى قولداۋ ءۇشىن ماۋ لييىڭ شاعان مەرەكەسى كەزىندە، بەلسەندىلىكپەن «جىلۋ اتاۋعا جۇمىلدىرۋ بىرلەسكەن كولەمدى الەۋمەتتىك كونسەرت» جانە «بۇيىمداردى قايىرىمدىلىق ماقساتىندا ساتۋ» قيمىلىن ۇيىمداستىرادى. قايىرىمدىلىق ماقساتىندا ساتۋ قيمىلىنىڭ دايىندىعى جانە اتقارىلۋى بارىسىندا، جاپون قۋىرشاق كۇشتەرىنىڭ سەس كورسەتىپ، قوقانلوقى جاساۋى، ءتىپتى اشىقتان- اشىق بۇلدىرىۋىنە قارسى ماۋ لييىڭ «قايىرىمدىلىق ماقساتىندا ساتۋ ءۇشىن تۋىلىپ، قايىرىمدىلىق ماقساتىندا ساتۋ ءۇشىن جان كەشۋ» بەكىمىنە كەلىپ، اسقان ەرلىك- جىگەرمەن قايىرىمدىلىق ماقساتىندا ساتۋ قيمىىندا تابىسقا جەتەدى.    قايىرىمدىلىق ماقساتىندا ساتۋ قوعامىنىڭ تابىسقا جەتۋى ـــــ جاۋدىڭ كاسىپقوي ايەلدەر كلوبى مەن ماۋ لييىڭگە دەگەن  وشپەندىلىگىن ونان ارى كۇشەيتەدى، 1939- جىلى 12- ايدىڭ 12- كۇنى ۋاڭ جيڭۋيدىڭ شپيوندارى ماۋ لييىڭگە قاستاندىق جاسايدى، وسى بارىستا ونىڭ ءۇش جەرىنەن وق ءتيىپ جارالانىپ، 12- ايدىڭ 15- كۇنى شيپاحانادا، ءنە ءبارى 29 جاسىندا قۇربان بولادى.


بەرىپ كەت ورامالىڭدى

دوستار

الىستاعى اق ەركە