جاڭا حابارلار

شي جينپيڭ 20 ەل توبى باسشىلارىنىڭ 13 - رەتكى باس قوسۋىنا قاتىناستى ءارى ماڭىزدى ءسوز سويلەدى

    كەلۋ قاينارى: شينجياڭ گازەتى    2018-12-02 22:07:54  
 
اشىق سەلبەسۋگە، سەرىكتەستىك رۋحقا، جاڭالىق اشۋدى جەتەكشى ەتۋگە، جالپىعا ءتيىمدى بولۋعا، تەڭ يگىلىكتەنۋگە تاباندى بولىپ، دۇنيە ءجۇزى ەكونوميكاسىنىڭ جالپى بەتالىسىن جاۋاپتى پوزيتسيامەن يگەرۋدى باسا دارىپتەدى
 


 
جەرگىلىكتى ۋاقىت 11 - ايدىڭ 30 - كۇنى 20 ەل توبى باسشىلارىنىڭ 13 - رەتكى باس قوسۋى ارگەنتينانىڭ بۋەنوس - ايرەسىندە وتكىزىلدى. مەملەكەت ءتوراعاسى شي جينپيڭ 1 - كەزەڭدىك ماجىلىسكە قاتىناستى جانە «بيىكتە تۇرىپ، الىسقا كوز تاستاپ، دۇنيە ءجۇزى ەكونوميكاسىنىڭ دۇرىس بەتالىسىن مىقتاپ يگەرەيىك» دەگەن تاقىرىپتا ماڭىزدى ءسوز سويلەدى. سۋرەتتى شينحۋا اگەنتتىگىنىڭ ءتىلشىسى لي تاۋ تۇسىرگەن 
 
شينحۋا اگەنتتىگىنىڭ 11 - ايدىڭ 30 - كۇنى بۋەنوس - ايرەستەن بەرگەن حابارى (تىلشىلەر چىن جى، لو جۇن، جىڭ شياۋ - ي). جەرگىلىكتى ۋاقىت 11 - ايدىڭ 30 - كۇنى 20 ەل توبى باسشىلارىنىڭ 13 - رەتكى باس قوسۋى ارگەنتينانىڭ بۋەنوس - ايرەس قالاسىندا وتكىزىلدى. مەملەكەت ءتوراعاسى شي جينپيڭ 1 - كەزەڭدىك ماجىلىسكە قاتىناستى ءارى «بيىكتە تۇرىپ، الىسقا كوز تاستاپ، دۇنيە ءجۇزى ەكونوميكاسىنىڭ دۇرىس بەتالىسىن مىقتاپ يگەرەيىك» دەگەن تاقىرىپتا ماڭىزدى ءسوز سويلەپ، 20 ەل توبىنىڭ اشىق سەلبەسۋگە، سەرىكتەستىك رۋحقا، جاڭالىق اشۋدى جەتەكشىلىك ەتۋگە، جالپىعا ءتيىمدى بولۋعا، تەڭ يگىلىكتەنۋگە تاباندى بولىپ، دۇنيە ءجۇزى ەكونوميكاسىنىڭ جالپى بەتالىسىن جاۋاپتى پوزيتسيامەن يگەرۋدى باسا دارىپتەدى. 

 جەرگىلىكتى ۋاقىت تۇستە، باس قوسۋ باستالدى. ارگەنتينانىڭ زۇڭتۇڭى ماكري باس قوسۋدى باسقاردى. 

  شي جينپيڭ نۇسقاۋ ءسوز سويلەپ، مىنالاردى اتاپ كورسەتتى: بيىل حالىقارالىق فينانس داعدارىسىنىڭ 10 جىلدىعى، سونداي - اق 20 ەل توبى باسشىلارىنىڭ باس قوسۋىنىڭ دا 10 جىلدىعى. دۇنيە ءجۇزى ەكونوميكاسى جالپى جاقتان ارتۋدى ساقتاعانمەن، داعدارىستىڭ تەرەڭ ساتىلى ىقپالى ءالى تولىق الاستالعان جوق، ەكونوميكالىق ارتۋدىڭ كونە - جاڭا قوزعاۋشى كۇشتەرىنىڭ الماسۋى ءالى اياقتالعان جوق، ءتۇرلى حاۋىپ - قاتەر جەدەل جيناقتالۋدا. دۇنيە ءجۇزى ەكونوميكاسى تاعى ءبىر مارتە تاريحي تاڭداۋعا ءدوپ كەلدى. 20 ەل توبى تاريحتىڭ ۇلى اۋقىمىنان زاڭدىلىقتاردى يگەرىپ، باعدار - بەتالىسقا جەتەكشىلىك ەتۋى كەرەك. دۇنيە ءجۇزى ەكونوميكاسى ۇدايى تولقىپ تۇرعانمەن، ءار ەلدىڭ ەسىك اشۋعا، توعىسۋعا بەت العان جالپى اۋقىمى وزگەرگەن جوق. ءار ەلدىڭ ءوزارا سەلبەسىپ، ارتىقشىلىقتارىمەن ءوزارا تولىقتاۋى − وندىرگىش كۇشتەردىڭ دامۋىنىڭ وبيەكتيۆ تالابى جانە وندىرىستىك قاتىناستاردىڭ وزگەرۋىنىڭ العا باسۋ بەتالىسىنا دا وكىلدىك ەتەدى. وسى ۇدەرىستە، ءار ەل بىرتە - بىرتە مۇددەلەس ورتاق تۇلعا، جاۋاپكەرشىل ورتاق تۇلعا، تاعدىرلاس ورتاق تۇلعا قالىپتاستىرادى. قول ۇستاسا سەلبەسىپ، ءوزارا تيىمدىلىك جەتكىزىپ، تەڭ يگىلىكتەنۋ − بىردەن - ءبىر دۇرىس تاڭداۋ. قات - قابات سايىستارعا سايكەس، ءبىز كوكەي كەستىلىك سەزىمدى كۇشەيتۋىمىز ءارى بايىپتى بولۋىمىز، بيىكتەن الىسقا كوز تاستاپ، دۇنيە ءجۇزى ەكونوميكاسىنىڭ جالپى بەتالىسىن جاۋاپتى پوزيتسيامەن يگەرۋىمىز كەرەك.   شي جينپيڭ مىنالاردى باسا دارىپتەدى: دۇنيە ءجۇزى ەكونوميكاسىنىڭ ورنىقتى دامۋىن ساقتاۋدىڭ ورتاق قاجەتى 20 ەل توبىن ومىرگە اكەلدى. 10 جىلدان بەرى، ءبىز ءبىر جەڭنەن قول، ءبىر جاعادان باس شىعارىپ، جۇدىرىقتاي جۇمىلىپ، دۇنيە ءجۇزى ەكونوميكاسىنىڭ قۇلدىراۋدان قۇتىلىپ، قالپىنا كەلۋ، ارتۋ ارناسىنا ءتۇسۋىن ىلگەرىلەتتىك. 10 جىلدان كەيىن، ءبىز تاعى دا جۇرەكتىلىكپەن بەل بايلاپ، ستراتەگيالىق كورەگەندىلىك كورسەتىپ، دۇنيە ءجۇزى ەكونوميكاسىنىڭ دۇرىس ارنامەن العا دامۋىنا جەتەكشىلىك ەتۋگە ءتيىسپىز.  

 ءبىرىنشى، اشىق سەلبەسۋگە تاباندى بولىپ، كوپ جاقتى ساۋدا ءتۇزىلىسىن قورعاۋ. ءبىز ەركىن ساۋدا مەن ەرەجەگە نەگىزدەلگەن كوپ جاقتى ساۋدا ءتۇزىلىسىن قورعاۋىمىز كەرەك. جۇڭگو جاق دۇنيە جۇزىلىك ساۋدا ۇيىمىنا قاجەتتى رەفورمالار جۇرگىزۋدى جاقتايدى، ونىڭ تەتىگى − دۇنيە جۇزىلىك ساۋدا ۇيىمىنىڭ اشىق، سيىسىمدى بولۋ، كەمسىتۋشىلىكتەن ادا بولۋ سياقتى وزەكتى قۇندىلىقتارى مەن نەگىزگى پرينسيپتەرى ساقتالۋى، وركەندەپ كەلە جاتقان ەلدەردىڭ دامۋ ۇقىق - مۇددەسى مەن ساياسات كەڭىستىگى قامتاماسىز ەتىلۋى كەرەك. ءار جاقتىڭ كەڭ كولەمدە ءماسليحاتتاسۋىنا تاباندى بولىپ، بىرتىندەپ ىلگەرىلەتۋ كەرەك.  

 ەكىنشى، سەرىكتەستىك رۋحقا تاباندى بولىپ، ماكرو ساياساتتاردى سايكەستىرۋدى كۇشەيتۋ. ءار جاق قازىنا، اقشا، قۇرىلىم رەفورمالارى ءبىر تۇلعالانعان ساياسات قۇرالدارىنا تاباندى بولىپ، دۇنيە ءجۇزى ەكونوميكاسىنىڭ سەرپىندى، تەپە - تەڭ، باياندى، سيىسىمدى ارتۋىن قۇلشىنا ىلگەرىلەتۋ كەرەك. دامىعان ەكونوميكالىق تۇلعالار اقشا جانە قازىنا ساياساتىن قولدانعاندا، ونىڭ بازارى جاڭادان گۇلدەنگەن ەلدەر مەن وركەندەپ كەلە جاتقان ەلدەرگە جاسايتىن سوققىسىنا اناعۇرلىم باسا نازار اۋدارۋ جانە ونى ازايتۋ كەرەك. حالىقارالىق اقشا جۇيەسى ۇزدىكسىز تۇردە كوپ نەگىزدەنۋ بەتالىسىن بويلاي العا قادام تاستاپ، اناعۇرلىم بەرىك عالامدىق فينانس حاۋىپسىزدىك تورىن ورناتۋ كەرەك.  

 ءۇشىنشى، جاڭالىق اشۋدى جەتەكشى ەتۋگە تاباندى بولىپ، ەكونوميكالىق ارتۋدىڭ قوزعاۋشى كۇشىن اشۋ. ءبىز جاڭالىق اشۋعا ىنتالاندىرىپ، سيفرلى ەكونوميكا مەن ناقتى تۇلعالىق ەكونوميكانىڭ تەرەڭ توعىسۋىن جەبەۋىمىز، سونىمەن بىرگە جاڭا تەحنيكانىڭ قولدانىلۋى اكەلگەن حاۋىپ - قاتەر مەن سىن - سايىسقا نازار اۋدارىپ، ءتۇزىم جانە زاڭ جۇيەسى قۇرىلىسىن كۇشەيتىپ، وقۋ - اعارتۋ مەن جۇمىسقا ورنالاستىرۋعا تاربيەلەۋگە ءمان بەرۋىمىز كەرەك. ءبىز ءوز دامۋىمىزدى تياناق ەتۋمەن بىرگە، ەسىكتى دە ايقارا اشىپ، جاڭا تەحنيكانىڭ، جاڭا ءبىلىمنىڭ تارالۋىن ىنتالاندىرىپ، جاڭالىق اشۋدىڭ اناعۇرلىم كوپ مەملەكەت پەن حالىقتى باقىتقا كەنەلتۋىنە مۇمكىندىك جاساۋىمىز كەرەك. 20 ەل توبىنىڭ «جاڭا تەحنيكانىڭ قولدانىلۋىن جانە ونىڭ ىقپالىن» ءتۇيىندى قىزمەت رەتىندە ىشكەرىلەي زەرتتەۋىن، سەلبەستىك وي جەلىسى مەن شارالارى جونىندە مۇقيات ىزدەنىس جاساۋىن ۇسىنامىن.  

 ءتورتىنشى، جالپىعا بىردەي بولۋعا، تەڭ يگىلىكتەنۋگە تاباندى بولىپ، عالامنىڭ سيىسىمدى دامۋىن جەبەۋ. ءبىز حالىقتى وزەك ەتكەن دامۋ يدەياسىنا تاباندى بولىپ، حالىقتىڭ تابىس سەزىمىن، باقىت سەزىمىن، حاۋىپسىزدىك سەزىمىن قىزمەتتىڭ شىعار ءتۇيىنى جانە تياناعى ەتۋىمىز كەرەك. دامۋ ماسەلەسىن الەمدىك ماكرو ساياساتتى سايكەستىرۋدىڭ كورنەكتى ورنىنا ۇزدىكسىز قويىپ، 2030 - جىلعا دەيىنگى باياندى دامۋ كەڭەستىك ءتارتىبىن ويداعىداي تياناقتاندىرۋ كەرەك. وركەندەپ كەلە جاتقان ەلدەردىڭ دامۋ مۇددەسى مەن ءورىسىن قورعاپ، افريكانىڭ دامۋىنا ۇزدىكسىز قولداۋ كورسەتىپ، افريكانىڭ نەگىزدىك قۇرىلعى قۇرىلىسىن جانە ۇلاستىرۋ - تۇتاستىرۋدى كۇشەيتۋىنە كومەكتەسىپ، جاڭا ونەركاسىپتەندىرۋ ءۇردىسىن ىلگەرىلەتۋ كەرەك. 

  شي جينپيڭ مىنالاردى باسا دارىپتەدى: بيىل جۇڭگونىڭ رەفورما جاساپ، ەسىك اشقاندىعىنىڭ 40 جىلدىعى. 40 جىلدان بەرى، حالىقارالىق قوعامنىڭ قولداۋىندا، جۇڭگو حالقى قاجىماي - تالماي كۇرەس جۇرگىزۋ ارقىلى تاريحي دامۋ جەتىستىكتەرىنە قول جەتكىزدى. جۇڭگو رەفورما جاساپ، ەسىك اشۋدىڭ پايداسىن كوردى، جاڭا كەزەكتى رەفورما جاساپ، ەسىك اشۋدى تاباندىلىقپەن ىلگەرىلەتىپ، بازارلاندىرۋ رەفورماسىن ۇزدىكسىز تەرەڭدەتىپ، مال - مۇلىك ۇقىعى مەن ءبىلىم مەنشىك ۇقىعىن قورعاپ، ءادىل باسەكەنى ىنتالاندىرىپ، يمپورتتى ىرىقتىلىقپەن كەڭەيتەدى. جۇڭگو ءار ەلدىڭ ەركىن، اشىق، سيىسىمدى، ءتارتىپتى حالىقارالىق ەكونوميكالىق ۇلكەن ورتانى بىرگە قالىپتاستىرۋىن ءۇمىت ەتەدى. 

  ماجىلىسكە قاتىناسقان كوپتەگەن باسشىلار مىنالاردى ءبىلدىردى: كەزەكتە، دۇنيە جۇزىلىك ەكونوميكا جالپى جاقتان ارتۋدى ساقتاعانىمەن، ارتۋ قارقىنى باياۋلاپ، قورعامپازدىق، ءبىر جاقتىلىق سىڭايى باس كوتەرىپ، دۇنيە ءجۇزى ەكونوميكاسى ءدوپ كەلگەن حاۋىپ - قاتەرلەر كۇشەيدى. تاراپتار ىنتىماقتى كۇشەيتىپ، ماكرو ساياساتتى سايكەستىرۋ، قۇرىلىم رەفورماسى، 2030 - جىلعا دەيىنگى باياندى دامۋ كەڭەستىك ءتارتىبىن تياناقتاندىرۋ، نەگىزدىك قۇرىلعى قۇرىلىسى سياقتى سالالارداعى سەلبەستىكتى كۇشەيتىپ، كوپ جاقتى ساۋدا ءتۇزىلىسىن بىرگە قورعاپ، ساۋدا مەن قارجى قوسۋدىڭ ەركىن، قولايلى بولۋىن ىلگەرىلەتىپ، قورعامپازدىققا قارسى تۇرىپ، عالامدىق ەكونوميكانى جونگە سالۋدى ونان ارى كەمەلدەندىرىپ، دۇنيە ءجۇزى ەكونوميكاسىنىڭ قۋاتتى، باياندى، تەپە - تەڭ، سيىسىمدى دامۋىن بىرگە ىلگەرىلەتۋ كەرەك.  

 «ءادىل جانە باياندى بولاشاق» تاقىرىبىن تالقىلاعان كەزدە، شي جينپيڭ مىنالاردى اتاپ كورسەتتى: 20 ەل توبىنىڭ ەكونوميكالىق كولەمى دۇنيە ءجۇزى ەكونوميكاسى جالپى كولەمىنىڭ %80ىنەن اسادى. ءبىزدىڭ ءار مۇشەنىڭ ەكونوميكاسى ورنىقتىلىق پەن ارتۋدى ساقتاسا، دۇنيە ءجۇزى ەكونوميكاسىنىڭ ورنىقتىلىعى مەن ارتۋى قامتاماسىز ەتىلەدى. بارلىعىمىز دۇنيە ءجۇزى ەكونوميكاسىنا وڭ ەنەرگيا ۇستەپ، ماكرو ەكونوميكالىق ساياساتتىڭ جاعىمسىز سىرتقا اعىلۋ اسەرىن ازايتىپ، بىرگە دامۋدىڭ تاماشا اينالىمىن قالىپتاستىرۋعا قۇلشىنۋىمىز كەرەك. جۇڭگو ءوزىنىڭ زاڭدى مۇددەسىن، ورىندى تالابىن، حالىقارالىق ادىلەتتىلىك پەن ادىلدىكتى قورعاۋ تۇرعىسىنان مىزعىمايدى. سونىمەن بىرگە، ءبىز ناتيجەلى پوزيتسيانى نەگىزگە الا وتىرىپ ءار جاقپەن سەلبەستىكتى كۇشەيتۋدى، الاۋىزدىقتى كەڭەسىپ ءبىر جاقتى ەتۋدى دە قالايمىز. مەن بارلىعىمىز سەرىكتەستىك رۋحىن ساۋلەلەندىرىپ، تەپە - تەڭ كەڭەسىپ، ءوزارا ءتۇسىنىپ، ءبىر - بىرىمىزگە جول بەرسەك، شەشىلمەيتىن ماسەلە بولمايدى، ءسوز جوق، رازى بولاتىن جاۋاپ تابا الامىز دەپ سەنەمىن.   باسشىلار باس قوسۋى باستالاردان بۇرىن، ماجىلىسكە قاتىناساتىن باسشىلار توپتىق سۋرەتكە ءتۇستى. 

  ياڭ جيەچى، ۋاڭ ي قاتارلىلار قاتىستى قيمىلدارعا قاتىناستى.   وسى رەتكى باسشىلار باس قوسۋىنىڭ تاقىرىبى: «ادىلدىك پەن باياندى دامۋ ءۇشىن ورتاق تانىم ۇيىستىرايىق»، ماجىلىسكە قاتىناسقان باسشىلار وسى تاقىرىپتى ارقاۋ ەتىپ، ىشكەرىلەي پىكىر اۋىستىردى. 
 


بەرىپ كەت ورامالىڭدى

دوستار

الىستاعى اق ەركە