جاڭا حابارلار

قىستاقتاعىلاردىڭ باستاماشىسى

    كەلۋ قاينارى: شينجياڭ حالىق راديو ىستانسياسى    2018-12-01 08:41:09  

 «كەدەيلەردى دالمە-ءدال سۇيەمەلدەۋدىڭ، كەدەيلىكتەن دالمە-ءدال قۇتىلدىرۋدىڭ ءبىرىنشى شۋجيى» دەگەن تاقىرىپتاعى جەلىلەس حابارىمىز بويىنشا التاي راديو ستانسياسىنىڭ ءتىلشىسى ەلىسقان مەن جەمەنەي راديو ستانسياسىنىڭ ءتىلشىلەرى حى كاڭ، ما ليپيڭدار جازعان «قىستاقتاعىلاردىڭ باستاماشىسى»- دەگەن حابار  :   

   تاياۋدا، جەمەنەي اۋدانى قارجاۋ قالاشىعى ساپاق قىستاعىنداعى «جاڭالىق اشۋ ساۋدا شەكتى سەرىكتەستىگى» رەسمي ۆيوسكا استى، وسى سەرىكتەستىككە التاي ايماقتىق ورمان شارۋاشىلىعى مەكەمەسىنىڭ «حالىق جاعدايىن ۇعىسۋ، حالىققا ءتيىمدىلىك جەتكىزۋ، حالىق تىلەگىن توعىسترۋ» قيمىلى بويىنشا قىستاقتا تۇرعان قىزمەت اترەتى 300 مىڭ يۋان قارجىنى سايكەستىرىپ بەرىپ، ساپاق قىستاعىنىڭ قالاشىق ۇكىمەتكە جاقىن ورنالاسقان جاعىراپيالىق ابزالدىلىعىنان پايدالانىپ، كۇندەلىكتى تۇتىنۋ بۇيىمدارى، مادەنيەت، دەنە-تاربيە كەڭسە بۇيىمدارى، استىق-ماي، ازىقتىق -تۇلىك ساتۋمەن شۇعىلداندى. ساپاق قىستاعىنىڭ ءبىرىنشى شۋجيى، قىزمەت اترەتىنىڭ باستىعى لۋ شان بىلاي دەدى: ءبىز قىستاقتىڭ كوللەكتيۆ ەكونوميكاسىن ءسوزسىز دامىتىپ، سەرىكتەستىك اشۋ ارقىلى  ارحيۆ تۇرعىزىلىپ، كارتىشكا تاراتىلعان كەدەي وتباسىلارىن سەرىكتەستىككە قابىلداپ، كەيىن 2019-جىلعى قارجىنىڭ پايدا سيپاتتى نىسانىن ءوتىنش ەتۋ ارقىلى سەرىكتەستىككە تىكەلەي قارجى قوستىرۋدى ويلاسىپ وتىرمىز، سول كەزدە كەدەي وتباسىلارى، مۇگەدەك، ءالسىز ەڭبەك قۋاتى جوقتاردا تىكەلەي پايدا الىپ، كىرىستەرى ارتادى.  

     ساپاق قىستاعىندا 173 وتباسى 509 ادام بار، مۇنىڭ ىشىندەگى 98 كەدەي وتباسىنداعى 296 ادامعا ارحيۆ تۇرعىزىلىپ، كارتىشكا تاراتىلعان، قىستاق ءداستۇرلى مال شارۋاشىلىعىن نەگىز ەتەدى، دامۋ كومەسكى كۇشى شەكتى. قىزمەت اترەتى كەلگەننەن كەيىن، لۋ شان قىستاقتىڭ «ەكى كوميتەتىندەگى»  باسشىلىق القالارىن باستاپ ءۇش كاسىپتى ءوزارا سايكەستىرىپ، كوپ كاسىپتى توعىستىرىپ كەدەيلىكتەن قۇتىلدىرىپ، اۋقاتتاندىرۋ جولىن بەلسەنە قاراستىردى. قىستاق تۇرعىندارىنىڭ يدەياسىنا بۇرىلىس جاساۋعا جەتەكشىلىك ەتىپ، اۋقاتتانۋدىڭ تىڭ جولىن اشۋ ءۇشىن، ول تاعى قىستاقتاعى پارتيا مۇشەلەرى مەن قىستاق تۇرعىندارىن ۇيىمداستىرىپ بۋىرشىن، قابا اۋداندارىنا بارىپ شارۋالار تاعامجايىنىڭ تيجارات جاعدايىن، شىرعاناق ەگىمشىلىگى ، جابايى بۇعى باعىمشىلىعى سياقتىلاردى ارالاپ تەكسەرۋ-زەرتتەۋ جۇرگىزىپ، كوز ايالارىن كەڭەيتتى. قىستاقتان باعىمشىلىق سەلبەستىك كوپەراتيۆىن قۇرىپ، كەدەي وتباسىلارىن تاڭەرتەڭگىلىك اس-سۋ دۇكەنى، بالكۇلشە دۇكەنى، قۇرىلىس ماتەريالدارىن ساتۋ سياقتىلارمەن شۇعىلدانۋعا باستاپ، كىرىستەرىن ارتتىردى. كەزەكتە، جاڭالىق اشۋ ساۋدا شەكتى سەرىكتەستىگىن قۇرىپ، 30 وتباسىنداعى قىستاق تۇرعىندارىنىڭ كىرىسىن ورنىقتى ارتتىرۋعا باستادى.    

   قىستاق تۇرعىندارىنىڭ باستاماشىسى رەتىندە، لۋشان كوپشىلىكتىڭ قينشىلىقتارى جونىندەگى ارىز-ارمانىن كوكەيىندە ساقتاپ، قىزمەت اترەتىندەگىلەردى باستاپ جىبەرگەن ورىندار مەن سۇيەمەلدەۋشى ورىنداردان ءبىر ميلليون 600 مىڭ يۋاننان ارتىق قارجىعا قول جەتكىزىپ، بۇقارانىڭ 70 تەن استام ناقتى ءىسىن ءبىتىرىپ بەردى. مۇندا، مۇقىرتاي، حو دا قىستاۋى سياقتى جەرلەرگە قونىستانعان مالشىلاردىڭ اۋىز سۋ حاۋىپسىزدىگى ءۇشىن 3 قۇدىق قازىپ، 13 مالشى وتباسىننىڭ قالىپتى ءوندىرىس-تۇرمىستا پايدالاناتىن اۋىز سۋىن قامتاماسىزداندىردى، تاعى كەدەي وتباسىلارىنا جەمىس اعاشى قالامشاسىن ، بالاپاندى  تەگىن تاراتىپ بەردى. قىستاق تۇرعىنى قۋاش: بۇرىن قۇدىق قازىپ كورگەنبىز، الايدا ءىرى تۇرپاتتى ماشينا بولماعاندىقتان 3-4 مەتر تەرەڭدىكتە عانا قۇدىق قازعان ەدىك، وسى رەت لۋ شۋجيعا شىنايى العىس ايتامىز، قىزمەت اترەتىندەگىلەرگە دە العىس ايتامىز،-دەدى.   لۋ شان بىلاي دەدى: بۇقارانىڭ ءىسى بارىنەن ماڭىزدى، قىستاقتا تۇراتىن قىزمەت اترەتىندەگىلەر جونىنەن العاندا، بۇقارانىڭ قىزمەتىمىزدى تۇراقتاندىرۋى ءبىزدىڭ ەڭ تاماشا تابىسىمىز،  بىزدە وسى قىستاقتا تۇرعان كەزىمىزدەن پايدالانىپ، ساپاق قىستاعىنىڭ بەت-بەينەسىن اناعۇرلىم جاڭالاپ ، بۇقارانىڭ تۇرمىسىن اناعۇرلىم جاقسارتۋدى ويلاسىپ وتىرمىز.


بەرىپ كەت ورامالىڭدى

دوستار

الىستاعى اق ەركە