جاڭا حابارلار

 اراسان اۋدانىندا قىستا اراسانعا تۇسۋدەن تىس، ساياحاتشىلار تاعى  جىلى شاتىردىڭ ىشىندە ازىقتىق ساڭىراۋ قۇلاق تەرىپ، « قىسقى ساياحاتتىڭ ءلازاتىن » سەزىندى

    كەلۋ قاينارى: شينجياڭ حالىق راديو ىستانسياسى    2018-12-01 08:57:14  

  اراسان اۋداندىق راديو ستانسياسىنىڭ ءتىلشىسى چىن شيڭ مەن بەرىكتىڭ حابارى :اراسان اۋدانىندا قىستا اراسانعا تۇسۋدەن تىس، ساياحاتشىلار تاعى  جىلى شاتىردىڭ ىشىندە ازىقتىق ساڭىراۋ قۇلاق تەرىپ، « قىسقى ساياحاتتىڭ ءلازاتىن » سەزىندى،     

   قاقاعان قىستا، اراسان اۋدانىنداعى  اراسانمەن ەمدەلەتىن  ورتالىقتار  مەن مالتاۋ سارايلارىنا جەر-جەردەن كەلىپ تابيعي اراسانعا تۇسەتىن ساياحاتشىلاردىڭ اياعى ۇزىلمەدى. شىحىزىلىق ساياحاتشى ماۋ رۇيشۋە:  كۇكىرتتى سۋ بولعاندىقتان،  ساپاسى ەرەكشە جاقسى ەكەن، قۇرىس-ترىسىڭ جازىلىپ، سەرگىپ، راحاتتانىپ قالاسىڭ،-دەدى.    

  اراسان اۋدانىنىڭ  جەر جىلۋ  بايلىعى اراسانىمەن اتى ايگىلى، جەرگىلىكتى ورىن «جۇڭگو اراسان مەكەنى» دەگەن ايگىلى اتتى نەگىز ەتە وتىرىپ، اراسانمەن دەنساۋلىقتى كۇتىمدەۋ، ەكولوگيالىق سەيىل-سەرۋەن، دالادا كوڭىل كوتەرۋ سياقتى الۋان ءتۇرلى، كوپ سالالى ساياحات ونىمدەرىن كۇش سالا جاراتتى. قازىر، اراسان اۋدانىندا جۇزدەن استام اراسان بار،سۋىنىڭ ورتاشا  تەمپەراتۋراسى 42 دە 61 سەلتسي گرادۋس ارالىعىندا، اراسانعا ءتۇسىپ ەمدەلۋ تەرى اۋرۋى، بۋىن قابىنۋ اۋرۋلارىنا پايدالى.      قىستا اراسان اۋدانىندا جىلى اراسان كولشىگىنەن تىس، تاعى جىلى شاتىر بار. اراسان اۋدانىنىڭ وزگەشە جاراتىلىستىق ورتاسى مەن اۋارايى ەرەكشەلىگى، زالالسىز، جوعارى ساپالى اعاش ساڭىراۋ قۇلاق، جالبىرشاق ساڭىراق قۇلاق، جاساندى ساڭىراۋ قۇلاق سياقتى ازىقتىق ساڭىراۋ قۇلاق ونىمدەرىن جاراتقان، جىلى شاتىرعا بارىپ ساڭىراۋ قۇلاق تەرۋدىڭ قىزىعىنا شومۋ كوپتەگەن ساياحاتشىنىڭ تالعامىنا اينالدى. ىشكى مۇڭعۇلدىق ساياحاتشى لي چياڭ: اراسانداعى وسى ازىقتىق ساڭىراۋ قۇلاقتاردىڭ بارلىعى جاقسى، زالالسىز ونىمدەر ەكەن، قاس تاسى اعاش ساڭىراۋ قۇلاعى، قارا اعاش ساڭىراۋ قۇلاعى، اق اعاش ساڭىراۋ قۇلاعى سياقتىلار بار، بارلىعىنان ازداپ ساتىپ الىپ كەتپەكشىمىن،-دەدى.     

   جىلى شاتىردا ساڭىراۋ قۇلاق تەرۋ اراسان اۋدانىنىڭ قىسقى ساياحات مازمۇنىن بايىتىپ قانا قالماستان، تاعى جەرگىلىكتى ورىنداعى اۋىل شارۋاشىلىق ونىمدەرىنىڭ ساتىلۋىن جەبەدى. اراسان اۋدانىنداعى تيانيۋان گۇل-ءشوپ شەكتى سەرىكتەستىگىنىڭ جاۋاپتىسى جاڭ جيانمياۋ بىلاي دەدى: گۇل-ءشوپ بازامىز اۋارايىنىڭ سەبەبىنەن، جىلى شاتىردا نەگىزىنەن ازىقتىق ساڭىراق قۇلاق ەگەدى. ساياحاتشىلار جىلى شاتىرعا كىرگەننەن كەيىن، وزدەرى ۇناتاتىن ساڭىراۋ قۇلاق ءتۇرىن تاڭداپ، فوتو سۋرەتكە ءتۇسىپ، ارالايدى، ودان كەيىن باسقارۋشىلاردىڭ جەتەكشىلىگىندە وزدەرى ساڭىراۋ قۇلاق تەرەدى. بيىل 20 مىڭ ادام رەت قوناق قابىلدادىق.


بەرىپ كەت ورامالىڭدى

دوستار

الىستاعى اق ەركە