جاڭا حابارلار

قاشقار ايماعى جان-جاقتىلى شارا قولدانىپ، كەدەيلىكتەن قۇتىلدىرۋدان قامال الۋدىڭ ناقتى ونىمدىلىگىنە قول جەتكىزۋ اياق الىسىن ىلگەرىلەتتى

    كەلۋ قاينارى: شينجياڭ حالىق راديو ىستانسياسى    2018-12-03 11:41:01  
ستانسيامىزدىڭ تىلشىلەرى زىڭ يە مەن سۇن ۋيدىڭ حابارى: قاشقار ايماعىندا كەدەي حالىق سانى كوپ، كەدەيلىكتەن قۇتىلدىرۋ مىندەتى اۋىر. سوڭعى جىلدارى، قاشقار ايماعى ءىس جۇزىندىكتى شىعار ءتۇيىن ەتىپ، اۋىل-قىستاقتاعى ارتىق ەڭبەككۇشتەردى كاسىپتەنۋگە تاربيەلەۋ، ەرەكشە كاسىپ ارقىلى سۇيەمەلدەۋ، بايىرعى كونە قالا رايونىن وزگەرتۋ سياقتى جاقتاردا جان-جاقتىلى شارا قولدانىپ، كەدەيلىكتەن قۇتىلدىرۋدان قامال الۋدىڭ ناقتى ونىمدىلىگىنە قول جەتكىزۋ اياق الىسىن ىلگەرىلەتتى.
ءدال قازىر شىلان مانەرلەۋدىڭ جانە ساتۋدىڭ تاماشا ءساتى، شاندوڭ ولكەسى رىجاۋ قالاسىنىڭ شينجياڭعا باعىتتامالى كومەكتەسۋ قولباسشىلىق شتابىنىڭ ماكىت اۋدانى ءتۇمانتال اۋىلى ءتۇمانتال قىستاعىندا قارجى قوسىپ قۇرعان ەكى شىلان مانەرلەۋ زاۆودتىنىڭ ءونىم مولشەرى مەن ساتىلىم مولشەرى تۇگەل ارتتى. وسىندا قىزمەت ىستەيتىن جۇمىسشىلار تۇگەل قىستاقتاعى كەدەي وتباسى مۇشەلەرى، قازىر مۇندا 80 جۇمىسشى بار. وتباسى كەدەي ديحان مامەت ءامىر:«ون نەشە ادام كۇنىنە ەكى دە ءۇش مىڭ جاشىك شىلان قوراپتايمىز، ءار جاشىكتىڭ قوراپتاۋ اقىسى ءبىر يۋان، ون نەشەۋىمىز كۇنىنە ەكى دە ءۇش مىڭ يۋان اقشا تابامىز، كىسى باسىنا 200 نەشە يۋاننان تۋرا كەلەدى»،-دەدى.
سوڭعى جىلدارى، قاشقار ايماعى كەدەيلىكتەن قۇتىلدىرۋ قىزمەتىن ۇرتىس جۇيەلەندىرۋدەن سىرت، كەدەيلىكتەن قۇتىلدىرۋدان قامال الۋدىڭ ون ءىرى ينجەنەرياسىن ارنايى اتقاردى، ءتۇمانتال قىستاعىنان قۇرىلعان شىلان زاۆودى دا وسىنىڭ ىشىندەگى كاسىپ ارقىلى كەدەيلەردى سۇيەمەلدەۋ نىساندارىنىڭ ءبىرى. سونىمەن بىرگە، قاشقار ايماعى تاعى شارت-جاعدايى بار كەدەي قىستاقتاردىڭ ءبىر شاعىن زاۆود نەمەسە كەدەيلەردى سۇيەمەلدەۋ سەحىن، ءبىر ساپالى سورت جەتىلدىرۋ ورتالىعىن نەمەسە باعىمشىلىق شاعىن رايونىن، ءبىر جەمىس-جيدەكتى جاستاي ساقتاۋ نەمەسە توڭازىتىپ ساقتاۋ قويماسىن جانە ءبىر كوۆپەراتيۆ قۇرۋىن العا قويدى. مىنە وسى نەگىزگى تۇلعالار ماڭىنداعى قىستاق تۇرعىندارىن ۇيىمداسىپ، بىرىككەن كۇش قالىپتاستىرىپ، بازار اشۋدى پارمەندى جەبەدى.
«دايىندىعىڭ كۇشتى بولسا، جۇمىسىڭ دا ءساتتى بىتەدى»،-دەمەكشى. قىسقى ەگىس جۇمىسىنىڭ سايابىر مەزگىلىندە، قاشقار ايماعىنىڭ اۋىل-قىستاقتارىندا كاسىپتەنۋ جاعىندا ءتۇرلى ونەرگە تاربيەلەۋ قىزمەتى بارىنشا كۇشەيىپ، كەدەيلىكتەن قۇتىلدىرۋدان قامال الۋ اياق الىسىن بارىنشا جەبەدى. 11-ايدىڭ 29-كۇنى، يوپۇرعا اۋداندىق اۋىل شارۋاشىلىق راديو-تەلەۆيزيا مەكتەبى مەن ورمان شارۋاشىلىعى مەكەمەسى بىرلەسىپ، جاڭاشا كاسىپتىك ديحانداردى تاربيەلەۋ كلاسىن اشتى. ساباق بەرەتىن وقىتۋشى نازاريانى امالياتپەن ۇشتاستىرىپ، ءار قايسى اۋىل-قالاشىقتان كەلگەن كۋرسانتتارعا ەگىس داقىلدارىنان مول ءونىم الۋ، ەگۋ، باپتاپ باسقارۋ تەحنيكاسى، دەرت-دەربەز بەن زياندى-جاندىكتەردەن ساقتانۋ جانە ونى تىزگىندەۋ تەحنيكاسى، اۋلا باعىمشىلىق تەحنيكاسى، توراپتاعى ەلەكتروندى ساۋدا ىستەرى تەحنيكاسى سياقتى كاسىپتىك بىلىمدەردى ۇيرەتتى. يوپۇرعا اۋدانى جەكسەنبى بازار قالاشىعى چىگىلىك قىستاعىنىڭ تۇرعىنى زۇلپيا ءيمىت: «كۋرسقا بەس كۇن قاتىناسىپ، كوپتەگەن ءبىلىم يگەردىم، كەلەر جىلى شىلان اتىزىن باپتاپ باسقارۋدا، وسى ۇيرەنگەن بىلىمدەرىمەن پايدالانىپ، شىلاندى عىلىمي باپتاپ-باسقارىپ، كەدەيلىكتەن ەرتەرەك قۇتىلۋ ءۇشىن قۇلشىنا كۇرەس جاسايمىن» ،-دەدى.
قاشقاردىڭ كەدەيلىكتەن قۇتىلدىرۋدان قامال الۋ قىزمەتىندە، قاشقار كونە قالاسىن جاڭالاۋ ــ تاريحي مادەني مۇرا قۇنىنا يە بايىرعى قۇرىلىس پەن ۋاكىلدىك سيپاتقا يە تيپتىك ءداستۇرلى تۇرعىندار رايونىن ساقتاپ قالۋمەن بىرگە، كونە قالا رايونىنداعى 220 مىڭ تۇرعىندى رەفورما جاساپ، ەسىك اشۋدىڭ تيىمدىلىگىنە كەنەلتتى. قازىر قاشقار كونە قالاسى جەرگىلىكتى ورىننىڭ ساياحات پەن تۇرعىنداردىڭ كەدەيلىكتەن قۇتىلىپ اۋقاتتانۋىنىڭ تانىسقىسىنا اينالدى. كورىنىس رايونىنداعى ساۋدا ورىنى كونە قالا رايونىن جاڭالاۋدان بۇرىنعى 810 نان مولايىپ، 2 مىڭ 437 كە جەتىپ، تىكەلەي كاسىپتەنگەندەر 7 مىڭ 311 ادام، جانامالاي كاسىپتەنگەندەر 42 مىڭ 866 ادام بولدى. اركىن ۇبىلقاسىمنىڭ قاشقار كونە قالا رايونىندا ساۋدامەن اينالىسقانىنا ون جىل بولدى، ول كونە قالا رايونى جاڭالانعاننان كەيىن، ساياحاتشىلاردىڭ ەرەكشە كوبەيگەنىن، ءار كۇنى كەشكى ساۋدا سوماسىنىڭ 2 مىڭ يۋاننان اساتىنىن ايتا كەلىپ: «ەرەكشە قۋانىشتامىن، قازىر كەشكى بازاردىڭ ورتاسى دا وتە جاقسى، ادام دا كوپ، بارعان سايىن جاقسارۋدا، قازىر كۇندىك ساۋدام 2 مىڭ يۋاننان تۇسپەيدى، قازىر قالتامىز دا قالىڭدادى، وتە قۋانشتامىز»،-دەدى.

بەرىپ كەت ورامالىڭدى

دوستار

الىستاعى اق ەركە