جاڭا حابارلار

 اۆتونوميالى رايوندىق حالىق قۇرىلتايى تۇراقتى كوميتەتى قۇرامىنداعىلاردىڭ تۇراقتى كوميتەت جەتىنشى رەتكى ءماجىلىسىنىڭ ءار قايسى كەڭەس تاقىرىپتارىن قاراۋ جاعدايى جونىندەگى  مالىمەتىن تىڭدادى

    كەلۋ قاينارى: شينجياڭ حالىق راديو ىستانسياسى    2018-11-30 11:50:33  

 التاي راديو ستانسياسىنىڭ ءتىلشىسى ەلىسحان مەن ۋاڭ جيڭرۋدىڭ حابارى:التاي قالاسىندا وتكىزىلىپ جاتقان 13- كەزەكتى شينجياڭ قىسقى ساياحات كاسىبى ساۋدا كورمەسى «جۇڭگو بويىنشا ەڭ كەرەمەت قار- مۇز ساياحاتىن دامىتۋ» اتىنداعى شينجياڭ التاي تالقى مىنبەرىن، ساياحات پەن فينانستىڭ قامداۋى مەن قاجەتىسىنۋىن ۇشتاستىرۋ كەڭەسىن وتكىزۋ ارقىلى، رايونىمىزدىڭ سىرتىنداعى ساياحات كاسىبىمەن شۇعىلدانۋشىلار، اقپارات قۇرالدارىنىڭ ۋاكىلدەرى، قار- مۇز سپورتى قايراتكەرلەرى التايدىڭ قار- مۇز ساياحاتى سياقتى قيمىلدارعا قاتىناسىپ،  شينجياڭنىڭ قىسقى ساياحاتىن پارمەندى ىلگەرلەتتى جانە ۇگىتتەدى.:
    قىسقى ساياحات ساۋدا كورمەسى كەزىندە، كورمەگە قاتىناسقان سيلى قوناقتار التايداعى وزگەشە تەرى شاڭعىسىمەن سىرعاناپ، ات شانامەن قارلى ورماننان كەسىپ ءوتىپ، ەلىمىز بويىنشا سىرعاناپ ءتۇسۋ پارقى ەڭ زور شاڭعى الاڭىندا بيىك تاۋدان تەز قارقىنمەن شاڭعى تەبۋدىڭ كەرەمەتىن سەزىنىپ، قار قالاسى التاي كوپشىلىككە ەستەن كەتپەستەي اسەر قالدىردى. ورتالىق راديو - تەلەۆيزيا باس ستانسياسىنىڭ  فيلمگەرى ايقىن جاسان ۇلى:«التاي ادامزاتتىڭ شاڭعى تەبۋى باستالعان جەر، التايدىڭ قارىنىڭ ساپاسى توتەنشە جاقسى، دۇنيە ءجۇزى بويىنشا بىردەن- ءبىر سانالادى، قارى مايدا، وزگە جەردەن مۇنداي ساپالى قار مۇلدە تابىلمايدى»،- دەدى.
 بيىل قىستا، التاي ايماعى ساياحاتقا قاتىستى  قاناس، قوم قارلى اۋىل ساياحاتتاۋ دەمالۋ رايونى، التاي شاڭعى تەبۋ ساياحاتتاۋ دەمالۋ رايونى، كوكتوعاي  قارلى تاۋ اڭعارىندا ءوز اۆتوكولىگىمەن ساياحاتتايتىن دەمالىس رايونى، ۇلىڭگىر كولى قىسقى بالىق اۋلاۋ حالىقتىق سالت - سانامەن تانىسۋ رايونى سىندى ءتورت رايوندى ءتۇيىندى اشتى.
     ەلىمىز بويىنشا سىرعاناپ ءتۇسۋ پارقى ەڭ زور شاڭعى الاڭى ـــــ كوكتوعاي حالىقارالىق شاڭعى الاڭىندا شاڭعى تەپكەن حاربيندىق ساياحاتشى شياۋ جيڭ تىلشىگە: « وسى ارادا تۇرىپ قالعىم كەلەدى، وتە تابيعي، شاڭعى تەبۋ ورتاسى اناعۇرلىم ءجايلى، كورىنىسى كوركەم، ادامدارى دا وتە اشىق جارقىن ەكەن»،- دەدى.
     بۇكىل ەلىمىزدەگى ساياحاتشىلاردىڭ قىستا التايعا كەلىپ ساياحاتتاۋىن قارسى الۋ ءۇشىن، بيىل شىنجىن-جىڭجۋ-التاي، نانجيڭ-لانجۋ-التاي سياقتى بىرنەشە ەل ءىشى تىكە اۋە لەنيالارى اشىلدى. سونىمەن بىرگە، التاي مەملەكەتتىك تەمىر جول تورابىمەن توعىسىپ، قازىر، التاي ايماعىنداعى بۋرىلتوعاي اۋدانى، بەيتۇن قالاسى، التاي قالاسىنىڭ بارىنە پويەز بارادى. 
     فينانستىڭ قىسقى ساياحاتقا بولعان قولداۋ تەبىنىن كۇشەيتۋ ءۇشىن، 13- كەزەكتى قىسقى ساياحات كاسىبى ساۋدا كورمەسىنىڭ ساياحات پەن فينانستىڭ قامداۋى مەن قاجەتىسىنۋىن ۇشتاستىرۋ كەڭەسىندە، التاي ايماقتىق اكىمشىلىك مەكەمەسى اۆتونوميالى رايونداعى 11 فينانس قۇرىلىمىمەن «ساياحات پەن فينانستى» بىرلەستىرۋ، التاي ايماعىنىڭ جوعارى ساپالى دامۋىن قولداۋ ۋنيۆەرسال فينانس قىزمەت وتەۋ سەلبەستىك ەسكەرتپە جۇلگەلىك كەلىسىمىنە قول قويىپ، بانكەنىڭ تىڭنان ارتقان 45 ميلليارد يۋاندىق قارىز اقشاسىنا قول جەتكىزۋ سەنىمدىلىگىنە يە بولدى، سونىمەن بىرگە، اۆتونوميالى رايون، التاي ايماعى سياقتى 8 فينانستىق قۇرىلىم جەرگىلىكتى ورىنداعى ساياحات كاسىپورىندارىمەن 6 ميلليارد 200 ميلليون يۋاندىق قارىز اقشا الۋ كەلىسىمىنە قول قويدى. حالىق بانكەسى ءۇرىمجى ورتالىق تارماق بانكەسىنىڭ پارتكوم شۋجيى، بانكە باستىعى گو جيانۋي بىلاي دەدى: 37 فينانس قۇرىلىمىن باستاپ قىسقى ساياحات كورمەسى ورايىنان پايدالانىپ ساياحات كاسىبى ارقىلى فينانس  كاسىبىنىڭ جوعارى ساپالى دامۋىن جەبەۋ جولىن قاراستىرىپ، ساياحات كاسىبىن تىرەكتى كاسىپ ەتىپ قۇرىپ شىعامىز.


بەرىپ كەت ورامالىڭدى

دوستار

الىستاعى اق ەركە