جاڭا حابارلار

شينجياڭ ايەلدەر باسكەتبول كومانداسى ءوز الاڭىندا ۋحان ايەلدەر باسكەتبول كومانداسىن ويسىراتا جەڭىپ الدى

    كەلۋ قاينارى: شينجياڭ حالىق راديو ىستانسياسى    2018-12-05 11:34:15  
ستانسيامىزدىڭ ءتىلشىسى لەي ميڭنىڭ حابارى: 12-ايدىڭ 3-كۇنى 2018-، 2019-جىلعى جارىس مەزگىلىندەگى جۇڭگو ايەلدەر كاسىپتىك باسكەتبول كوماندالار جارىسىنىڭ 17-كەزەكتى سايىسى ءوتتى، شينجياڭ دەنە-تاربيە سيلىقتى بەلەت ايەلدەر باسكەتبول كومانداسى ءوز الاڭىندا 63 كە قارسى 87 ۇپايمەن ۋحان شىڭفان ايەلدەر باسكەتبول كومانداسىن ويسىراتا جەڭدى.
جارىستىڭ ءبىرىنشى كەزەگىندە، ىشكى الاڭدا باسىم ورىندى يەلەگەن شينجياڭ كومانداسى جارىستىڭ ءريتمىن يگەرىپ، 10 عا قارسى 24 ۇپايمەن وزدى؛ ەكىنشى كەزەكتە شينجياڭ كومانداسى دوپشىسىن اۋىستىرعانىمەن باسىمدىلىعىن ۇزدىكسىز ساقتاپ، 27 گە قارسى 43 ۇپايمەن جارىستىڭ الدىڭعى جارىمىن اياقتاتتى. ءۇشىنشى كەزەكتە جارىس الاڭىندا توسىن وزگەرىس تۋىلىپ، ۋحان كومانداسى قورعانىستى كۇشەيتۋمەن بىرگە كارعا دوپ ءتۇسىرۋ ونىمدىلىگىن ارتتىردى، الدىمەن پىڭ حۋاچيان ارت-ارتىنان ءۇش ءنومىرلى دوپ ءتۇسىرىپ، شينجياڭ كومانداسىن قىسپاققا الدى، ونان سوڭ، ان ەمبر حاري ارت-ارتىنان كۇشتى شابۋىلعا ءوتىپ، ۋحان كومانداسىنىڭ ءنومىر پارقىن ءبىر ورىندى سانعا ءتۇسىرىپ، شينجياڭ كومانداسى نەبارى 49 عا قارسى 55 ۇپايمەن باسىمدىلىقتى يەلەدى، سوڭعى كەزەكتە، شينجياڭ كومانداسى قايراتتانىپ، بوگەۋ بەرمەس كۇشتى ارىنمەن سوڭىندا زور جەڭىسكە قول جەتكىزدى.
تۇتاس جارىستا شينجياڭ كومانداسىنان ءتورت دوپشى ەكى ورىندى سانمەن ۇپاي الدى، ناتاشا حوۋارد تۇتاس جارىستا ەڭ جوعارى 41 ۇپاي الدى ءارى 11 دوپتى توسىپ قالدى. ۋاڭ ليلي 21 ۇپاي السا، حان شۇي 11 ۇپاي ۇلەس قوسىپ، 8 دوپتى توسىپ قالدى، پىڭ شىچيڭ 10 ۇپاي الىپ، 10 رەتكى شابۋىلعا ءوز ۇلەسىن قوستى. سوڭىندا شينجياڭ ايەلدەر باسكەتبول كومانداسى 63 كە قارسى 87 ۇپايمەن ارىپتەسىن جەڭدى. شينجياڭ كومانداسىنىڭ مۇشەسى حان شۇي: «اراسىندا ازعانداي ماسەلە بايقالدى، باستىسى شابۋىلداعى دوپتىڭ گارعا ءتۇسۋ ونىمدىلىگى تومەندەپ، قارسى جاقتىڭ ەرەكشەلىگى كورنەكتىلەنە ءتۇستى، ايتالىق ولاردىڭ شۇعىل شابۋىلداۋ جانە ءۇش ءنومىرلى دوپ تاستاۋ ەرەكشەلىگى ساۋلەلەندى، سوندىقتان اراسىندا ءنومىر پارقى ازايدى، بۇدان بىلاي گارعا دوپ ءتۇسىرۋ جاتتىعۋىن كۇشەيتەمىز»،-دەدى.
سونىمەن داعدىلى جارىستىڭ الدىڭعى جارىم كەزەڭى اياقتاپ، شينجياڭ كومانداسى جالپى ءنومىر قاتارىندا ءتورتىنشى بولدى. شينجياڭ ايەلدەر باسكەتبول كومانداسىنىڭ باس جاتتىقتىرۋشىسى شيۇڭ يان: «سوڭعى كەزەكتەگى جارىستاردا كوپشىلىك بار كۇشىن سالدى، ءبىز ارىپتەسىمىزگە قاراتا ءتۇرلى دايىندىقتار ىستەدىك، تاياۋ مەزگىلدەگى جاتتىعۋ جارىسى ارقىلى ءبىز نەگىزىنەن جاتتىعۋدىڭ ورنىنا جارىسقا تۇستىك، دوپشىلاردىڭ بەينەسى نەداۋىر جاقسى بولدى، سوندىقتان مۇنداي ناتيجەگە قول جەتكىزۋ تۇتاس كوماندانىڭ قۇلشىنۋىنىڭ ناتيجەسى دەۋگە بولادى»،-دەدى.

بەرىپ كەت ورامالىڭدى

دوستار

الىستاعى اق ەركە