جاڭا حابارلار

شي جينپيڭ ارگەنتينانىڭ «ازاتتىق اپەرۋشى سان مارتين ۇلكەن القا وردەنىن» قابىلدادى

    كەلۋ قاينارى: شينجياڭ گازەتى    2018-12-04 15:59:34  
شينحۋا اگەنتتىگىنىڭ 12 - ايدىڭ 2 - كۇنى بۋەنوس - ايرەستەن بەرگەن حابارى (ءتىلشى لو جۇن). جەرگىلىكتى ۋاقىت 12 - ايدىڭ 2 - كۇنى مەملەكەت ءتوراعاسى شي جينپيڭ بۋەنوس - ايرەستە ارگەنتينانىڭ زۇڭتۇڭى ماكري تابىستاعان «ازاتتىق اپەرۋشى سان مارتين ۇلكەن القا وردەنىن» قابىلدادى.   وردەن بەرۋ سالتى زۇڭتۇڭ سارايىندا وتكىزىلدى. جۇرگىزۋشى «اكىمشىلىك جارلىقتى» وقىعاننان كەيىن، ماكري شي جينپيڭگە «ازاتتىق اپەرۋشى سان مارتين ۇلكەن القا وردەنىن» تابىستادى. بۇل وردەن ارگەنتينانىڭ ەل اتاسى سان مارتيننىڭ اتىمەن اتالعان، ارگەنتينا ۇكىمەتىنىڭ شەتەل ازاماتتارىنا سيلايتىن ەڭ جوعارى مارتەبەسى، ونى مەملەكەت باسشىسى تىكەلەي تابىستايدى.   ماكري سوزىندە جۇڭگونىڭ شي جينپيڭنىڭ باسشىلىعىندا زور دامۋ جەتىستىكتەرىنە قول جەتكىزگەندىگىن القادى، ارگەنتينا - جۇڭگو قارىم - قاتىناسىن، سونداي - اق جۇڭگونىڭ دۇنيە ءجۇزىنىڭ بەيبىتشىلىگىن قورعاۋدا، بىرگە دامۋدى جەبەۋدە قوسقان ماڭىزدى ۇلەسىن جوعارى باعالادى.   شي جينپيڭ سوزىندە مىنانى ءبىلدىردى: ماكري زۇڭتۇڭ ماعان «ازاتتىق اپەرۋشى سان مارتين ۇلكەن القا وردەنىن» تابىستادى، مەن بۇنى اسا ماقتانىش سەزىنەمىن. بۇل وردەن ارگەنتينا حالقىنىڭ تاۋەلسىزدىككە، ءوز - وزىنە قوجايىن بولۋعا تالپىنعان ۇلت رۋحىنىڭ سيمۆولى، بۇندا ارگەنتينانىڭ جۇڭگو حالقىنا دەگەن تەرەڭ دوستىعى جاتىر. بۇل داڭق جەكە ماعان ءتان بولۋمەن بىرگە، جۇڭگو مەن ارگەنتينانىڭ دوستىعىنا ەڭبەكتەنىپ تەر توككەن دوس قايراتكەرلەرگە دە ءتان. مەن بۇل تاماشا دوستىقتى ماڭگى قاستەرلەيمىن.   ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلىلار جوعارىداعى قيمىلدارعا قاتىناستى.

بەرىپ كەت ورامالىڭدى

دوستار

الىستاعى اق ەركە