جاڭا حابارلار

رايونىمىزدىڭ جەر-جەرى مەملەكەتتىك نەگىزگى زاڭ كۇنىن ۇگىتتەۋ قيمىلىن وتكىزدى

    كەلۋ قاينارى: شينجياڭ حالىق راديو ىستانسياسى    2018-12-05 11:36:16  
بۇگىن ـــــ 5-رەتكى مەملەكەتتىك نەگىزگى زاڭ كۇنى، ۇستىمىزدەگى اپتا-ەلىمىزدىڭ تۇڭعىش رەتكى نەگىزگى زاڭدى ۇگىتتەۋ اپتاسى. بىرنەشە كۇننەن بەرى، رايونىمىزدىڭ جەر-جەرى فورماسى الۋان ءتۇرلى ۇگىت قيمىلدارىن ورىستەتىپ، كادرلار مەن بۇقارانىڭ «نەگىزگى زاڭعا قۇرمەت ەتىپ، نەگىزگى زاڭدى بارىنەن جوعارى ورىنعا قويۋ »تانىمىن كۇشەيتتى.
«مەن جۇڭحۋا حالىق رەسپۋبليكاسىنىڭ نەگىزگى زاڭىنا» ادال بولىپ، نەگىزگى زاڭنىڭ بەدەلىن قورعاپ، زاڭدا بەلگىلەنگەن مىندەتىمدى اتقارامىن، وتانعا، حالىققا ادال بولامىن...».
12-ايدىڭ 3-كۇنى، شايار اۋداندىق حالىق سوت مەكەمەسى مەملەكەتتىك نەگىزگى زاڭ كۇنىندەگى سەرت بەرۋ سالتىن وتكىزدى. بارلىق سۋديا ۇستىلەرىنە سوت كيىمىن كيىپ، سوت زىناگىن تاعىپ، تىك تۇرىپ، سەرت باستاۋشىنىڭ جەتەگىندە، سول قولدارىنا «جۇڭحۋا حالىق رەسپۋبىليكاسىنىڭ نەگىزگى زاڭىن» ۇستاپ، وڭ جۇدىرىقتارىن كوتەرىپ، ايبىندى سەرت بەردى. شايار اۋداندىق حالىق سوت مەكەمەسى پارتگرۋپپاسىنىڭ ورىنباسار شۋجيى، سوت باستىعى تۇرسىن وسمان بىلاي دەدى: نەگىزگى زاڭ مەملەكەتتىڭ ءتۇبىرلى ءىرى زاڭى، مەملەكەتتى باسقارىپ، بيلىك جۇرگىزۋدىڭ باس ەرەجەسى، نەگىزگى زاڭعا وزگەرىس ەنگىزىلگەننەن كەيىنگى تۇڭعىش «4-جەلتوقسان» مەملەكەتتىڭ نەگىزگى زاڭ كۇنىندە مەكەمەمىزدەگى بارلىق كادرلار مەن ساقشىلاردىڭ سەرت بەرۋ قيىمىلىن وتكىزۋدەگى ماقسات ـــ كادرلار مەن ساقشىلاردىڭ سوت مىندەتىن جاپپاي اتقارىپ، وتانعا ادال بولىپ، قىزمەتتىڭ ۇددەسىنەن شىعىپ، ادال دا الەۋمەتشىل، حالىق سەنىم ارتاتىن تاڭداۋلى سۋديا بولۋىنا مۇمكىندىك جاساۋ ءۇشىن.
بىرنەشە كۇننەن بەرى، الاتاۋ قالالىق ءادىليا مەكەمەسى « نەگىزگى زاڭدى قۇرمەتتەۋدى، نەگىزگى زاڭدى ۇيرەنۋدى، نەگىزگى زاڭعا بويسىنۋدى، نەگىزگى زاڭدى قورعاۋدى، نەگىزگى زاڭنان پايدالانۋدى» باستى تاقىرىپ ەتكەن نەگىزگى زاڭدى ساقشى لاگەرىنە جەتكىزۋ قيمىلىن ورىستەتتى. الاتاۋ قالالىق قوعام حاۋىپسىزدىگى مەكەمەسى شارشەل كوشەسىندەگى حالىققا قولايلى ساقشى فۋنكىتىنىڭ ورىنباسار باستىعى ۋي يۇيفي بىلاي دەدى: «بۇگىنگى لەكسيا ارقىلى نەگىزگى زاڭعا اناعۇرلىم تەرەڭ دە جاپپاي تانىم مەن تۇسىنىككە يە بولدىق. قوعام حاۋىپسىزدىگىنىڭ كادر ساقشىسى سالاۋاتىممەن، بۇدان كەيىن نەگىزگى زاڭعا سانالىلىقپەن بويسىنىپ، نەگىزگى زاڭنىڭ ۇقىعىن قورعاپ، ەرەجە-ءتۇزىم مەن زاڭ-بەلگىلەمەگە بويسىنامىن».
12-ايدىڭ 4-كۇنى تۇستەن بۇرىن، ءۇرىمجى قالالىق قوعام حاۋىپسىزدىگى مەكەمەسى ەرەكشە مىندەت اتقارۋ ساقشى 8-تارماق اترەتى ءۇرىمجى قالالىق قىزىلتۋ بالالار باقشاسىندا «نەگىزگى زاڭ كۇنى» باستى تاقىرىپتىق تاربيە قيمىلىن ورىستەتتى، ەرەكشە مىندەت اتقارۋ ساقشى 8-تارماق اترەتى قولباسشىلىق كەڭسەسىنىڭ حالىق ساقشىسى ۋ يۋە كىشكەنتاي دوستارعا مەملەكەت تۋىنىڭ، مەملەكەت گەربىسىنىڭ سيموۆلدىق ءمانىن ءتۇسىندىرىپ، وتانشىلدىق، زاڭ-تارتىپكە بويسىنۋ سياقتى جاقتارداعى تاربيەنى جۇرگىزىپ، بالالاردىڭ جۇرەگىنە زاڭدى ءبىلۋ، زاڭعا بويسىنۋ تۇقىمىن سەپتى. ۋ يۋە: «بالالاردىڭ ساناسىنا كىشكەنتاي كەزىنەن نەگىزگى زاڭ تانىمىن ورناتۋ-ولاردىڭ ەسەيگەندە باسقا زاڭدى ۇيرەنۋىنە پايدالى»، ــ دەدى.
سانجى قالاسى ديانبا قالاشىعىنىڭ زالىندا، قالاشىق ءادىليا مەكەمەسىنىڭ كادرلارى ءار ۇلت تۇرعىندارىنا بەتبە-بەت زاڭ جالپىلاستىرىپ، زاڭدى جەتكىزىپ، كوپشىلىككە كومەكتەسىپ، كۇدىكتى سۇراۋلارىنا جاۋاپ بەردى، تۇرعىن لي گاڭ بىلاي دەدى: «بۇگىنگى نەگىزگى زاڭدى ۇيرەنۋ قيمىلىنا قاتىناسقاننان كەيىن، مول ءبىلىم الدىم، مەن زاڭ-تارتىپكە بويسىناتىن جاقسى قالا تۇرعىندارىنان بولامىن، زاڭ ءبىزدىڭ ەڭ بەرىك كەپىلىمىز».

بەرىپ كەت ورامالىڭدى

دوستار

الىستاعى اق ەركە