جاڭا حابارلار

شي جينپيڭ بريكس ەلدەرى باسشىلارىنىڭ بەيرەسمي كەڭەسىنە قاتىناستى 

    كەلۋ قاينارى: شينجياڭ گازەتى    2018-12-02 21:54:47  

 شينحۋا اگەنتتىگىنىڭ 11 - ايدىڭ 30 - كۇنى بۋەنوس - ايرەستەن بەرگەن حابارى (تىلشىلەر پەي جيانرۇڭ، ۋاڭ حايچيڭ). جەرگىلىكتى ۋاقىت 11 - ايدىڭ 30 - كۇنى بريكس ەلدەرى باسشىلارىنىڭ بەيرەسمي كەڭەسى ارگەنتينانىڭ بۋەنوس - ايرەسىندە وتكىزىلدى. مەملەكەت ءتوراعاسى شي جينپيڭ، وڭتۇستىك افريكانىڭ زۇڭتۇڭى راماپوسا، برازيليانىڭ زۇڭتۇڭى تەمەر، رەسەي زۇڭتۇڭى پۋتين، ءۇندىستاننىڭ زۇڭليى مودي كەڭەسكە قاتىناستى. بەس ەلدىڭ باسشىلارى دۇنيە ءجۇزى ەكونوميكاسىنىڭ جاعدايى، كەزەكتەگى سىن - سايىستارعا توتەپ بەرۋ جانە بريكس ەلدەرى سەلبەستىگى سياقتى تاقىرىپتاردى ارقاۋ ەتىپ، ىشكەرىلەي پىكىر اۋىستىرىپ، كەڭ كولەمدە ورتاق تانىمعا كەلدى.   كەڭەستى بريكس ەلدەرى مەحانيزمىنە كەزەكتى ءتوراعا ەل وڭتۇستىك افريكانىڭ زۇڭتۇڭى راماپوسا باسقاردى.   شي جينپيڭ سوزىندە مىنالاردى اتاپ كورسەتتى: بيىل 7 - ايدا بريكس ەلدەرى باسشىلارى يوحاننەسبۋركتە جەتىستىككە تولى كەزدەسۋ وتكىزىپ، كوپتەگەن ماڭىزدى ورتاق تانىمعا كەلدى. كەزەكتە دۇنيە ءجۇزى ەكونوميكاسىندا حاۋىپ - قاتەر جوعارىلاپ، كوپ جاقتىلىق، كوپ جاقتى ساۋدا ءتۇزىلىسى سوققىعا ۇشىرادى، بۇل حالىقارالىق قوعامنىڭ ورتاق مۇددەسىنە ۇيلەسپەيدى. ۇشاندا ءبىر كەزدەسەتىن كەزەكتەگى ۇلكەن وزگەرىس جاعدايىندا، بريكس ەلدەرى ىنتىماقتى كۇشەيتىپ، بەتالىستى مىقتاپ يگەرىپ، ءجيى بايلانىس جاساپ، سايكەسىپ، جاۋاپكەرلىك ارقالاۋدى ايگىلەپ، الەمدىك جونگە سالۋدىڭ دۇرىس جولمەن ىلگەرىلەي بەرۋىن بىرگە جەبەپ، دۇنيە ءجۇزى ەكونوميكاسىنىڭ ورنىقتىلىعىن، دامۋىن، گۇلدەنۋىن قورعاۋ كەرەك.   ءبىرىنشى، ءبىز كوپ جاقتىلىققا تاباندىلىقپەن قولداۋ كورسەتۋىمىز كەرەك. ءبىر جاعادان باس، ءبىر جەڭنەن قول شىعاراتىن سەرىكتەستىك رۋح ۇستانىپ، 20 ەل توبى، ب م ۇ، دۇنيە جۇزىلىك ساۋدا ۇيىمى سياقتىلار اياسىنداعى سەلبەسۋ مەن سايكەسۋدى كۇشەيتىپ، كوپ جاقتىلىق پەن ەرەجەنى نەگىز ەتكەن حالىقارالىق ءتارتىپتى بىرلەسە قورعاپ، قورعامپازدىققا، ءبىر جاقتىلىققا قارسى تۇرىپ، حالىقارالىق قوعامنىڭ سەلبەستىگىن ىلگەرىلەتىپ، ەلەۋلى سىن - سايىستارعا توتەپ بەرۋىمىز كەرەك.   ەكىنشى، ءبىز الەمدىك ەكونوميكانى جونگە سالۋدى ۇزدىكسىز كەمەلدەندىرۋىمىز كەرەك. دۇنيە جۇزىلىك ساۋدا ۇيىمىنىڭ رەفورما بەتالىسىن ويداعىداي يگەرۋ كەرەك. دۇنيە جۇزىلىك ساۋدا ۇيىمىنىڭ وزەكتى قۇنى مەن نەگىزگى پرينسيبىن جوعالتۋعا بولمايدى، وركەندەپ كەلە جاتقان ەلدەر يگىلىكتەنەتىن وزگەشەلىكتى جانە ايىرماشىلىقتى مامىلە، ءسوز جوق، قامتاماسىز ەتىلۋى كەرەك. داۋ - شاردى شەشۋ مەحانيزمىنىڭ ساۋدا قارىم - قاتىناسىن رەتتەۋ جاعىنداعى ماڭىزدى رولىن كۇشەيتۋ كەرەك. حالىقارالىق اقشا - فينانس جۇيەسى رەفورماسىن ۇزدىكسىز ىلگەرىلەتىپ، بازارى جاڭادان گۇلدەنگەن ەلدەر مەن وركەندەپ كەلە جاتقان ەلدەردىڭ ۋاكىلدىك سيپاتى مەن سويلەۋ ۇقىعىن ونان ارى جوعارىلاتۋ كەرەك.   ءۇشىنشى، ءبىز ءار ەلدىڭ بىرگە دامۋىن ۇزدىكسىز ىلگەرىلەتۋىمىز كەرەك. بريكس ەلدەرى بازارى جاڭادان گۇلدەنگەن ەلدەر مەن وركەندەپ كەلە جاتقان ەلدەردى باستاپ، دامۋ ماسەلەسىن الەمدىك ساياسات جۇلگەسىندەگى باسىم ورىنعا قويىپ، 2030 - جىلعا دەيىنگى باياندى دامۋ كەڭەستىك ءتارتىبىن جاپپاي تياناقتاندىرۋ كەرەك. ورتاق، ءبىراق ايىرماشىلىقتى جاۋاپكەرشىلىك پرينسيبىنە تاباندى بولىپ، ءار جاقتىڭ «پاريج كەلىسىمىن» اتقارۋدىڭ ناقتى ەرەجەسى جونىندەگى كەلىسسوزدەردى ۋاعىندا ءبىتىرۋىن ىلگەرىلەتۋ كەرەك. دامىعان ەلدەردى دامۋعا كومەكتەسۋ جونىندەگى رەسمي ۋادەلەرىن ورىنداۋعا قۋزاپ، وركەندەپ كەلە جاتقان ەلدەر ءۇشىن قارجى، تەحنيكا، قابىلەت قۇرىلىسى جاعىندا قولداۋ كورسەتۋ كەرەك.   ءتورتىنشى، ءبىز بريكستىڭ ناقتى سەلبەستىگىن زور كۇشپەن تەرەڭدەتۋىمىز كەرەك. جاڭا ونەركاسىپ توڭكەرىسىندەگى سەرىكتەستىك قارىم - قاتىناستى جەدەل ىلگەرىلەتىپ، ەكونوميكانىڭ ارتۋىنىڭ جاڭا قوزعاۋشى ەنەرگياسىن قول ۇستاسا جەتىلدىرۋ كەرەك. «بريكس+» كومەسكى قۋاتىن تولىق ىسكە قوسىپ، بريكس سەلبەستىگىنىڭ باسقا دا بازارى جاڭادان گۇلدەنگەن ەلدەرگە جانە وركەندەپ كەلە جاتقان ەلدەرگە پايدا جەتكىزۋىنە مۇمكىندىك جاساۋ كەرەك.   شي جينپيڭ مىنالاردى باسا دارىپتەدى: بريكس ەلدەرىنىڭ بارلىعى 20 ەل توبىنىڭ ماڭىزدى مۇشەلەرى، ارگەنتينانىڭ وسى رەتكى 20 ەل توبى باسشىلارىنىڭ باس قوسۋىن ويداعىداي وتكىزۋىنە بىرگە قولداۋ كورسەتىپ، بۇكىل الەم الدىندا، حالىق الدىندا جاۋاپتى بولاتىن بەلسەندى جەتىستىككە جەتىپ، كوپ جاقتىلىقتى قولداۋ، حالىقارالىق سەلبەستىكتى كۇشەيتۋ، ءوزارا تيىمدىلىك جاساپ، تەڭ يگىلىكتەنۋدى جەبەۋ جونىندە پارمەندى ءۇنىن قاتۋى ءتيىس. برازيليا بريكستىڭ ءتوراعا ەلى جۇمىسىن وتكىزىپ الۋ الدىندا تۇر، جۇڭگو برازيليانىڭ كەلەر جىلعى قىزمەتىنە بار كۇشپەن قولداۋ كورسەتىپ، بريكس ەلدەرىمەن بىرگە ستراتەگيالىق سەرىكتەستىك قارىم - قاتىناستى تەرەڭدەتىپ، دۇنيە ءجۇزىنىڭ بەيبىتشىلىگى مەن دامۋى ءۇشىن اناعۇرلىم كەسەك ۇلەس قوسادى.  كەڭەسكە قاتىناسقان بريكس ەلدەرى باسشىلارى مىنالاردى ءبىلدىردى: دۇنيە ءجۇزىنىڭ ساياسيى، ەكونوميكاسى، ساۋداسى قاتاڭ سىن - سايىسقا ءدوپ كەلىپ تۇر، ءبىر جاقتىلىق، قورعامپازدىق سىڭايى كىسىنى الاڭداتادى. وسىنداي جاعدايدا، بريكس ەلدەرى ستراتەگيالىق سەلبەستىگىنىڭ كۇن سايىن كۇشەيىپ كەلە جاتقانى كىسىنى جەلپىندىرەدى. بريكس ەلدەرى ىنتىماقتى، سەلبەستىكتى نىعايتىپ، ەكونوميكا - ساۋدا، ەنەرگيا، عىلىم - تەحنيكا، فينانس، گۋمانيتارلىق، دەنساۋلىق ساقتاۋ سياقتى سالالارداعى ناقتى سەلبەستىكتىڭ تەرەڭدەۋىن، ناقتىلانۋىن ىلگەرىلەتىپ، جاڭا ونەركاسىپ توڭكەرىسىندەگى سەرىكتەستىك سەلبەستىكتى تىڭعىلىقتى ىلگەرىلەتىپ، ءار ەل حالقىن اناعۇرلىم ويداعىداي يگىلىككە كەنەلتۋ كەرەك. بريكس ەلدەرى كوپ جاقتىلىققا قولداۋ كورسەتۋ، ەرەجەگە نەگىزدەلگەن كوپ جاقتى ساۋدا ءتۇزىلىسىن قورعاۋ، قورعامپازدىققا قارسى تۇرۋ جونىندە باتىل ءۇن قاتىپ، حالىقارالىق بەيبىتشىلىك پەن حاۋىپسىزدىكتى قورعاۋ، الەمدىك تەپە - تەڭدىك پەن سيىسىمدى ءوسۋدى جەبەۋ، الەمدىك ەكونوميكانى جونگە سالۋدى كەمەلدەندىرۋ، ءادىل جانە ءوزارا قۇرمەتتەۋگە نەگىزدەلگەن حالىقارالىق تارتىپكە تاباندى بولۋ ءۇشىن بەلسەندى رول اتقارۋ كەرەك. 2030 - جىلعا دەيىنگى باياندى دامۋ كەڭەستىك ءتارتىبىن تياناقتاندىرۋ بارىسىندا، افريكا ەلدەرى سياقتىلارمەن سەلبەستىكتى كۇشەيتىپ، بازارى جاڭادان گۇلدەنگەن ەلدەر مەن وركەندەپ كەلە جاتقان ەلدەردىڭ مۇددەسىن بىرگە قورعاۋ كەرەك. كليمات وزگەرىسىنە توتەپ بەرۋ تۋرالى «پاريج كەلىسىمىن» قورعاپ، 20 ەل توبى باسشىلارىنىڭ باس قوسۋىندا وسى جونىندە بەلسەنە ءۇن قاتۋ كەرەك.  كەڭەستە «بريكس ەلدەرى باسشىلارىنىڭ بۋەنوس - ايرەستەگى بەيرەسمي كەڭەسىنىڭ اقپاراتتىق مازمۇنداماسى» جاريالاندى.   ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلىلار كەڭەسكە قاتىناستى. 


بەرىپ كەت ورامالىڭدى

دوستار

الىستاعى اق ەركە