جاڭا حابارلار

شي جينپيڭ ءۇندىستاننىڭ زۇڭليى موديمەن كەزدەستى

    كەلۋ قاينارى: شينجياڭ گازەتى    2018-12-02 21:53:22  

شينحۋا اگەنتتىگىنىڭ 11 - ايدىڭ 30 - كۇنى بۋەنوس - ايرەستەن بەرگەن حابارى (تىلشىلەر ۋاڭ حايچيڭ، جياڭ گوپىڭ). جەرگىلىكتى ۋاقىت 11 - ايدىڭ 30 - كۇنى، مەملەكەت ءتوراعاسى شي جينپيڭ بۋەنوس - ايرەستە ءۇندىستاننىڭ زۇڭليى موديمەن كەزدەستى. 

 شي جينپيڭ مىنانى اتاپ كورسەتتى: بۇل مەنىڭ زۇڭلي مىرزامەن بيىل 4 - رەت كەزدەسۋىم. ءبىزدىڭ جۇڭگو - ءۇندىستان قارىم - قاتىناسىن دامىتۋدا قول جەتكىزگەن كوپتەگەن ماڭىزدى ورتاق تانىمدارىمىز تىڭعىلىقتى تياناقتانىپ، جۇڭگو - ءۇندىستان قارىم - قاتىناس دەڭگەيى ورنىقتى كوتەرىلۋدە. جۇڭگو - ءۇندىستان قارىم - قاتىناسىنىڭ دامۋ بەتالىسى بارعان سايىن جاقسارىپ، جۇڭگو مەن ءۇندىستاننىڭ ءوز - ءوزىنىڭ دامۋىنا پارمەندى قوزعاۋشى كۇش ازىرلەپ قانا قالماستان، كەزەكتەگى تەرەڭ وزگەرىسكە تولى حالىقارالىق جاعدايعا ورنىقتىلىق جانە تۇراقتىلىق ۇستەدى. مەن زۇڭلي مىرزامەن قويۋ بارىس - كەلىستى ساقتاپ، جۇڭگو - ءۇندىستان قارىم - قاتىناسىنىڭ اناعۇرلىم جاقسى، اناعۇرلىم ورنىقتى دامۋىنا جەتەكشىلىك ەتۋدى قالايمىن.  

 شي جينپيڭ مىنانى اتاپ كورسەتتى: ەكى جاق ەكى ەلدىڭ ساياسي، ديپلوماتيا، شەكارا ەرەكشە ۋاكىلى، قورعانىس ىستەرى، حاۋىپسىزدىك، ەكونوميكا، ساۋدا، گۋمانيتارلىق اۋىس - ءتۇيىس قاتارلى تىلدەسۋ مەحانيزمىنەن شىنايى ويداعىداي پايدالانىپ، بارىس - كەلىستى كۇشەيتىپ، ءوزارا سەنىمدىلىكتى نىعايتۋ كەرەك. ناقتى ىستەر جونىندەگى سەلبەستىكتى تەرەڭدەتىپ، ەكى جاقتىڭ ساۋداسىن كەڭەيتىپ، قارجى قوسۋ، ەمدەۋ، ءدارى - دارمەك، دەنساۋلىق ساقتاۋ، كەدەيلەردى ازايتۋ، قورشاعان ورتانى قورعاۋ، اپاتتان ساقتانۋ، اپات زيانىن ازايتۋ سياقتى سالالارداعى سەلبەستىكتى كۇشەيتىپ، گۋمانيتارلىق اۋىس - ءتۇيىستى كەڭەيتۋ كەرەك. ەكى جاق اناعۇرلىم كەڭ كولەمدەگى «جۇڭگو، ءۇندىستان +» سەلبەستىگىن اقىلداسىپ، ورىستەتىپ، ب م ۇ، بريكس ەلدەرى، شاڭحاي سەلبەستىك ۇيىمى قاتارلى كوپ ورىندارداعى سايكەستىكتى، سەلبەستىكتى كۇشەيتۋ كەرەك.  

 شي جينپيڭ مىنانى اتاپ كورسەتتى: كەزەكتە، دۇنيە ءجۇزى ەكونوميكاسى ءدوپ كەلگەن حاۋىپ - قاتەرلەر مەن سىن - سايىستار شيەلەنىسە تۇسۋدە. جۇڭگو مەن ءۇندىستان ەكى جاق سايكەستىكتى، سەلبەستىكتى كۇشەيتىپ، بىرگە سايكەستى توتەپ بەرۋ كەرەك. ءبىز جاڭالىق اشا جەتەكتەۋگە تاباندى بولىپ، رەفورمانى قاجىرلىلىقپەن تەرەڭدەتىپ، ءوز ەلدەرىمىزدىڭ ەكونوميكاسىنىڭ ورنىقتى، ءبىرشاما تەز ارتۋىن ساقتاۋىمىز؛ وڭتۇستىك پەن وڭتۇستىكتىڭ سەلبەستىگىن جەبەپ، بىرلەسىپ ءوزىن الۋەتتەندىرۋدى ىسكە اسىرۋىمىز؛ قورعامپازدىققا، سىڭار جاقتىلىققا قارسى تۇرىپ، دۇنيە جۇزىلىك ساۋدا ۇيىمىنىڭ وزەكتى قۇنىنا جانە نەگىزگى پرينسيبىنە تاباندى بولىپ، وركەندەپ كەلە جاتقان ەلدەردىڭ دامۋ كەڭىستىگىن جانە دامۋ ۇقىق - مۇددەسىن جاقسى قورعاپ، الەمدىك اشىق ەكونوميكانى بىرگە قۇرىپ، ەكونوميكانىڭ جاھاندانۋىن اناعۇرلىم اشىق، سيىسىمدى، جالپىعا ءتيىمدى، تەپە - تەڭ، بىرگە يگىلىككە كەنەلەتىن بەتالىسقا قاراي دامۋىن ىلگەرىلەتۋىمىز كەرەك.  

 مودي مىنانى ءبىلدىردى: بيىل جىل باسىنان بەرى، مەن ءتوراعا شي جينپيڭمەن كوپ رەت كەزدەسىپ، كوپتەگەن ماڭىزدى ورتاق تانىمعا كەلدىك، ءتوراعا شي جينپيڭ ءۇندىستان - جۇڭگو قارىم - قاتىناسىنىڭ دامۋىنا وسكەلەڭ ءمان بەردى ءارى ونى پارمەندى ىلگەرىلەتتى. ءۇندىستان جۇڭگونىڭ حالىقارالىق يمپورت كورمەسىن وتكىزگەندىگىن قولدايدى، بۇل شارا دۇنيە جۇزىلىك ساۋدانىڭ بىركەلكى دامۋىن جەبەۋدە ايرىقشا ماڭىز الادى. جۇڭگو جاقتىڭ ءۇندىستان جاقتى سۋ رايى جانە تاسقىن ينفورماتسياسىمەن دەر كەزىندە قامداعانىنا العىس ايتادى، بۇل ءۇندىستان جاقتىڭ تاسقىننان ساقتانىپ، اپاتقا قارسى تۇرۋىندا ەرەكشە ماڭىزدى رول اتقاردى. ءۇندىستان جاق جۇڭگو جاقپەن ءوزارا سەنىمدىلىكتى كۇشەيتىپ، شەكارا ەرەكشە ۋاكىلدەرىنىڭ كەزدەسۋ مەحانيزمىنىڭ رولىن ساۋلەلەندىرىپ، ەكى ەلدىڭ شەكارا ءوڭىرىنىڭ بەيبىتشىلىگى مەن تىنىشتىعىن ويداعىداي قورعاۋدى قالايدى. ءتۇرلى - ءتۇستى مەحانيزم سيپاتتى تىلدەسۋدى ىلگەرىلەتىپ، ساۋدا، ەمدەۋ، ءدارى - دارمەك، حابارلاسۋ، ساياحات، زاڭ اتقارۋ، حاۋىپسىزدىك سياقتىلارداعى اۋىس - ءتۇيىس سەلبەستىگىن تەرەڭدەتىپ، كوپ جاقتىلى ىستەردەگى پىكىرلەستىكتى، سايكەستىكتى كۇشەيتەدى. مەن ءتوراعا شي جينپيڭمەن بىرگە قۇلشىنىپ، ءۇندىستان - جۇڭگو قارىم - قاتىناسىن تىڭ دەڭگەيگە كوتەرۋدى قالايمىن.  ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلىلار كەزدەسۋدە بىرگە بولدى.


بەرىپ كەت ورامالىڭدى

دوستار

الىستاعى اق ەركە