جاڭا حابارلار

قۇرىش جاۋىنگەر ـــ  ياڭ جيڭيۇي

    كەلۋ قاينارى: شينجياڭ حالىق راديو ىستانسياسى    2018-12-02 08:31:30  

 ياڭ جيڭيۇيدىڭ بۇرىنعى اتى ما چاڭدى ( 马尚德)، 1905-جىلى حىنان ولكەسىنىڭ چۋەشان (确山) اۋدانىندا  قاراپايىم ديحان وتباسىندا دۇنيەگە كەلگەن. وقۋشى كەزىندە، يمپەرياليزىمگە قارسى وتانشىلدىق قيمىلدارعا بەلسەنە قاتىناسقان. 1925-جىلى 6 -ايدا جۇڭگو كوممۋنيستىك جاستار وداعىنا، 1926-جىلى جۇڭگو كوممۋنيستىك پارتياسىنا مۇشە بولعان. زور توڭكەرىس جەڭىلىسكە ۇشىراعاننان كەيىن، چۋەشان كوتەرىلىسىن ۇيىمداستىرىپ، ديحاندار توڭكەرىستىك ارمياسىنىڭ باس قولباسشىسى بولادى. 1928-جىلى كۇزدە كايفىڭ، لوياڭ سياقتى جەرلەرگە بارىپ، جاسىرىن توڭكەرىستىك قىزمەتپەن اينالىسادى. 1929-جىلى كوكتەمدە، شىعىس سولتوستىككە بارىپ، ج ك پ فۋ-شۇن ەرەكشە پارتيا ياچەيكاسىنىڭ شۋجيى مىندەتىنە تاعايىندالىپ، جۇمىسشىلار قوزعالىسىنا باسشىلىق ەتكەن. حىنان مەن شىعىس سولتۇستىكتە بەس رەت تۇتقىندالىپ تۇرمەگە قامالىپ، جان تۇرشىگەرلىك قيناسا دا مۇلدە باس يمەيدى.
     1931-جىلى « 18-قىركۇيەك» وقعاسىنان كەيىن، ج ك پ حاربين قالالىق پارتكومنىڭ شۋجيى، قوسىمشا ءمانجۋريا ولكەلىك پارتكوم اسكەري ىستەر كوميتەتىنىڭ ۋاقىتتىق شۋجيى بولادى. 1932-جىلى كۇزدە وڭتۇستىك ءمانجۋرياعا جىبەرىلىپ، جۇڭگو جۇمىسشى-ديحان قىزىل ارمياسى 32-ارمياسىنىڭ وڭتۇستىك ءمانجۋريا پارتيزاندار اترەتىن ۇيىمداستىرىپ  قۇرىپ، ساياسي كوميسسارلىق  مىندەت اتقارىپ، پانشى قالاسىنىڭ حۇڭشىلازى ءوڭىرىن نەگىز ەتكەن پارتيزاندار بازاسىن قۇرادى. 1936-جىلى 7-ايدا شىعىس سولتۇستىك جاپون شاپقىنشىلارىنا قارسى بىرىككەن ارميانىڭ 1-باعىت  ارمياسىنىڭ باس سىليڭى قوسىمشا ساياسي كوميسسارى بولادى. 1939-جىلى شىعىس وڭتۇستىك ءمانجۋريا ءوڭىرىنىڭ كۇزگى جانە قىسقى «جازالاۋ جورىعىنا» قارسى سوعىستا، ول ۋي جىڭمين (魏拯民) قاتارلىلارمەن بىرگە اسكەري بولىمگە قولباسشىلىق ەتىپ، قوسىندى تاراتىپ، پارتيزاندار اترەتىن قۇرادى. ءوزى قورعاۋشىلار لۇيىن باستاپ، سوعىستى مىڭجياڭ وڭىرىنە بۇرىپ، سوڭىندا جالعىز ءوزى جاۋمەن بەس كۇن بەس ءتۇن شايقاسادى. ول كىسى بايىبىنا بارا المايتىن ەرەسەن جىگەر-قايراتىنا سۇيەنىپ،  جانقيارلىقپەن وعى تاۋىسىلعانعا دەيىن جاۋمەن ايقاسىپ، 1940- جىلى 2-ايدىڭ 23-كۇنى جيلين ولكەسى مىڭجياڭ اۋدانىنىڭ سان-داۋ-ۋاي-زى (三道崴子) دەگەن جەرىندە ەرلىكپەن قۇربان بولادى.   
 
   


بەرىپ كەت ورامالىڭدى

دوستار

الىستاعى اق ەركە